[᭖᭙ 69B]
᭖᭙
᭞ᬫᬵᬢᬸᬃᬭᬶᬚᭂᬂᬦᬺᬧᬢᬶ᭟᭐᭟ᬲᬶᬗ᭄ᬕᬶᬄᬤᬾᬯᬧᬤᬸᬓᬰ᭄ᬭᬷᬪᬹᬫᬶᬦᬵᬣ᭞ᬭᬓ᭄ᬯᬧᬝᬶᬓ᭄ᬦᬺᬧᬢᬶ᭞ᬧᬢᬶᬄᬓᬺᬢᬘᬶᬢ᭄ᬢ᭞ᬢᬶᬦᬹᬢ᭄ᬭᬶᬂᬘᬢᬸᬃᬢᬦ᭄ᬤ᭞ᬚᬬᬰᬭᬡᬢᬦ᭄ᬓᬭᬶ᭞ᬲᬵᬫ᭄ᬧᬸᬦᬸᬫᬗ᭄ᬓᬢ᭄᭞ᬭᬶᬂ
ᬢ᭄ᬧᬶᬦᬶᬂᬦᬵᬕᬭᬷ᭟᭐᭟ᬯᬸᬲ᭄ᬲᬬᬕᬲᬳᬩᬮᬬᭀᬤ᭄ᬥᬰᬹᬭ᭞ᬳᬸᬫᬶᬤ᭄ᬭᬶᬂᬦᬵᬕᬭᬷ᭞ᬳᬕ᭄ᬮᬭᬢᬶᬗ᭄ᬓᬄ᭞ᬲᬳᬕᬚᬢᬸᬭᬗ᭄ᬕ᭞ᬦᬯ᭄ᬬᬳᬦᬰᬢ᭄ᬭᬸᬧ᭄ᬭᬧ᭄ᬢᬶ᭞ᬤᭀᬦ᭄ᬬᬳᬸᬫᬗ᭄ᬓᬢ᭄᭞ᬳᬧ᭄ᬢ᭄ᬬᬫᬕᬸ
ᬢ᭄ᬭᬶᬂᬚᬸᬭᬶᬢ᭄᭟᭐᭟ᬳᭂᬦ᭄ᬢᬶᬳᬃᬱᬰ᭄ᬭᬷᬦᬭᬾᬦ᭄ᬤ᭄ᬭᬯᬷᬃᬬ᭄ᬬᬕᬸᬡ᭞ᬫᬓᬵᬤᬶᬰ᭄ᬭᬷᬪᬹᬧᬢᬶ᭞ᬧ᭄ᬭᬪᬸᬚᬮᬲᬶᬤ᭄ᬥᬶ᭞ᬢ᭄ᬓᬾᬂᬧᬭᬪᬸᬚᬗ᭄ᬕ᭞ᬲᬫ᭄ᬬᬲ᭄ᬭᬗᬫᬸᬚᬶᬫᬸᬚᬶ᭞ᬯᬶᬘᬶᬢ᭄ᬭᬦᬶᬭ᭞ᬭᬓ᭄ᬭᬶᬬᬦ᭄ᬫᬧᬢᬶᬄᬓᬮᬶᬄ᭟
᭐᭟ᬓᬸᬦᬂᬲᬶᬭᬓ᭄ᬭᬶᬦ᭄ᬧᬢᬶᬄᬓᬸᬦ᭄ᬥᬭᬳᬲ᭄ᬬ᭞ᬓᬶᬦᭀᬦ᭄ᬤᬾᬭᬦᬺᬧᬢᬶ᭞ᬰᬷᬖ᭄ᬭᬤᬦᬸᬫᬗ᭄ᬓᬢ᭄᭞ᬫᬶᬫ᭄ᬩᬗᬶᬓᬺᬢᬘᬶᬢ᭄ᬢ᭞ᬲᬳᬩᬮᬬᭀᬤ᭄ᬥᬫᬦ᭄ᬢ᭄ᬭᬷ᭞ᬦ᭄ᬤᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬓᬭᬶᬳᬗᬸᬘᬧᬕᭀᬱ᭄ᬝᬶ
[᭗᭐ 70A]
᭟᭐᭟ᬫᬶᬭᬶᬂᬲᬶᬭᬥᬂᬳ᭄ᬬᬂᬮᬷᬮᬧᬭᬫᬵᬃᬣ᭞ᬫᬓᬵᬤᬶᬲᬂᬫᬳᬵᬬᬢᬶ᭞ᬰ᭄ᬭᬷᬰᬹᬦ᭄ᬬᬯᬶᬤᬯ᭞ᬳᬫᬃᬡ᭄ᬦᬫᬃᬡ᭄ᬦᬾᬂᬘᬶᬢ᭄ᬢ᭞ᬬᬦ᭄ᬲᬓᬶᬂᬦ᭄ᬤᬶᬧᬸᬦᬂᬳᬭᬶ᭞ᬳᬧ᭄ᬢᬶᬦ᭄ᬤᬸᬫᭀᬦ᭞ᬫᬕᬭᬾᬂᬤ᭄ᬬᬦ᭄ᬢᬧᬸᬭᬷ᭟᭐᭟
ᬯᬲ᭄ᬓᬫᬦ᭄ᬢ᭄ᬬᬦ᭄ᬲᬵᬫ᭄ᬧᬸᬃᬡ᭄ᬦᬲᬶᬂᬩ᭄ᬬᬳ᭞ᬤᬸᬤᬸᬳᬦᬳᬗᬶᬤ᭄ᬭᬶ᭞ᬲᬲᭂᬗ᭄ᬓᭂᬭᬶᬂᬭᬵᬚ᭄ᬬ᭞ᬚᬬᬰᬭᬡᬵᬤᬶᬓᬵᬭ᭞ᬓᬸᬦᬂᬲᬶᬭᬭᬓ᭄ᬭᬶᬬᬦ᭄ᬧᬢᬶᬄ᭞ᬧᬸᬦ᭄ᬓᬺᬢᬘᬶᬢ᭄ᬢ᭞ᬤᬤᬶᬧ᭄ᬭᬱ᭄ᬝᬳᬗᬸᬓᬸᬳᬷ᭟᭐᭟ᬓᬸᬦᬂᬲᬶ
ᬭᬭᬓ᭄ᬭᬶᬬᬦ᭄ᬫᬦ᭄ᬢ᭄ᬭᬷᬰᬹᬭᬵᬦ᭄ᬢᬓ᭞ᬭᬶᬗᬋᬧ᭄ᬲᬶᬭᬫᬸᬗ᭄ᬕ᭄ᬯᬶᬂ᭞ᬳᬦ᭄ᬤᬤᬶᬦᬵᬲᬶᬓᬵ᭞ᬗᬩᭂᬢᬓᭂᬦ᭄ᬕᬚᬾᬦ᭄ᬤ᭄ᬭ᭞ᬲᬸᬩᬤ᭄ᬥᬢᬸᬮ᭄ᬬᬰᬶᬮᬵᬤ᭄ᬭᬶ᭞ᬫᬢ᭄ᬢᬧ᭄ᬭᬕᬮ᭄ᬩ᭞ᬳᬗᬸᬦ᭄ᬤᬩᬶᬤᬸᬭᬮᬸᬗᬶᬤ᭄᭟᭐᭟ᬤᬷᬭᬲᬶᬭᬭᬓ᭄ᬭᬶᬦ᭄ᬫ
ᬦ᭄ᬢ᭄ᬭᬶᬫᬥᬸᬲᬸᬤᬵᬦ᭞ᬘᭂᬢᬲᬶᬭᬳᬸᬫᬸᬗ᭄ᬕ᭄ᬯᬶᬂ᭞ᬭᬢᬫᬦᬶᬫᬬ᭞ᬫᬓᬳ᭄ᬮᬃᬭᬶᬂᬓᬦᬦ᭄᭞ᬤᬶᬯ᭄ᬬᬲ᭄ᬢ᭄ᬭᬘᬓ᭄ᬭᬫᬶᬦᬸᬱ᭄ᬝᬶ᭞ᬯᬶᬭᬧ᭄ᬭᬓᭀᬰ᭞ᬢᬦ᭄ᬧᬾᬦ᭄ᬤᬄᬯᬶᬱ᭄ᬡᬸᬫᬹᬃᬢ᭄ᬢᬶ᭟᭐᭟ᬳ᭄ᬮᬭᬶᬂᬓᬶᬯᬲᬶᬭᬭᬓ᭄ᬭᬶ
Page:Bali-lontar-gaguritan-wiryya-guna-a-300ppi.pdf/70
Jump to navigation
Jump to search
This page has been proofread.
