Page:Bali-lontar-gaguritan-wiryya-guna-a-300ppi.pdf/22

[᭒᭖ 26B]
᭒᭖
ᬢ᭄ᬬᬳᬗ᭄ᬤ᭄ᬬᬦ᭄ᬳ᭄ᬬᬦᬶᬦ᭄᭞ᬲ᭄ᬯᬭᬦ᭄ᬬᬫᬺᬥᬸᬓᭀᬫᬮ᭞ᬧᬸᬦ᭄ᬢᬸᬳᬸᬢᬸᬳᬸᬳᬗᬦ᭄ᬢᬶ᭞ᬭᬶᬂᬧᬂᬦᬶᬂᬓᬬᬸᬚᬵᬢᬶ᭞ᬯᬸᬮᬸᬳᬳᬶᬋᬂᬳᬮᬸᬲ᭄᭞ᬲ᭄ᬯᬭᬦ᭄ᬬᬓᭀᬦᬗᬸᬦᬂ᭞ᬍᬗᭂᬂᬳᬦᬸᬃᬯ᭄ᬯᬦᬸᬃᬯ᭄ᬯᬦᬶ᭞
ᬬᬬᬓᭂᬫ᭄ᬧᬸᬮ᭄᭞ᬲ᭄ᬯᬭᬦᬶᬂᬧᬓ᭄ᬱᬶᬢᬶᬢᬶᬭᬦ᭄᭟᭐᭟ᬦᬸᬮ᭄ᬬᬲᬂᬫᬹᬃᬢ᭄ᬢᬶᬦᬶᬂᬭᬭᬲ᭄᭞ᬳᬗᬸᬘᬧᬫ᭄ᬮᬲᬲᬶᬄ᭞ᬥᬸᬄᬓᬓᬂᬓᬸᬦᬶᬮᭀᬢ᭄ᬨᬮ᭞ᬢᬸᬮᬸᬗᭂᬦ᭄ᬫᬗ᭄ᬓᬾᬲᬸᬦᬶᬓᬶ᭞
ᬫᬃᬲ᭄ᬬᬄᬦᬮᬦᬶᬂᬳᬢᬶ᭞ᬓᬯ᭄ᬮᬲ᭄ᬳᬃᬱᬳᬦ᭄ᬤᬸᬮᬸ᭞ᬧᬓ᭄ᬱᬶᬢᬦ᭄ᬓᬬᬾᬂᬓᬸᬦ᭞ᬧᬸᬦᬧᬤᬾᬦᬶᬂᬳᬗ᭄ᬤᬦᬶ᭞ᬤᬤᬶᬳᬶᬗ᭄ᬲᬸᬦ᭄᭞ᬓᬧᬾᬗᬶᬦᬗᬶᬗ᭄ᬯᬦᬦ᭟᭐᭟ᬧᬸᬦᬢᬢ᭄ᬳᬃ
ᬱᬭᬸᬫᭂᬗᭃ᭞ᬕᬃᬚ᭄ᬚᬶᬢᬫᬋᬓ᭄ᬗᬜ᭄ᬚᬮᬶ᭞ᬲᬥᬭᬉᬫᬢᬸᬃᬳᬮᭀᬦ᭄᭞ᬰᬸᬄᬤᬾᬯᬰ᭄ᬭᬷᬫᬳᬵᬤᬾᬯᬷ᭞ᬳ᭄ᬬᬂᬳ᭄ᬬᬂᬦᬶᬂᬧᬲᬶᬃᬯᬸᬓᬶᬃ᭞ᬲᬯ᭄ᬬᬦ᭄ᬢᬶᬭᬢᬶᬄᬢᬸᬫᬸᬭᬸᬦ᭄᭞ᬳᬦ᭄ᬤ
[᭒᭗ 27A]
ᬤ᭄ᬬᬭᬵᬚᬧᬸᬢ᭄ᬭᬬ᭞ᬥᬸᬄᬪᬕᬸᬧᬝᬶᬓ᭄ᬱ᭄ᬳ᭄ᬭᬷᬤᬾᬯᬷ᭞ᬭᬶᬂᬧᬓᬃᬱ᭞ᬰ᭄ᬭᬷᬤᬾᬯᬷᬳᬗᬶᬗ᭄ᬯᬦᬦ᭟᭐᭟ᬗ᭄ᬳᬶᬂᬫᬗ᭄ᬓᬾᬨᬮᬯ᭄ᬬᬓ᭄ᬦ᭞ᬬᬦᬦᬳᬲᬶᬄᬳ᭄ᬬᬂᬤᬾᬯᬷ᭞ᬤᬸᬫᬢᭂᬂᬧᬝᬶᬓ᭄ᬪᬝᬵᬭ
᭞ᬲᬤᬾᬭᬰ᭄ᬭᬷᬫᬳᬵᬤᬾᬯᬷ᭞ᬤᬤ᭄ᬬᬧᬓ᭄ᬱ᭄ᬬᬓᬗᬶᬦᬦ᭄᭞ᬳᬫᬭᬯᬭᬧᬸᬓᬸᬮᬸᬦ᭄᭞ᬗ᭄ᬳᬶᬂᬦᭂᬥᬲᬶᬦᬦ᭄ᬫᬢ᭞ᬲᬹᬓ᭄ᬱ᭄ᬫᬦᬶᬂᬘᬶᬢ᭄ᬢᬰ᭄ᬭᬷᬤᬾᬯᬷ᭞ᬦ᭄ᬤᬦ᭄ᬭᬶᬂᬩᬾᬲᬸᬓ᭄᭞ᬧᬸᬦ᭄ᬧᬓ᭄ᬱᬶᬧ᭄ᬭᬧ᭄ᬢᬗᬯᬸ
ᬮ᭟᭐᭟ᬗ᭄ᬳᬶᬂᬫᬗ᭄ᬓᬾᬢᭀᬦ᭄ᬢᭀᬦᬓ᭄ᬦ᭞ᬧᬗᬮ᭄ᬧᬶᬓᬦᬾᬧᬸᬦ᭄ᬧᬓ᭄ᬱᬶ᭞ᬤᬸᬫᬢᭂᬂᬰ᭄ᬭᬷᬫᬳᬵᬤᬾᬯ᭄ᬬ᭞ᬧᬸᬦ᭄ᬢᬸᬳᬸᬢᬸᬳᬕᭂᬦ᭄ᬥᬶᬂ᭞ᬓᬸᬦᬂᬧᬸᬦ᭄ᬧᬓ᭄ᬱᬶᬕᭂᬦ᭄ᬥᬶᬂ᭞ᬯᬶᬤᬕ᭄ᬥᬳᬦᬩᬸᬄᬓᭂᬫ᭄ᬧᬸᬮ᭄᭞
ᬓᬯᬸᬮᬧᬸᬦ᭄ᬫᬬᬸᬭ᭞ᬳᬲ᭄ᬭᬫᬧᬓ᭄ᬦᬦᬾᬓᬶ᭞ᬤᬤ᭄ᬬᬲᬫ᭄ᬬᬗᬾᬦᬓᬶᬰ᭄ᬭᬷᬫᬳᬵᬧᬸᬢ᭄ᬭᬶᬬ᭟᭐᭟ᬲᬳᬦᬯᭀᬂᬤ᭄ᬬᬦ᭄ᬢᬧᬸᬭ᭞ᬳᬦ᭄ᬢ᭄ᬬᬦ᭄ᬓᬰ᭄ᬘᬃᬬ᭄ᬬᬫᬸᬮᬢᬶ᭞ᬲ᭄ᬭᬫᬦᬶᬂᬧᬓ᭄ᬱᬶᬫᬬᬸ