[᭔᭖ 46B]
᭔᭖
ᬰᬷᬖ᭄ᬭᬲᬵᬫ᭄ᬧᬸᬦ᭄ᬢᬸᬫᬶᬗ᭄ᬓᬄ᭞ᬲᭀᬧᬓᬭᬦᬶᬂᬧᬲᬚᬶ᭞ᬲᬗ᭄ᬳᬳᬸᬮᬸᬦ᭄᭞ᬯᬸᬲ᭄ᬫᬜ᭄ᬚᬶᬂᬭᬶᬂᬚ᭄ᬭᭀᬯᬾᬯᬰ᭄ᬫ᭟᭐᭟ᬓᬸᬦᬂᬧᬸᬦ᭄ᬓᬸᬦ᭄ᬥᬭᬳᬲ᭄ᬬ᭞ᬉᬫᬶᬭᬶᬂᬲᬂᬫᬳᬵᬋᬱᬶ᭞ᬧᭂᬧᭂᬓ᭄ᬧᬸᬦᬂᬘᬢᬸᬭᬗ᭄ᬕ᭞ᬲᬧᬦᬸ
ᬗ᭄ᬲᬸᬂᬭᬶᬂᬦᬺᬧᬢᬶ᭞ᬭᬫ᭄ᬬᬳᬸᬦᬶᬦᬶᬂᬪᬾᬭᬶ᭞ᬫᬺᬤᬗ᭄ᬕᬫᬸᬭᬯᬳᬸᬫᬸᬂ᭞ᬢᬦ᭄ᬫ᭄ᬯᬳᬕ᭄ᬬᬓᬧᬧᬕ᭄᭞ᬭᬶᬗᬯᬦ᭄ᬰ᭄ᬭᬷᬦᬭᬧᬢᬶ᭞ᬤᬤ᭄ᬬᬰ᭄ᬘᬃᬬ᭄ᬬ᭞ᬧᬸᬦ᭄ᬓᬸᬦ᭄ᬥᬭᬳᬲ᭄ᬬᬫᬸᬮᬢ᭄᭟᭐᭟ᬳᬫᬃᬫ᭄ᬫᬫᬃᬫ᭄ᬫᬭᬶᬂᬘᬶ
ᬢ᭄ᬢ᭞ᬭᬶᬧ᭄ᬓᬶᬓ᭄ᬱ᭄ᬳ᭄ᬭᬷᬦᬭᬧᬢᬶ᭞ᬪᬬᬾᬓᬶᬳ᭄ᬬᬂᬫᬦᭀᬪᬯ᭞ᬲᬲᭀᬮᬳᬶᬭᬭᬲ᭄ᬧᬢᬶ᭞ᬢᬫᬾᬂᬭᬭᬲᬫᬦᬶᬲ᭄᭞ᬮ᭄ᬯᬶᬃᬳᬗ᭄ᬫᬸᬫᬥᬸᬚᬸᬭᬸᬄ᭞ᬧᬦ᭄ᬢᭂᬲᬦᬦ᭄ᬤᬂᬧᬬᬲ᭄᭞ᬢᬦ᭄ᬧᬾᬦ᭄ᬤᬄᬳ᭄ᬬᬂᬚᬶᬦᬫᬹᬃ
ᬢ᭄ᬢᬶ᭞ᬳᬫᬸᬯᬸᬄᬭᬹᬫ᭄᭞ᬳᬮᬶᬗ᭄ᬕᬶᬳᬾᬂᬲᬓᬢᬭᬵᬢ᭄ᬦ᭟᭐᭟ᬳᬶᬭᬶᬓᬰ᭄ᬭᬷᬯᬶᬃᬬ᭄ᬬᬕᬸᬡ᭞ᬢᬸᬫᬦ᭄ᬤᬸᬓ᭄ᬮᬶᬭᬶᬗᬫᬦᬶᬲ᭄᭞ᬲᬲ᭄ᬫᬶᬢᬮ᭄ᬯᬶᬃᬫᬥᬸᬤ᭄ᬭᬯ᭞ᬫᬦᭀᬳᬭᬦ᭄ᬤᬸᬤᬸᬢ᭄ᬳᬢᬶ᭞ᬦᬸᬮ᭄ᬬ
[᭔᭗ 47A]
ᬦᭀᬮᬶᬄᬭᬶᬂᬧᬢᬶᬄ᭞ᬓᬺᬢᬘᬶᬢ᭄ᬢᬯ᭄ᬭᬸᬳᬶᬂᬤᬸᬮᬸ᭞ᬰᬷᬖ᭄ᬭᬫᬋᬓᬦᭂᬫ᭄ᬩᬄ᭞ᬭᬶᬚᭂᬗᬶᬭᬰ᭄ᬭᬷᬦᬺᬧᬢᬶ᭞ᬕ᭄ᬮᬶᬲ᭄ᬫᬢᬸᬃ᭞ᬲᬶᬗ᭄ᬕᬶᬄᬲᬵᬚ᭄ᬜᬵᬰ᭄ᬭᬷᬦᬭᬾᬦ᭄ᬤ᭄ᬭ᭟᭐᭟ᬬᬾᬓᬶᬧᬸᬦ᭄ᬓᬸᬦ᭄ᬥᬭᬳᬲ᭄ᬬ᭞ᬧ᭄ᬭᬧ᭄ᬢᬳ
ᬫᭂᬢᬸᬓ᭄ᬦᬺᬧᬢᬶ᭞ᬲᬂᬲᬶᬤ᭄ᬥᬲᬶᬦᬪᬭ᭞ᬫᬗ᭄ᬕᬓᬳᬗᬤᭂᬕ᭄ᬧᬢᬶᬄ᭞ᬓᬋᬧᬋᬧ᭄ᬭᬵᬫᬳᬚᬷ᭞ᬳᬫᬗ᭄ᬓᬸᬓᬸᬝᬵᬦᬕᬦ᭄ᬢᬸᬦ᭄᭞ᬲᬮ᭄ᬯᬦᬶᬂᬤ᭄ᬬᬦ᭄ᬢᬧᬸᬭ᭞ᬧᬸᬗ᭄ᬕᬦᬶᬂᬧᬭᬤᬶᬫᬦ᭄ᬢ᭄ᬭᬷ᭞ᬯᬸᬲ᭄ᬓ
ᬲᬸᬫ᭄ᬩᬂ᭞ᬯᬶᬤᬕ᭄ᬤᬗᬾᬦᬓᬶᬢ᭄ᬯᬦ᭄᭟᭐᭟ᬳᭂᬦ᭄ᬢᬶᬳᬃᬱᬰ᭄ᬭᬷᬦᬭᬾᬦ᭄ᬤ᭄ᬭ᭞ᬦ᭄ᬤᬦ᭄ᬓᬸᬦ᭄ᬥᬭᬳᬲ᭄ᬬᬦᬸᬮᬶ᭞ᬲᬸᬫᬸᬬᬸᬕ᭄ᬲᬶᬭᬵᬯᬵᬢ᭄ᬲ᭄ᬓᬃ᭞ᬕᭂᬫᭃᬕᭂᬫᭃᬦ᭄ᬰ᭄ᬭᬷᬪᬹᬧᬢᬶ᭞ᬭᬓ᭄ᬭᬶᬬᬦ᭄ᬧᬢᬶᬄᬳᬗ᭄ᬮᬶᬂ᭞
ᬫᬦᬶᬭᬓᬶᬦᭀᬦ᭄ᬧᬸᬓᬸᬮᬸᬦ᭄᭞ᬤᬾᬭᬵᬫᬧᬭᬫᬾᬰ᭄ᬯᬭ᭞ᬲᬸᬫᬸᬗ᭄ᬲᬸᬂᬰ᭄ᬭᬶᬦᬭᬧᬢᬶ᭞ᬧᬦᬮᬫ᭞ᬭᬵᬫᬵᬚᬷᬳᬗᬬᬫᬬᬫ᭄᭟᭐᭟ᬭᬶᬧ᭄ᬭᬧ᭄ᬢᬦᬶᬭᬧᬗᬾᬭᬦ᭄᭞ᬳᬸᬫᬋᬓ᭄ᬱ᭄ᬳ᭄ᬭᬷ
Page:Bali-lontar-gaguritan-wiryya-guna-a-300ppi.pdf/47
Jump to navigation
Jump to search
This page has been proofread.
