[᭒᭗ 27B]
᭒᭗
ᬲᬚ᭄ᬚᬯᬤᬾᬭᬗᬃᬣᬶᬓ᭞ᬭᬶᬲᬶᬭᬲᬂᬫᬳᬵᬫᬸᬦᬶ᭟ᬲᬶᬗ᭄ᬕᬶᬄᬥᬂᬳ᭄ᬬᬂᬳᭀᬯᬸᬭᭀᬳᬶᬢ᭞ᬓᬃᬯ᭄ᬯᬓᬶᬢᬧᬢᬶᬄᬭᬶᬂᬅᬗ᭄ᬕᬧᬸᬭᬷ᭞ᬮᬄᬫᬗ᭄ᬓᬾᬲᬶᬭᬤᬸᬤᬸᬦᬸᬂ᭞ᬯᭀᬦ᭄ᬢᭂᬦᬶᬂᬓᬧᬢᬶᬳᬦ᭄᭞ᬦ᭄ᬤᬦ᭄ᬭᬶᬂᬏᬜ᭄ᬚᬂ
ᬫ᭄ᬯᬄᬳᬢᬢ᭄ᬯᬭᬶᬂᬳᬶᬗ᭄ᬲᬸᬦ᭄᭞ᬤᬾᬦ᭄ᬧᭀᬮᬶᬳᬲᬶᬭᬩᬩᬩᬩ᭄᭞ᬬᬾᬓᬶᬫᬗᭀᬭᬶᬂᬳᬗᬶᬭᬶᬂ᭟᭐᭟ᬳᬶᬭᬶᬓᬲᬂᬧᬸᬭᭀᬳᬶᬢ᭞ᬦᬸᬮ᭄ᬬᬫᬭᬶᬂᬯᬾᬰ᭄ᬫᬦᬾᬭᬓ᭄ᬭᬶᬬᬦ᭄ᬧᬢᬶᬄ᭞ᬧᬸᬦ᭄ᬓ᭄ᬭᬢᬘᬶᬢ᭄ᬢ
ᬳᬤᬸᬮᬸᬃ᭞ᬲᬾᬭᬶᬂᬚᬬᬰᬭᬡ᭞ᬢᬦ᭄ᬧᭀᬧᬫᬓᬤᬶᬯ᭄ᬬᬦᬶᬂᬧᬲᬸᬲᬸᬕᬸᬄ᭞ᬲᬮ᭄ᬯᬶᬭᬶᬂᬭᬲᬲᬸᬭᬲ᭞ᬳᬫᬗᬸᬦ᭄ᬢ᭄ᬭᬧ᭄ᬢᬶᬦᬶᬂᬳᬢᬶ᭟᭐᭟ᬢᬸᬘᬧᬢᬫᬳᬵᬭᬵᬚ᭞ᬰ᭄ᬭᬷᬦᬭᬾᬦ᭄ᬤ᭄ᬭᬪᬹᬧᬢᬶᬚᬮᬲᬶᬤ᭄ᬥᬶ
ᬓᬃᬬ᭄ᬬᬮᬸᬗ᭄ᬕᬸᬄᬭᬶᬂᬯᬗᬸᬦ᭄ᬢᬸᬃ᭞ᬮᬯᬵᬦ᭄ᬧᬭᬵᬤᬶᬫᬦ᭄ᬢ᭄ᬭᬶᬬ᭞ᬫᬓᬫᬸᬓ᭄ᬬᬧᬸᬦ᭄ᬓᬸᬦ᭄ᬥᬭᬳᬲ᭄ᬬᬾᬂᬳᬬᬸᬦ᭄᭞ᬥᬂᬳ᭄ᬬᬂᬮᬷᬮᬧᬭᬫᬵᬃᬣ᭞ᬫᬓᬮᬶᬗ᭄ᬕᬦᬶᬂᬳᬕᭀᬲ᭄ᬢᬶ᭟᭐᭟ᬦᬭᬾᬦ᭄ᬤ᭄ᬭᬲ᭄ᬫᬲᬸᬗ᭄ᬓᬯ᭞ᬫᬶᬗᭂ
[᭒᭘ 28A]
ᬢᬶᬗᭂᬢ᭄ᬕᬸᬡᬦᬶᬂᬦᬬᬬᬸᬓ᭄ᬢᬶ᭞ᬭᬶᬕᬢᬶᬦᬶᬭᬲᬗᬭᬹᬫ᭄᭞ᬫᬗ᭄ᬓᬾᬳᬦᬳᬦᭀᬫᬄ᭞ᬳᬾᬢᬸᬦᬶᬭᬉᬫᬵᬢᬸᬃᬭᬶᬚᭂᬂᬥᬂᬕᬸᬭᬸ᭞ᬲ᭄ᬥᭂᬗᬶᬭᬗᬸᬘᬧᬸᬘᬧ᭄᭞ᬚᬕ᭄ᬤᬢᭂᬂᬲᬂᬫᬳᬵᬫᬸᬦᬶ᭟᭐᭟ᬢᬸᬭᬸᬦ᭄ᬲ
ᬓᬶᬂᬲᬸᬓ᭄ᬱ᭄ᬫᬵᬘᬶᬦ᭄ᬢ᭄ᬬ᭞ᬲᭀᬫ᭄ᬬᬲᬶᬭᬧ᭄ᬭᬲᬫᬲᬫᬾᬂᬲᬶᬤ᭄ᬥᬶ᭞ᬯᬓ᭄ᬩᬚ᭄ᬭᬫᬹᬃᬢ᭄ᬢᬶᬳ᭄ᬬᬂᬢᬸᬤᬸᬄ᭞ᬲᬓᬵᬮᬤᬾᬯᬭᬹᬧ᭞ᬦᬶᬃᬫᬮᬦᬶᬂᬯᬬᬯᬦᬶᬭᬤᬶᬦᬸᬮᬸ᭞ᬋᬧᬮᬶᬗ᭄ᬕᬶᬄᬳᬾᬂᬲᬶᬗ᭄ᬳᬵᬲᬦ᭞ᬭᬶᬲᬦ᭄ᬫᬸᬓᬦᬭᬧᬢᬶ᭞
᭐᭟ᬢᬸᬫᬶᬩᬢᬂᬧᬸᬱ᭄ᬧᬯᬃᬱ᭞ᬲᬓᬶᬂᬩ᭄ᬬᭀᬫᬢᬶᬦᬸᬩ᭄ᬭᬶᬂᬧᬯᬦᬫᬶᬭᬶᬃ᭞ᬕᬦ᭄ᬥᬓ᭄ᬬᬫᬺᬩᬸᬓᬭᬹᬫ᭄᭞ᬍᬗᭃᬂᬳᬲᬸᬫᬃ᭞ᬳᬲᬯᬸᬭᬦ᭄ᬢᬂᬑᬁᬓᬵᬭᬫᬦ᭄ᬢ᭄ᬭᬳᬸᬫᬸᬂ᭞ᬓᬕ᭄ᬬᬢ᭄ᬕ᭄ᬬᬢ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬸᬮᬢᬶᬲᬂᬫᬳᬵ
ᬋᬱᬶ᭟᭐᭟ᬰᬷᬖ᭄ᬭᬉᬫᭂᬥᭂᬓᬦᭂᬫ᭄ᬩᬄ᭞ᬰ᭄ᬭᬷᬦᬭᬾᬦ᭄ᬤ᭄ᬭᬫᬸᬲᬧᬶᬚᭂᬂᬤ᭄ᬯᬶᬚᬋᬱᬶ᭞ᬧ᭄ᬭᬦᬵᬣᬦᬸᬮ᭄ᬬᬢᬮᬗ᭄ᬓᬸᬧ᭄᭞ᬳᬫᬹᬚᬢ᭄ᬭᬶᬧᬭᬶᬰᬸᬤ᭄ᬥ᭞ᬲᬧᬤ᭄ᬬᬃᬕ᭄ᬖᬘᬫᬦ᭄ᬬᬢᬷᬃᬣᬫᬭᬹᬫ᭄᭞ᬲᬥᬭᬢᬺᬄᬫᬃᬥᬯ᭞
Page:Bali-lontar-gaguritan-wiryya-guna-a-300ppi.pdf/28
Jump to navigation
Jump to search
This page has been proofread.
