[᭘᭑ 81B]
᭘᭑
᭞ᬳᬶᬦᬸᬧᬋᬗ᭄ᬕᬾᬂᬫᬵᬲ᭄ᬢᬢᬸᬃ᭞ᬳᬧᬬᬸᬂᬦᬶᬮᬵᬫ᭄ᬩᬭ᭞ᬮ᭄ᬯᬶᬃᬚᬮᬤᬶᬳᬗᬺᬱᬺᬱᬶᬦ᭄᭞ᬓᬤᬶᬯᬤ᭄ᬬᬢ᭄᭞ᬓ᭄ᬭᬫ᭄ᬦᬶᬂᬰᬶᬯᬧᬢ᭄ᬭᬦᬶᬭ᭟᭐᭟ᬭᬶᬂᬳᬸᬦ᭄ᬢᬢ᭄ᬲᬂᬫᬳᬵᬤ᭄ᬯᬶᬚ᭞ᬦᬸᬮᬶᬲᬶᬭᬰ᭄ᬭᬷᬪᬹᬧᬢᬶ᭞
ᬫᬳᬵᬭᬵᬚᬯᬶᬃᬬ᭄ᬬᬕᬸᬡ᭞ᬳᬓᬃᬯᬦ᭄ᬭᬢᬳᬸᬫᬶᬭᬶᬂ᭞ᬲᬂᬫᬓᬘᬸᬤᬫᬡᬶ᭞ᬲᬸᬪᬕᬧᬢ᭄ᬭᬫᬳᬵᬫ᭄ᬧᬸ᭞ᬥᬂᬳ᭄ᬬᬂᬰᬹᬦ᭄ᬬᬯᬶᬪᬯ᭞ᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤ᭄ᬭᬳᬗᬮᬶᬄ᭞ᬲᬵᬲ᭄ᬭᬶᬳᬧᬬᬸᬂ᭞ᬕᬭᬸᬥᬭᭀᬫᬧ᭄ᬭ
ᬤᬶᬧ᭄ᬢ᭟᭐᭟ᬓ᭄ᬭᬫ᭄ᬦᬶᬂᬪᬸᬱᬡᬲ᭄ᬯᬃᬡ᭄ᬦ᭞ᬓᬾᬫ᭄ᬩᭂᬳᬦ᭄ᬓᭂᬜᬭᬶᬂᬫᬡᬶᬓ᭄᭞ᬋᬗ᭄ᬕᬦᬶᬂᬭᬢᬵᬪ᭄ᬭᬵᬲᬶᬦᬂ᭞ᬮᬭᬧ᭄ᬦᬶᬂᬤᬶᬯ᭄ᬬᬲ᭄ᬢ᭄ᬭᬮᬸᬗᬶᬤ᭄᭞ᬓᬲᭂᬦ᭄ᬯᬦ᭄ᬭᬯᬭᬰ᭄ᬫᬶ᭞ᬅᬓᬵᬭᬮᬸᬫ᭄ᬭᬳᬸᬫᬸᬭᬸᬩ᭄᭞ᬤᬸᬤᬸᬕ᭄ᬢᭂᬓᬾᬂ
ᬅᬫ᭄ᬩᬭ᭞ᬕᬸᬫᬯᬂᬢᬂᬲᬓᬫᬃᬕ᭄ᬕᬶ᭞ᬫᬸᬂᬕᬸᬫᬸᬭᬸᬄ᭞ᬤ᭄ᬯᬦᬶᬦᬶᬂᬪᬾᬭᬶᬫᬺᬤᬗ᭄ᬕ᭟᭐᭟ᬢᬦ᭄ᬧᬲᬗ᭄ᬓ᭄ᬬᬓ᭄ᬯᬾᬄᬦᬶᬂᬩᬮ᭞ᬬᭀᬤ᭄ᬥᬫᬸᬓ᭄ᬬᬳᬤᬶᬫᬦ᭄ᬢ᭄ᬭᬷ᭞ᬧᬥᬵᬲ᭄ᬭᬂᬳᬕ᭄ᬬᬮᬸᬫᬫ᭄ᬧᬄ᭞ᬳᬦᬸᬗ᭄ᬕᬗᬶᬦᬸ
[᭘᭒ 82A]
ᬤᬳᬲ᭄ᬢᬶ᭞ᬲᬫᬂᬚᬸᬭᬸᬧᬶᬦᬢᬶᬄ᭞ᬰᬸᬪᬫᬗ᭄ᬕᬮᬦᬶᬂᬮᬓᬸ᭞ᬢᬸᬫᬶᬩᬂᬧᬸᬱ᭄ᬧᬯᬃᬱ᭞ᬢᬹᬢᬯᬦ᭄ᬲᬸᬫᬃᬫ᭄ᬭᬶᬓ᭄ᬫᬶᬗᬶᬂ᭞ᬳᬢ᭄ᬭᬶᬳᬸᬫᬸᬂ᭞ᬒᬁᬓᬵᬭᬫᬦ᭄ᬢ᭄ᬭᬾᬂᬕᬕᬡ᭟ᬫᬲ᭄ᬢ᭄ᬯᬓᭂᬜ᭄ᬚᬶᬕ᭄ᬚᬬᬦᬶᬭ᭞
ᬦᬺᬧᬢᬶᬅᬗ᭄ᬕᬦᬵᬕᬭᬷ᭞ᬦ᭄ᬤᬢᬦ᭄ᬓᬯᬃᬡ᭄ᬦᬭᬶᬂᬳᬯᬦ᭄᭞ᬢᬸᬘᬧᬭᬓ᭄ᬭᬶᬬᬦᬧᬢᬶᬄ᭞ᬧᬸᬦᬂᬤᬸᬢᬤᬸᬃᬩᬸᬤ᭄ᬥᬶ᭞ᬧ᭄ᬭᬧ᭄ᬢᬫᭂᬦ᭄ᬤᭂᬓ᭄ᬭᬶᬚᭂᬂᬧ᭄ᬭᬪᬸ᭞ᬦᬭᬾᬦ᭄ᬤ᭄ᬭᬧᬤ᭄ᬫᬦᬵᬪ᭞ᬢᬦ᭄ᬤᬸᬓᬶᬂᬮᬶᬭᬶᬂᬳᬫᬦᬶᬲ᭄᭞ᬦᬸᬮ᭄ᬬ
ᬫᬸᬯᬸᬲ᭄᭞ᬮᬶᬗᬶᬭᬰ᭄ᬭᬷᬦᬭᬦᬵᬣ᭟᭐᭟᭟ᬥᬸᬄᬪᬕ᭄ᬬᬫᬦ᭄ᬢᬦᬶᬃᬯᬶᬖ᭄ᬦ᭞ᬧ᭄ᬭᬧ᭄ᬢᬧᭀᬓᬶᬢᬳᬧᬢᬶᬄ᭞ᬓᬤ᭄ᬬᬧᬢᬂᬧ᭄ᬭᬬᭀᬚᬦ᭞ᬤᬸᬃᬩᬸᬤᬶᬰᬶᬖ᭄ᬭᬯᭀᬢ᭄ᬲᬭᬶ᭞ᬲᬥᬭᬫᬵᬢᬸᬳᬭᬶᬲ᭄᭞ᬥᬸᬄᬲᬶ
ᬗ᭄ᬕᬶᬄᬲᬚ᭄ᬜᬵᬧᬸᬓᬸᬮᬸᬦ᭄᭞ᬮᬶᬗᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬪᬹᬧᬢᬶᬅᬦ᭄ᬢᬦᬵᬕᬭᬷ᭞ᬲᬦᬮᬶᬓ᭞ᬧ᭄ᬭᬧ᭄ᬢᬗ᭄ᬓᬾᬳᬫᬲ᭄ᬢ᭄ᬬᬮᬧᬓ᭄ᬦ᭟᭐᭟ᬭᬶᬦᬲᬧᬝᬶᬓ᭄ᬪᬝᬵᬭ᭞ᬲᬾᬲ᭄ᬢᬶᬦᬶᬂᬧᬭᬤᬶᬫᬦ᭄ᬢ᭄ᬭᬷ᭞ᬲᬫ
Page:Bali-lontar-gaguritan-wiryya-guna-a-300ppi.pdf/82
Jump to navigation
Jump to search
This page has been proofread.
