[᭕᭖ 56B]
᭕᭖
ᬩᬶᬂᬮᬫ᭄ᬧᬄ᭞ᬮ᭄ᬯᬶᬃᬩᬸᬩᬸᬮᬂᬧ᭄ᬭᬢᬶᬣᬶ᭟᭐᭟ᬤ᭄ᬯᬚᬫᬼᬓ᭄ᬓᬸᬫ᭄ᬮᬩ᭄ᬮ᭄ᬯᬶᬃᬳᬦ᭄ᬤᬓᬭ᭞ᬮᬸᬫᬭᬧ᭄ᬓᬤᬶᬢᬢᬶᬢ᭄᭞ᬕᭂᬮᬶᬧ᭄ᬦᬶᬂᬯᬭᬲ᭄ᬢ᭄ᬭ᭞ᬓᬲᭂᬦ᭄ᬯᬦ᭄ᬤᬶᬯᬗ᭄ᬓᬭ᭞ᬧᬗᬋᬧᬶᬭᬦᬺᬧᬢᬶ᭞ᬓᬂᬬᭀᬤ᭄ᬥᬫᬸ
ᬓ᭄ᬬ᭞ᬧᬥᬢᬶᬲᬬᬾᬂᬰᬓ᭄ᬢᬶ᭟᭐᭟ᬲᬶᬦ᭄ᬮᬗᬶᬂᬲᬳᬲ᭄ᬢ᭄ᬭᬘᬾᬢᬶᬓᬳᬭᬭᬳᬦ᭄᭞ᬯᭀᬗᬥᬥᬧᬗᬧᬶᬢ᭄᭞ᬧᬢᬺᬫ᭄ᬫ᭄ᬯᬂᬘᬸᬭᬶᬕ᭞ᬘᬸᬭᬶᬓ᭄ᬯᬲᬶᬗᬸᬮ᭄ᬯᬮᬦ᭄᭞ᬦᬸᬮᬶᬯᭀᬂᬲᬶᬦ᭄ᬮᬶᬃ
ᬲ᭄ᬮᬶᬃ᭞ᬳᬲᬶᬓᭂᬧ᭄ᬓᬦ᭄ᬢᬃ᭞ᬢᬫᬾᬂᬲᬗ᭄ᬓᬸᬃᬓᬶᬦᬢᬶᬓ᭄᭟᭐᭟ᬫᬸᬗ᭄ᬕ᭄ᬯᬶᬂᬭᬢᬳᬶᬭᬩᬚ᭄ᬭᬵᬕᭃᬲᬸᬯᬃᬡ᭄ᬦ᭞ᬪᬶᬦᬸᬱᬡᬾᬂᬫᬵᬲᬤᬶ᭞ᬧᬶᬦᬧᬕᬶᬂᬭᬵᬢ᭄ᬦ᭞ᬫᬸᬮ᭄ᬬᬭᬶᬦᭂᬗ᭄ᬕᬋᬗ᭄ᬕ᭞ᬓᬶᬦᭀᬫᬮᬩᬵᬂᬢᬸᬳᬸ
ᬳᬲ᭄ᬭᬶ᭞ᬚ᭄ᬯᬮᬶᬢᬲᬶᬦᬂ᭞ᬯᬳᬦᬰ᭄ᬭᬷᬪᬹᬧᬢᬶ᭟᭐᭟ᬲᬤᬰᬳᬰ᭄ᬯᬧᬗᬶᬭᬶᬤ᭄ᬓᬂᬲᬓᬢ᭞ᬢ᭄ᬮᬂᬢ᭄ᬮᬂᬳᬦᬶᬲᬶᬄ᭞ᬢᬸᬮ᭄ᬬᬪᬹᬢᬭᭀᬤ᭄ᬭ᭞ᬢᬶᬦ᭄ᬗᭂᬃᬤ᭄ᬯᬚᬭᬵᬓ᭄ᬢ᭞ᬧᬶᬦᬶᬦ᭄ᬤᬕᬚᬚᬶᬦ
[᭕᭗ 57A]
ᬯᬶ᭞ᬰᬵᬮᬵᬧ᭄ᬭᬤᬶᬧ᭄ᬢ᭞ᬤᬦ᭄ᬢᬦ᭄ᬬᬭᬶᬗᬶᬭᬶᬗᬶ᭟᭐᭟ᬧᬶᬦᬬᬸᬗᬜ᭄ᬚᭀᬂᬓᬸᬦᬶᬂᬳᬸᬫᬸᬗ᭄ᬕ᭄ᬯᬶᬂᬳᬃᬱ᭞ᬕᬭᬸᬥᬭᭀᬫᬾᬂᬯᬶᬗ᭄ᬓᬶᬂ᭞ᬪᬲ᭄ᬯᬭᬓᬮᬗᬦ᭄᭞ᬫᬶᬩᭂᬓᬶᬤᬶᬕᬦ᭄ᬢᬭ᭞ᬤ᭄ᬯᬚᬮ᭄ᬯᬶᬃᬯᬗ᭄ᬓᬯᬾᬂᬮᬗᬶ
ᬢ᭄᭞ᬚ᭄ᬯᬮᬶᬢᬲᬶᬦᬂ᭞ᬬᬬᬧᬃᬯ᭄ᬯᬢᬩᬳ᭄ᬦᬶ᭟᭐᭟ᬲᬶᬦᭂᬫ᭄ᬩᬃᬭᬶᬂᬮᬭᬲᬶᬂᬧ᭄ᬤᬂᬮᬶᬦᬶᬕ᭞ᬮᬸᬫᬭᬧ᭄ᬓᬥᬶᬢᬢᬶᬢ᭄᭞ᬧᬭᬾᬲ᭄ᬬᬳᬶᬗᬸᬦ᭄ᬤ᭞ᬢᬸᬮ᭄ᬬᬭᬯᬸᬗᬮᬤᬮᬤ᭄᭞ᬳᬸᬫᬧᬶᬢ᭄ᬮ
ᬫ᭄ᬧᬄᬦᬺᬧᬢᬶ᭞ᬳ᭄ᬬᬂᬲᬹᬃᬬ᭄ᬬᬯᬶᬫ᭄ᬩ᭞ᬋᬱᬺᬫᬺᬫ᭄ᬕᬶᬭᬶᬕᬶᬭᬶ᭟᭐᭟ᬓ᭄ᬭᬹᬭᬫᬶᬭᬾᬲ᭄ᬯᬪᬯᬦᬭᬦᬵᬣ᭞ᬳᬮᬸᬗ᭄ᬕ᭄ᬯᬶᬂᬭᬢᬫᬡᬶᬓ᭄᭞ᬲᬸᬤᬶᬧ᭄ᬢᬵᬪ᭄ᬭᬵᬲᬶᬦᬂ᭞ᬬᬬᬓᬸᬦ᭄ᬤᬸᬃᬳᬗ᭄ᬤᬧ᭄᭞ᬧᬶᬦᬭᬶᬯᬺᬢᬾᬂ
ᬩᬶᬦᬶᬳᬚᬶ᭞ᬮ᭄ᬯᬶᬃᬤᬾᬯᬵᬗ᭄ᬕᬡ᭞ᬗᬶᬲᬧᬸᬚᭂᬂᬦᬺᬧᬢᬶ᭟᭐᭟ᬓ᭄ᬯᬾᬄᬦᬶᬓᬂᬲ᭄ᬢ᭄ᬭᬷᬲᬧᬸᬮᬸᬄᬳᬦᬭᬶᬯᬭ᭞ᬭᭀᬭᭀᬳᬜᬫᬭᬦᬶ᭞ᬓᭂᬫ᭄ᬩᬃᬳᬬᬸᬳᬦ᭄ᬯᬫ᭄᭞ᬮ᭄ᬯᬶᬃᬯᬶᬤ᭄ᬬᬥᬭᬶᬂᬓᬾ
Page:Bali-lontar-gaguritan-wiryya-guna-a-300ppi.pdf/57
Jump to navigation
Jump to search
This page has been proofread.
