[᭑ 1B]
᭑
᭚ᬑᬃᬅᬯᬶᬖ᭄ᬦᬫᬲ᭄ᬢᬸ᭞ᬳᬶᬣᬶᬕᬕᬸᬭᬶᬢᬦ᭄ᬯᬶᬃᬬ᭄ᬬᬕᬸᬡ᭟᭐᭟ᬧᬸᬧᬸᬄᬥᬸᬃᬫ᭄ᬫ᭟᭐᭟ᬲᬂᬳ᭄ᬬᬂᬦᬶᬂᬳ᭄ᬬᬂᬧᬭᬫᬃᬣᬦᬶᬭᬢ᭄ᬫᬓ᭞ᬫᬹᬃᬢ᭄ᬢᬶᬳ᭄ᬬᬂᬧᬰᬸᬧᬢᬶ᭞ᬲᬶᬭᬰᬶᬯᬮᬶᬗ᭄ᬕ᭞ᬫᬦ᭄ᬭᬾᬱ᭄ᬝᬶᬲᬗ᭄ᬓᬦ᭄ᬧᬭᬦ᭄᭞
ᬧᬭᬫᬰᬹᬦ᭄ᬬᬫᬶᬦᬸᬱ᭄ᬝᬶ᭞ᬰ᭄ᬭᬷᬩᬚ᭄ᬭᬚ᭄ᬜᬵᬦ᭞ᬳᬦᬶᬦ᭄ᬤ᭄ᬬᬳᬸᬭᬶᬧᬶᬂᬪᬹᬫᬶ᭟᭐᭟ᬧᬶᬦ᭄ᬭᬱ᭄ᬝᬶᬢᬾᬂᬳᬺᬤᬬᬰᬸᬤ᭄ᬥᬦᬶᬃᬫᬮ᭞ᬫᬸᬲ᭄ᬢᬶᬓᬦᬶᬂᬧᬢᬶᬢᬶᬲ᭄᭞ᬮᬶᬫ᭄ᬧᬤ᭄ᬭᬶᬂᬪᬸᬃᬪ᭄ᬯᬄᬲ᭄ᬯᬄ᭞ᬲᬹᬓ᭄ᬱ᭄ᬫᬫᬳᬘᬾᬢᬦ᭞ᬳ
ᬤᬶᬧ᭄ᬭᬓᬶᬃᬡ᭄ᬦᬦᬸᬮᬸᬳᬶ᭞ᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤ᭄ᬭ᭞ᬤᬸᬫᬶᬮᬄᬭᬶᬂᬥᬶᬓ᭄ᬯᬶᬥᬶᬓ᭄᭟᭐᭟ᬇᬦᬸᬲ᭄ᬢᬦᬭᬶᬂᬉᬃᬤ᭄ᬥᬦᬶᬂᬳᬤᬶᬓᬯ᭄ᬬ᭞ᬲᬂᬳ᭄ᬬᬂᬑᬁᬓᬵᬭᬫᬹᬃᬢ᭄ᬢᬶ᭞ᬢᬸᬂᬢᬸᬂᬦᬶᬂᬳᬺᬤᬬ᭞ᬲᬹᬓ᭄ᬱ᭄ᬫᬦᬶᬂᬫᬵᬳᬚ᭄ᬜ᭄ᬬᬵᬦ᭞
ᬗ᭄ᬕᬉᬢ᭄ᬧᬢᬶᬲ᭄ᬢᬶᬢᬶ᭞ᬤᬦᬶᬂᬧ᭄ᬭᬮᬶᬡ᭞ᬮ᭄ᬯᬮᬦᬶᬂᬕᬦᬮᬳᬶᬢ᭄᭟᭐᭟ᬫᬗ᭄ᬕᬮᬸᬯᬸᬂᬫᬵᬗ᭄ᬕᬮᬸᬦ᭄ᬢᬸᬂᬳᬦᬭᬯᬂ᭞ᬲᬯ᭄ᬫ᭄ᬬᬢᬫᬭᬶᬂᬲᬦ᭄ᬤᬶ᭞ᬅᬘᬶᬦ᭄ᬢ᭄ᬬᬳᬺᬤᬬ᭞ᬤᬾᬦᬶᬭᬂᬬᭀᬕᬶᬰ᭄ᬯᬭ᭞ᬧᬹ
[᭒ 2A]
ᬚᬦ᭄ᬭᬶᬂᬅᬚ᭄ᬜᬵᬦᬧᬶᬗᬶᬢ᭄᭞ᬳᬧᬭᬶᬫᬶᬢ᭞ᬲᭂᬓᬸᬗᬶᬂᬬᬶᬕᬲᬦ᭄ᬤᬶ᭟᭐᭟ᬤᬶᬦᬭᬢ᭄ᬭᬶᬭᬶᬦᭂᬕᭂᬧᬶᬦᬲ᭄ᬢᬸᬗ᭄ᬓᬵᬭ᭟ᬫᬓᬓᭂᬫ᭄ᬩᬗᬶᬂᬳᬢᬶ᭞ᬤᬶᬯ᭄ᬬᬲ᭄ᬢᬾᬂᬅᬚ᭄ᬜᬵᬦ᭞ᬮᬶᬦᬶᬗ᭄ᬕ᭄ᬬᬾᬂᬧᬤ᭄ᬫᬵᬲᬦ᭞ᬳᬸ
ᬦᬸᬭᬶᬂᬰᬹᬦ᭄ᬬᬯᬺᬤᬶ᭞ᬫᬓᬵᬭᬤ᭄ᬯᬚ᭞ᬲᬹᬓ᭄ᬱ᭄ᬫᬰᬹᬦ᭄ᬬᬦᬶᬃᬲᬶᬭᬶᬂ᭟᭐᭟ᬓ᭄ᬱᬦ᭄ᬢᬯ᭄ᬬᬓᭂᬦ᭄ᬧᬗᬗ᭄ᬚᬮᬶᬦᬶᬂᬅᬦᬵᬣ᭞ᬭᬶᬳᬵᬤᬧᬗ᭄ᬓᬚᬰ᭄ᬭᬷ᭞ᬫᬵᬳᬬᭀᬕᬶᬰ᭄ᬯᬭ᭞ᬲᬶᬦᬦ᭄ᬫᬢᬳᬦᬸᬕ᭄ᬭᬳ᭞
ᬳᬧ᭄ᬢᬶᬲᬶᬤ᭄ᬬᬦᬶᬂᬕᬸᬭᬶᬢ᭄᭞ᬫᬓᬉᬁᬓᬵᬭ᭞ᬦᬫᬵᬲ᭄ᬓᬭᬳ᭄ᬬᬂᬫᬫᬶ᭟᭐᭟ᬫᭀᬕᬫᭀᬕᬳᬦᬲᬶᬳᬶᬭᬳ᭄ᬬᬂᬲᬹᬓ᭄ᬱ᭄ᬫ᭞ᬓᬢ᭄ᬓᬾᬂᬧᬭᬓᬯᬶ᭞ᬲᬳᬸᬲ᭄ᬦ᭄ᬬᬃᬱᬾᬂᬕᬶᬢ᭞ᬤᬸᬭᬦᬳᬋᬧᬶᬗ᭄ᬯᬂ᭞
ᬅᬧ᭄ᬢ᭄ᬬᬢᬸᬫᬦ᭄ᬤᬶᬗᬾᬂᬓᬯᬶ᭞ᬧᬦᬮ᭄ᬧᬕᬸᬡ᭞ᬤᬾᬧᬸᬦ᭄ᬲᬦ᭄ᬢᭀᬲᬾᬂᬳᬢᬶ᭟᭐᭟ᬓᬂᬯᬶᬦᬃᬡ᭄ᬦᬰ᭄ᬭᬷᬯᬶᬃᬬ᭄ᬬᬅᬃᬬ᭄ᬬᬮᬂᬮᬸᬗᬦ᭄᭞ᬧᬶᬦ᭄ᬭᬱ᭄ᬝᬶᬢᬾᬂᬅᬦ᭄ᬤᬶᬭᬶ᭞ᬳᬦᬾᬂᬅᬫ᭄ᬮᬧᬸᬭ᭞ᬤᬾᬰ᭄ᬭᬷᬫᬵ
Page:Bali-lontar-gaguritan-wiryya-guna-a-300ppi.pdf/2
Jump to navigation
Jump to search
This page has been proofread.
