[᭒᭙ 29B]
᭒᭙
ᬦ᭄ᬤ᭄ᬭ᭞ᬮ᭄ᬯᬶᬃᬲᬶᬦ᭄ᬓᬃᬳ᭄ᬭᬤᬬᬦᬶᬭᬢᬸᬫᬸᬢᬸᬃ᭞ᬳᬲ᭄ᬫᬸᬩᬶᬗᬃᬭᬶᬂᬯᬤᬦ᭞ᬓᬢ᭄ᬓᬾᬂᬲᬂᬫᬳᬵᬬᬢᬶ᭟᭐᭟ᬯᬸᬲᬦ᭄ᬳ᭄ᬬᬂᬤᬶᬯᬗ᭄ᬓᬭ᭞ᬲᭀᬦᬫᬢᬶᬲ᭄ᬫᬾᬳᬵ ᬢᬵᬳᬹᬫᬵᬳᬷᬩᬵᬳᬾᬂᬚᬮᬤᬶ᭞ᬭᬫ᭄ᬬᬫᬸᬦᬶᬫᬦᬸᬓᬸᬫᬸᬂ᭞ᬲᬸᬲ᭄ᬯ
ᬭᬓᭀᬦᬗᬸᬦᬂ᭞ᬓᬤ᭄ᬬᬗᬸᬧᬶᬢ᭄ᬓᬬᬸᬦ᭄ᬬᬗᬶᬕᭂᬮᬫᬶᬕᬸᬄ᭞ᬢᬶᬦᬸᬩ᭄ᬭᬶᬂᬫᬦ᭄ᬤᬫᬭᬸᬢ᭞ᬰ᭄ᬭᬷᬦᬵᬣᬫᬜ᭄ᬚᬶᬂᬭᬶᬂᬧᬸᬭᬷ᭟᭐᭟ᬧᬸᬧᬸᬄᬥᬸᬃᬫ᭄ᬫ᭟᭐᭟ᬍᬂᬍᬂᬭᬫ᭄ᬬᬦᬶᬂᬲᬰᬗ᭄ᬓᬭᬶᬂᬉᬤᬬ᭞ᬲᬸᬫ᭄ᬦᭃᬂᬳᬦᬸᬮᬸᬳᬶ
᭞ᬓᬭᬦ᭄ᬬᬦᬶᬂᬧᬸᬭ᭞ᬧ᭄ᬭᬤᬶᬧ᭄ᬢᬦᬶᬂᬕᬸᬫᬯᬂ᭞ᬧ᭄ᬭᬪᬦᬶᬂᬕᭀᬧᬸᬭᬫᬡᬶᬓ᭄᭞ᬓᬦᬓᬯᬾᬰ᭄ᬫ᭞ᬢᬾᬚᬳᬗᭂᬦ᭄ᬤᭂᬧᭂᬦ᭄ᬤᭂᬧᬶ᭟᭐᭟ᬤᬾᬦ᭄ᬬᬓ᭄ᬯᬾᬄᬓᬭᬂᬭᬵᬢ᭄ᬦᬳᬓᬭᭀᬚ᭄ᬯᬮ᭞ᬕᬺᬳᬯᬾᬤᬸᬃᬬ᭄ᬬᬭᬤᬶᬦ᭄᭞
ᬫᬡᬶᬓ᭄ᬧᬤ᭄ᬫᬭᬵᬕ᭞ᬩᬶᬦᬚ᭄ᬭᬮᬾᬧᬭᬸᬓ᭄ᬫ᭞ᬩᬶᬦᬃᬧᬦ᭄ᬫᬡᬶᬓᬶᬦᬸᬓᬶᬃ᭞ᬧ᭄ᬭᬢᬶᬱ᭄ᬝᬦᬶᬭ᭞ᬲᬂᬳ᭄ᬬᬂᬳ᭄ᬬᬂᬦᬶᬂᬓᬭᬰ᭄ᬫᬶᬲ᭄᭟᭐᭟ᬳᬾᬫ᭄ᬩᭂᬳᬭᬹᬫ᭄ᬓᬲᭂᬦ᭄ᬯᬦ᭄ᬭᬶᬂᬦᬶᬲᬓᬵᬭ᭞ᬘᬭᬶᬢᬲᬂᬰ᭄ᬭᬷᬘᬸᬧᬸᬢ᭄ᬭᬷ᭞ᬢᬸ
[᭓᭐ 30A]
ᬮ᭄ᬬᬰᬰᬥᬭ᭞ᬳᬳ᭄ᬬᬂᬧᬶᬦᬭᬶᬯᬺᬢ᭞ᬭᬶᬂᬧᬭᬯᬦᬶᬢᬾᬂᬧᬸᬭᬷ᭞ᬓᬤᬶᬢᬺᬗ᭄ᬕᬡ᭞ᬳᬰᬾᬯᬭᬰ᭄ᬫᬶᬦᬶᬂᬰᬰᬶᬄ᭟᭐᭟ᬭᬶᬲᬸᬭᬫ᭄ᬩ᭄ᬬᬦᬶᬂᬧᬺᬳᬲᬶᬭᬲᬶᬦᬾᬪ᭞ᬲᬶᬦᬃᬯ᭄ᬯᬶᬫᬫᬗᬦᬶ᭞ᬚᭂᬩᬤ᭄ᬓᬶᬦ
ᬱ᭄ᬱᬸᬃᬬ᭄ᬬ᭞ᬲᬶᬦᬫ᭄ᬩ᭄ᬬᬫᬘᬕᬶᬢ᭞ᬯᭀᬦ᭄ᬢᭂᬦ᭄ᬯᭀᬗᬶᬭᬓᬓᬮᬶᬄ᭞ᬧᬸᬦ᭄ᬫᬥᬸᬤᬃᬬ᭄ᬬ᭞ᬓᬶᬦᭀᬦᬫᬘᬕᬸᬭᬶᬢ᭄᭟᭐᭟ᬧᬭᬓᬶᬮᬶᬳᬢᬢᬳᬮᬸᬗ᭄ᬕ᭄ᬯᬾᬂᬳᬃᬱ᭞ᬯᬃᬡ᭄ᬦᬰᬸᬤ᭄ᬥᬬᬸᬯᬢᬶ᭞ᬯ᭄ᬭᬸᬄᬭᬶᬂᬲᬃ
ᬯ᭄ᬯᬕᬸᬡ᭞ᬧ᭄ᬭᬚ᭄ᬜᬾᬂᬕᬶᬢᬰᬵᬲ᭄ᬢ᭄ᬭᬵᬚ᭄ᬜ᭞ᬲᬳᬶᬢ᭄ᬬᬫᬋᬓ᭄ᬭᬶᬤᬾᬯᬷ᭞ᬫ᭄ᬯᬂᬧᬸᬢ᭄ᬭᬷᬦᬶᬭ᭞ᬲᬂ᭞ᬳᬓᬘᬸᬥᬫᬦᬶ᭟᭐᭟ᬓᬧ᭄ᬭᬓᬰᬫᬦᭀᬳᬭᬤᬶᬯ᭄ᬬᬭᬹᬧ᭞ᬰᬺᬗ᭄ᬕᬭᬢᬫᬾᬂᬩᬸᬤ᭄ᬥᬶ᭞ᬧ᭄ᬭᬚ᭄ᬜᬵᬯᬶ
ᬘᬓ᭄ᬱᬡ᭞ᬳᬧᬢ᭄ᬭᬭᬵᬢ᭄ᬦᬢ᭄ᬭᬗ᭄ᬕᬡ᭞ᬧᬶᬦᬮᬶᬄᬳᬭᬦ᭄ᬓᬲᬶᬄ᭞ᬤ᭄ᬬᬄᬚᬬᬮᬗᭃ᭞ᬤᬾᬭᬲᬂᬰ᭄ᬭᬷᬲᬸᬧᬸᬢ᭄ᬭᬷ᭟᭐᭟ᬫᬗ᭄ᬕᭂᬄᬫᬓᬕᬸᬭᬸᬦᬶᬓᬯᬶᬮᬮᬗ᭄ᬯᬦ᭄᭞ᬳᬫᬃᬡ᭄ᬦᬭᬹᬫ᭄ᬦᬶᬂᬧᬲᬶᬃ᭞
Page:Bali-lontar-gaguritan-wiryya-guna-a-300ppi.pdf/30
Jump to navigation
Jump to search
This page has been proofread.
