[᭓᭕ 35B]
᭓᭕
ᬤᬦ᭄ᬤᬦᬦᬓᬂᬮᬓᬸ᭞ᬫ᭄ᬯᬂᬓᬶᬦᭀᬦ᭄ᬭᬹᬫᬓ᭄ᬱᬡ᭞ᬭᬵᬚ᭄ᬬᬓᬶᬢᬧᭀᬓᬶᬧᬢᬶᬄ᭞ᬳᬫᬋᬜ᭄ᬘ᭞ᬯᬶᬪᬵᬕᬲᬓ᭄ᬯᬾᬳᬶᬂᬢᬦ᭄ᬤ᭟᭐᭟ᬭᬓ᭄ᬭᬶᬬᬦ᭄ᬧᬢᬶᬄᬳᬯᭀᬢ᭄ᬲ᭄ᬓᬃ᭞ᬧᬶᬦᬭᬧᬢᬶᬓᬂᬫᬦ᭄ᬢ᭄ᬭᬷ
ᬲᬪᬕᬳᬗ᭄ᬮᬾᬭᬶᬂᬧᬸᬭ᭞ᬢᬶᬕᬂᬪᬕᬓᬂᬮᬸᬫᬭᬶᬲ᭄᭞ᬉᬫᬶᬭᬶᬂᬰ᭄ᬭᬷᬦᬭᬧᬢᬶ᭞ᬧᬢ᭄ᬫᬸᬓ᭄ᬬᬦᬶᬂᬫᬦ᭄ᬢ᭄ᬭᬶᬬᬢᬸᬗ᭄ᬕ᭞ᬅᬃᬬ᭄ᬬᬯ᭄ᬓᬫ᭄ᬯᬂᬤ᭄ᬬᬓ᭄ᬱ᭞ᬓᬦᬸᬭᬸᬳᬦ᭄ᬮᬦ᭄ᬫᬗᭀᬭᬶ᭞ᬓᬂᬯᬶᬦᬸᬯᬸᬲ᭄᭞ᬧ᭄ᬭᬢ᭄ᬬᬓ᭄ᬱᬯᬶᬤᬕ᭄ᬤᬾᬂ
ᬦᬬ᭟᭐᭟ᬧ᭄ᬭᬓᭀᬰᬰᬹᬭᬮᬖᬯ᭞ᬰᬓ᭄ᬢᬶᬯᬶᬃᬬ᭄ᬬᬫᬳᬵᬲᬶᬤ᭄ᬥᬶ᭞ᬚᬶᬦᭀᬕ᭄ᬬᬲᬶᬦᬭᬤᬭ᭞ᬦ᭄ᬤᬦ᭄ᬲᬶᬭᬰ᭄ᬭᬷᬦᬭᬧᬢᬶ᭞ᬦᬸᬮᬶᬉᬫᬢᬸᬃᬳᬭᬶᬲ᭄᭞ᬭᬶᬲᬶᬭᬲᬂᬧᬦ᭄ᬥ᭄ᬬᬕᬸᬭᬸ᭞ᬫᬶᬦ᭄ᬢᬳᬯᬦᬶᬂᬮᬸᬫ
ᬫ᭄ᬧᬄ᭞ᬲᬂᬧᬦ᭄ᬥ᭄ᬬᬕ᭄ᬮ᭄ᬮᬶᬲᬸᬫᬯᬶᬢ᭄᭞ᬳᭀᬬᬾᬂᬰᬸᬓ᭄ᬮᬧᬓ᭄ᬱᬦᬶᬂᬯᬾᬫᬖᬫᬵᬲ᭟᭐᭟ᬯᬸᬲ᭄ᬧᬸᬢᬸᬲ᭄ᬓᬂᬳᬮᬧ᭄ᬓᭂᬦ᭞ᬯᬶᬦᬃᬣᬵᬚ᭄ᬜᬵᬰ᭄ᬭᬷᬪᬹᬧᬢᬶ᭞ᬫᬾᬄᬳᬯᬦ᭄ᬳ᭄ᬬᬂᬤᬶᬯᬗ᭄ᬓᬭ᭞ᬳᬮᬸᬯᬭᬦ᭄ᬰ᭄ᬭᬷᬪᬹᬧ
[᭓᭖ 36A]
ᬢᬶ᭞ᬲᬵᬫ᭄ᬧᬸᬦ᭄ᬫᬜ᭄ᬚᬶᬂᬭᬶᬂᬧᬸᬭᬷ᭞ᬲᬂᬫᬦ᭄ᬢ᭄ᬭᬷᬲᬫᬶᬉᬫᬦ᭄ᬢᬸᬓ᭄᭞ᬲᬫᬳᬤᬦ᭄ᬧᬗᬭᬄ᭞ᬲᬯᬢᭂᬓᬶᬂᬩᬢᬫᬦ᭄ᬢ᭄ᬭᬷ᭞ᬳᬰ᭄ᬭᬫᬾᬂᬯ᭄ᬭᬢ᭄ᬫᬭᬮ᭄ᬯᬶᬃᬫᬗ᭄ᬓᬢᬬᬸᬤ᭄ᬥ᭟᭐᭟ᬲᬯᬸᬮᬦ᭄ᬲᬶᬦᬃᬬ᭄ᬬᬲᬃᬬ᭄ᬬ
᭞ᬰᬶᬦ᭄ᬭᬫᬰ᭄ᬭᬫᬢᬸᬫᬸᬮᬶ᭞ᬳᬶᬦᬶᬧᬸᬦ᭄ᬢᬂᬩᬮᬲᬸᬚᭀᬦ᭄᭞ᬲᬭᬹᬧᬦᬶᬂᬅᬗ᭄ᬕᬧᬸᬭᬷ᭞ᬳᬶᬘᬳᬦᬸᬓᬦᬶᬓᬧ᭄ᬢᬶ᭞ᬢᬥᬄᬤᬺᬯᬶᬦᬮᬸᬫᬶᬦ᭄ᬢᬸ᭞ᬢᬸᬳᬸᬲᬸᬩᬮᬯᬶᬃᬬ᭄ᬬ᭞ᬳᭀᬯᬭᬦ᭄ᬢᬳᬶᬗᬸᬘᬧ᭄ᬫᬮᬶᬄ᭞ᬦ᭄ᬤ
ᬦ᭄ᬲᬂᬧ᭄ᬭᬪᬸ᭞ᬲᬬᬦ᭄ᬫ᭄ᬭᬢ᭄ᬭᬵᬕᬭᬡ᭟᭐᭟ᬓᬂᬓᬯᭀᬦ᭄ᬢᭂᬦ᭄ᬲᬘᬦ᭄ᬤ᭄ᬭ᭞ᬳᬮᬯᬲ᭄ᬭᬶᬦᬲᬾᬂᬳᬢᬶ᭞ᬢᬶᬦᬃᬓ᭄ᬓᬲᬳᬲ᭄ᬭᬬᬸᬕ᭞ᬤᬾᬦᬶᬂᬕ᭄ᬬᬳᬧ᭄ᬢ᭄ᬬᬦᬺᬧᬢᬶ᭞ᬩ᭄ᬭᬬᬦ᭄ᬤᬶᬦᬢᬶᬦᬗ᭄ᬓᬶᬮ᭄᭞
ᬢᬦ᭄ᬮ᭄ᬬᬦ᭄ᬫᬓᬾᬲᬶᬦᬶᬂᬯᬸᬯᬸᬲ᭄᭞ᬢᬸᬳᬸᬦᬶᬂᬯ᭄ᬯᬂᬳᬗᬚᬧ᭄᭞ᬮ᭄ᬯᬶᬃᬘᬢᬓᬭᬶᬗᬲᬸᬚᬶ᭞ᬫᬃᬫᬶᬤᭂᬃᬭᬶᬂᬳᬫ᭄ᬩᬭᬗᬫᬾᬢᬶᬯᬃᬱ᭟᭐᭟ᬢᬦ᭄ᬲᬄᬘᬶᬢ᭄ᬭᬯᬶᬦᬲ᭄ᬯᬲ᭄᭞ᬧᬶᬦᬗ᭄ᬓᬸᬧᬗ᭄ᬓᬸᬮᬶᬦᬶᬂ
Page:Bali-lontar-gaguritan-wiryya-guna-a-300ppi.pdf/36
Jump to navigation
Jump to search
This page has been proofread.
