[᭗᭑ 71B]
᭗᭑
ᬓᬭᬰᬹᬭᬯᬦᬶ᭞ᬮ᭄ᬯᬶᬃᬳᬕ᭄ᬦᬶᬉᬚ᭄ᬯᬮ᭞ᬫᬸᬗ᭄ᬕ᭄ᬯᬶᬂᬕᬥᬶᬂᬦ᭄ᬬᬓᬦᬦ᭄᭞ᬭᬓ᭄ᬭᬶᬬᬦ᭄ᬤᬸᬃᬩᬮᬗᬗ᭄ᬕᭂᬳᬶ᭞ᬓ᭄ᬭᬸᬭᬪᬷᬭᬫ᭞ᬮᬖᬯᬰᬹᬭᬰᬓ᭄ᬢᬶ᭟᭐᭟ᬫᬸᬗ᭄ᬕ᭄ᬯᬶᬂᬦᬾᬢ᭄ᬭᬢ᭄ᬓᬾᬂᬢᭂᬦ᭄ᬤᬲ᭄ᬫᬓᬸᬲᬭ᭞ᬭᭀ
ᬤ᭄ᬭᬭᬹᬧᬲᬸᬰᬓ᭄ᬢᬶ᭞ᬲᬶᬭᬓ᭄ᬭᬶᬬᬦ᭄ᬤᬸᬃᬪᬬ᭞ᬬᬬᬳᬩ᭄ᬤᬶᬧᬯᬓ᭞ᬫᬸᬗ᭄ᬕ᭄ᬯᬶᬂᬧ᭄ᬭᬱ᭄ᬝᬓ᭄ᬭᬶᬬᬦ᭄ᬧᬢᬶᬄ᭞ᬤᬸᬃᬩᬸᬤ᭄ᬥᬶᬲᬵᬓ᭄ᬱᬢ᭄᭞ᬪᬸᬢᬭᭀᬤ᭄ᬭᬲᬸᬰᬓ᭄ᬢᬶ᭟᭐᭟ᬫᬸᬗ᭄ᬕ᭄ᬯᬶᬂᬩᬸᬕᬢ᭄ᬰ᭄ᬭᬷᬦᬭᬾᬦ᭄ᬤ᭄ᬭᬧᬤ᭄ᬫᬦᬵ
ᬪ᭞ᬪᬹᬧᬢᬶᬪᬯᬫᬹᬃᬢ᭄ᬢᬶ᭞ᬳᬦᬸᬗ᭄ᬕᬗᬶᬭᬢ᭞ᬳᬶᬭᬩᬚ᭄ᬭᬲᬸᬤᬶᬧ᭄ᬢ᭞ᬢᬦ᭄ᬧᬾᬦ᭄ᬤᬄᬧᬯᬓᬕᬶᬭᬶ᭞ᬮᬸᬫᭂᬂᬤᬸᬫᬶᬮᬄ᭞ᬲᬸᬫᭂᬗ᭄ᬓᬭᬶᬂᬥᬶᬓ᭄ᬯᬶᬥᬶᬓ᭄᭟᭐᭟ᬮᬷᬮᬲᬶᬭᬳᬗᬸᬦ᭄ᬤᬓᭀᬦ᭄ᬢᬧ᭄ᬭ
ᬤᬶᬧ᭄ᬢ᭞ᬮᬸᬫᬭᬧᬶᬂᬳᬯ᭄ᬬᬢᬶ᭞ᬮ᭄ᬯᬶᬃᬲ᭄ᬧᬢᬶᬓᬮᬶᬗ᭄ᬕ᭞ᬉᬚ᭄ᬯᬮᬾᬂᬅᬦ᭄ᬢᬭᬶᬓ᭄ᬱ᭞ᬮ᭄ᬯᬶᬃᬫᬺᬢ᭄ᬬᬭᭀᬤ᭄ᬭᬳᬗᬯᬶᬢ᭄᭞ᬫᬢ᭄ᬢᬧ᭄ᬭᬕᬮ᭄ᬪ᭞ᬅᬢᬳᬗᬺᬱᬶᬳᬢᬶ᭟᭐᭟ᬲ᭄ᬤᭂᬂᬫᬦ᭄ᬤᭂᬕ᭄ᬕᬸᬫ᭄ᬕᭂᬃᬮᬫ᭄ᬧ
[᭗᭒ 72A]
ᬳᬶᬂᬩᬮ᭞ᬧᬤ᭄ᬫᬦᬵᬪᬦᬵᬕᬭᬷ᭞ᬦ᭄ᬤᬦ᭄ᬲᬗᬤᬶᬓᬵᬭ᭞ᬧᬢᬶᬄᬭᬶᬂᬅᬦ᭄ᬢᬧᬸᬭ᭞ᬓ᭄ᬭᬶᬬᬦ᭄ᬓᬸᬦ᭄ᬥᬭᬳᬲ᭄ᬬᬕ᭄ᬮᬶᬲ᭄᭞ᬫᬗ᭄ᬕᭂᬄᬳᬫᬧᬕ᭄᭞ᬳᬗᬸᬦ᭄ᬤᬩᬚ᭄ᬭᬮᬸᬗᬶᬤ᭄᭟᭐᭟ᬯᬸᬲᬫᬋᬓ᭄ᬫᬮᬕᬸᬫ᭄ᬕᭂᬃᬳ
ᬧᭀᬮᬄ᭞ᬩᬮᬦᬶᬭᬦᬺᬧᬢᬶ᭞ᬭᬵᬚᬧᬤ᭄ᬫᬦᬵᬪ᭞ᬕ᭄ᬮᬶᬲ᭄ᬧ᭄ᬭᬧ᭄ᬢᬲᬂᬦᬵᬣ᭞ᬲᬶᬭᬧ᭄ᬭᬪᬸᬪᬯᬫᬹᬃᬢ᭄ᬢᬶ᭞ᬫᬸᬮᬢ᭄ᬦᬶᬂᬪᬬ᭞ᬘᬶᬳᬘᬶᬳᬭᬶᬂᬩᬸᬤ᭄ᬥᬶ᭟᭐᭟ᬕᬸᬫ᭄ᬭᬶᬢ᭄ᬭᬢᬦᬶᬭᬧᬢᬶᬄᬓᬸᬦ᭄ᬥᬭᬳ
ᬲ᭄ᬬ᭞ᬳᬢᬜᬳᬫᬋᬓᬶ᭞ᬲᬓᬶᬂᬳᭂᬦ᭄ᬤᬶᬓᬶᬢᬫ᭄ᬲᬬᬕᬲᬲᬜ᭄ᬚᬢ᭞ᬳᬕ᭄ᬮᬃᬧᬭᬦ᭄ᬓᭀᬳᬭᬶ᭞ᬮᬄᬯᬭᬳᬶᬗ᭄ᬯᬂ᭞ᬧᬢᬶᬄᬭᬶᬂᬅᬦ᭄ᬢᬧᬸᬭᬷ᭟᭐᭟ᬰᬷᬖ᭄ᬭᬵᬲᬯᬸᬃᬭᬓ᭄ᬭᬶᬬᬦ᭄ᬤᬸᬃᬩᬸᬤ᭄ᬥᬶᬦᬶᬰ᭄ᬘᬮ᭞ᬪᬬ
ᬓᭀᬲᬶᬭᬧᬢᬶᬄ᭞ᬭᬶᬂᬅᬦ᭄ᬢᬦᬵᬕᬭ᭞ᬪᬕ᭄ᬬᬰ᭄ᬭᬷᬪᬹᬫᬶᬦᬵᬣ᭞ᬓᬢ᭄ᬫᬸᬭᬶᬂᬲᬶᬭᬬᬬᬶ᭞ᬧᬦ᭄ᬲᬦᬶᬭ᭞ᬫᬋᬓ᭄ᬭᬶᬂᬰ᭄ᬭᬷᬪᬹᬧᬢᬶ᭟᭐᭟ᬬᬾᬓᬶᬳᬶᬗᭀᬂᬳᬧᬢᬶᬄᬭᬶᬂᬧᬤ᭄ᬫᬦᬵᬪ᭞ᬳᬓᬓᬲᬶᬄ
Page:Bali-lontar-gaguritan-wiryya-guna-a-300ppi.pdf/72
Jump to navigation
Jump to search
This page has been proofread.
