[᭒᭓ 23B]
᭒᭓
ᬫ᭄᭞ᬯᬶᬦᬲᬯᬲᬤᬶᬦᬸᬮᬸ᭞ᬓ᭄ᬜᬭᬶᬂᬭᬵᬢ᭄ᬦᭀᬢ᭄ᬢᬫ᭞ᬪᬵᬲ᭄ᬯᬭᬓᬲᭃᬗᬦ᭄ᬭᬯᬶ᭞ᬧ᭄ᬭᬪᬫᬸᬭᬸᬩ᭄᭞ᬓᬢᭀᬦ᭄ᬢᬂᬥᬶᬓ᭄ᬤᬰᬤᬾᬰ᭟᭐᭟ᬕᬃᬚ᭄ᬚᬶᬢᬘᬶᬢ᭄ᬢᬭᬳᬤ᭄ᬯᬦ᭄᭞ᬢᬦ᭄ᬯᬃᬲᬶᬄᬳᬶᬗᬭᬶ
ᬲᬭᬶᬲ᭄᭞ᬮᬶᬦᬶᬂᬮᬶᬂᬢᬼᬦᬶᬂᬧᬦᭀᬦ᭄᭞ᬤᬤᬶᬦ᭄ᬭᬯᬂᬓᬳᬓ᭄ᬱᬶ᭞ᬳᬦ᭄ᬢᬦᬶᬂᬭᬵᬢ᭄ᬦᬵᬤᬶ᭞ᬕᬸᬫᬯᬂᬓᬤᬶᬦᬸᬭᬸᬯᬸᬂ᭞ᬢᬸᬳᬸᬢᬦ᭄ᬓᬯᬭᬦᬦ᭄᭞ᬓᬢᭀᬦ᭄ᬫᬬᬦᬶᬂᬯᭀᬂᬧ᭄ᬓᬶᬓ᭄᭞ᬢᬦ᭄ᬧᬫᭂᬢᬸᬓ᭄᭞
ᬳᬮᬸᬗ᭄ᬕᬸᬄᬭᬶᬂᬲᬶᬗ᭄ᬳᬵᬲᬦ᭟᭐᭟ᬉᬃᬥᬦᬶᬂᬯᬲ᭄ᬤ᭄ᬯᬤᬶᬲᬹᬓ᭄ᬱ᭄ᬫ᭞ᬰᬸᬤ᭄ᬥᬯᬃᬡ᭄ᬦᬦᬾᬫᬳ᭄ᬦᬶᬂ᭞ᬳᬶᬫ᭄ᬧᬤ᭄ᬲᬓᬶᬂᬲᬹᬃᬬ᭄ᬬᬘᬦ᭄ᬤ᭄ᬭ᭞ᬧᬶᬦᬋᬓ᭄ᬭᬶᬂᬤᬾᬯᬤᬾᬯᬶ᭞ᬢᬸᬳᬸᬫᬃᬢ᭄ᬢᬶᬦᬶᬂᬍᬯᬶᬄ᭞ᬮᬸᬫᬭᬲ᭄ᬢ᭄ᬯ
ᬲᬾᬳᬦ᭄ᬤᬸᬮᬸ᭞ᬰᬷᬃᬡ᭄ᬦᬢᬦ᭄ᬧᬘᬾᬢᬦᬵ᭞ᬓᬲᬭᬶᬓ᭄ᬭᬶᬂᬮᬸᬮᬸᬢᬲᬶᬄ᭞ᬫᬃᬲ᭄ᬬᬸᬄᬋᬫ᭄ᬧᬸᬄ᭞ᬤ᭄ᬭᬯᬫᬢ᭄ᬫᬳᬦ᭄ᬭᬶᬫᬂ᭟᭐᭟ᬓᭀᬮᬸᬃᬭᬶᬂᬭᬵᬕᬓᬭᬡ᭞ᬮ᭄ᬯᬶᬃᬮᬶᬦᬤ᭄ᬦᬮᬦᬶᬂᬳᬢᬶ᭞ᬭᬶᬦᬲ
[᭒᭔ 24A]
ᬭᬲᬾᬂᬲ᭄ᬯᬘᬶᬢ᭄ᬢ᭞ᬳ᭄ᬬᬂᬳ᭄ᬬᬂᬦᬶᬂᬲ᭄ᬫᬭᬗᬸᬢ᭄ᬧᬢᬶ᭞ᬢᬦ᭄ᬓᭂᬦᬾᬂᬳᬸᬘᬧ᭄ᬫᬮᬶᬄ᭞ᬲᬬᬦ᭄ᬫ᭄ᬭᬢ᭄ᬭᬵᬕᬓᬸᬂᬮᬸᬮᬸᬢ᭄᭞ᬤᬤᬶᬦᬮᬗ᭄ᬲᬂᬭᬶᬂᬢ᭄ᬯᬲ᭄᭞ᬫᬋᬓ᭄ᬭᬶᬂᬚᭂᬂᬰ᭄ᬭᬷᬪᬹᬧᬢᬶ᭞ᬳᬗᬸᬩ᭄ᬤᬓᬸᬂ᭞ᬢᬸᬫᬸᬗ᭄ᬓᬸᬮᬦᬸᬭᬵᬢᬼᬫᬄ
᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬢᬦ᭄ᬯᬶᬦᬃᬡ᭄ᬦᬧᭀᬮᬳᬶᬭ᭞ᬫᬳᬵᬭᬵᬚᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶ᭞ᬯᬸᬲ᭄ᬫᬦ᭄ᬢᬸᬦ᭄ᬭᬶᬂᬲ᭄ᬯᬦᬕᬢᬸᬦ᭄᭞ᬕᬸᬫᬦ᭄ᬢᬶᬓᬢᬓ᭄ᬦ᭞ᬮᬫ᭄ᬧᬳᬶᬭᬲᬂᬫᬦ᭄ᬢ᭄ᬭᬷᬢᬦ᭄ᬤᬓᬘᬢᬸᬃ᭞ᬯᬸ
ᬲ᭄ᬧ᭄ᬭᬧ᭄ᬢᬭᬶᬂᬅᬗ᭄ᬕᬤ᭄ᬯᬶᬧ᭞ᬫᬋᬓ᭄ᬭᬶᬂᬚᭂᬂᬰ᭄ᬭᬷᬪᬹᬧᬢᬶ᭟᭐᭟ᬓᬳᬤᬂᬳᬗᬸᬘᬧᬸᬘᬧ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬓᬮᬯᬵᬦ᭄ᬫᬳᬵᬫᬸᬦᬶ᭞ᬚᬕ᭄ᬤᬢᭂᬂᬫᬦ᭄ᬢ᭄ᬭᬶᬓᬘᬢᬸᬃ᭞ᬳᬩᬶᬗᬃᬭᬶᬂᬯᬥᬦ᭞ᬰᬷᬖ᭄ᬭᬵᬦᭂᬫ᭄ᬩᬄᬲᬤ
ᬭᬦᬸᬮ᭄ᬬᬉᬫᬢᬸᬃ᭞ᬭᬶᬯᬸᬲ᭄ᬓᬲᬶᬤ᭄ᬥᬦᬶᬂᬓᬃᬬ᭄ᬬ᭞ᬓᬢ᭄ᬫᬸᬤ᭄ᬬᬄᬲᬹᬓ᭄ᬱ᭄ᬫᬲᬭᬷ᭟᭐᭟ᬗ᭄ᬓᬦᬾᬂᬭᬵᬚ᭄ᬬᬤ᭄ᬬᬦ᭄ᬢᬧᬸᬭ᭞ᬲᬸᬢᬦᬶᬭᬲᬂᬦᬵᬣᬚᬮᬲᬶᬤ᭄ᬥᬶ᭞ᬲᬧᭀᬮᬳᬶᬭᬓᬘᬢᬸᬃ᭞ᬧ᭄ᬭᬲᬫᬯᬸᬲ᭄ᬯᬶᬦᬃ
Page:Bali-lontar-gaguritan-wiryya-guna-a-300ppi.pdf/24
Jump to navigation
Jump to search
This page has been proofread.
