[᭑᭑᭙ 119B]
᭑᭑᭙
ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬰᬷᬖ᭄ᬭᬳᬗ᭄ᬮᬸᬯᬭᬶᬮᬸᬮᬸᬢ᭄᭞ᬳᬯ᭄ᬮᬲ᭄ᬦᭂᬳᭂᬃᬳᬶᬗᭂᬫ᭄ᬩᬦ᭄᭞ᬲᬶᬭᬲᬂᬤᬾᬯᬦᬶᬂᬧᬸᬭᬷ᭟᭐᭟ᬧᬶᬦᬗ᭄ᬓᬸᬯᬸᬲᬶᬗᬸᬍᬲᬦ᭄᭞ᬲᬄᬦᬶᬂᬲᬶᬜ᭄ᬚᬂᬧᬶᬦᬳᬃᬚ᭄ᬚᬫ᭄ᬭᬶᬓ᭄ᬫᬶᬗᬶᬂ᭞ᬲ᭄ᬯᬾᬤᬳᬸᬫᬸᬮᬶᬓᬸᬫᬸᬘᬸᬃ᭞ᬤ᭄ᬭᬯᬬ
ᬢᬶᬩᬾᬂᬲᬮᬂ᭞ᬳᬶᬗᬸᬲᬧᬦ᭄ᬧᬲᬳᬶᬂᬭᭀᬫᬳᬶᬗᬚᬸᬫ᭄᭞ᬮ᭄ᬯᬶᬃᬮᬷᬦᬤ᭄ᬙᬶᬢ᭄ᬢᬦᬭᬾᬦ᭄ᬤ᭄ᬭ᭞ᬢᬦ᭄ᬧ᭄ᬕᬢᬫᬫᬲᬶᬳᬶ᭟᭐᭟ᬚᬷᬯᬵᬢ᭄ᬫᬦᬶᬗ᭄ᬲᬸᬦ᭄ᬧᬗᬾᬭᬦ᭄᭞ᬢᬶᬗ᭄ᬳᬮᬦᬧᬾᬢ᭄ᬲᬶᬢ᭄ᬯᬗ᭄ᬓᬸᬭᬶᬤᬾᬯᬷ᭞ᬥᬸᬄᬤᬾᬯ
ᬲᬂᬰ᭄ᬭᬷᬦᬶᬗᬭᬹᬫ᭄᭞ᬳ᭄ᬬᬂᬳ᭄ᬬᬂᬦᬶᬂᬲᭀᬤ᭄ᬭᬲᬭ᭞ᬓ᭄ᬱᬫᬓ᭄ᬦᬫᬦᭂᬄᬢᬲᬸᬂᬮᬭᬫᬵᬲ᭄ᬓᬸ᭞ᬮᬮᬸᬢᬦ᭄ᬯ᭄ᬭᬶᬂᬗᬸᬦᬓᬭ᭞ᬯᬶᬦᬰᬾᬂᬮᬭᬫᭀᬲ᭄ᬬᬦᬶ᭟᭐᭟ᬤ᭄ᬬᬄᬲᬂᬳ᭄ᬬᬂᬦᬶᬂᬓᬍᬗᭃᬗᬦ᭄᭞ᬦᬶᬦᬃᬤᬺᬱ᭄ᬬᬳᬦᬸᬓ᭄ᬱ᭄ᬫᬾᬂ
ᬧ᭄ᬭᬕᬯᬢᬶ᭞ᬳᬗ᭄ᬮᬶᬮᬶᬭᬸᬕᬫᬵᬲ᭄ᬓ᭄ᬯᬶᬦ᭄ᬤᬸᬂ᭞ᬲᬤᬾᬭᬲᬶᬭᬗ᭄ᬭᬾᬳ᭞ᬢᬦ᭄ᬮᬗ᭄ᬖ᭄ᬬᬲᬸᬦ᭄ᬲᬢᬶᬩᬧᬭᬦᬶᬂᬢᬸᬥᬸᬄ᭞ᬫᬓᬤᭀᬦᬺᬱ᭄ᬝᬾᬗᬶᬳᬢ᭄ᬭ᭞ᬲᬸᬓᬾᬗ᭄ᬲᬸᬦᬓᬃᬯ᭄ᬯᬦᬸᬭᬶᬧ᭄᭟᭐᭟ᬬᬤ᭄ᬬᬦ᭄ᬧᬶᬂᬲᬳ
[᭑᭒᭐ 120A]
ᬲ᭄ᬭᬬᬸᬕ᭞ᬲᬸᬦᬜ᭄ᬚᬦ᭄ᬫᬲᬶᬭᬧᬭᬦᬶᬂᬇᬱ᭄ᬝᬶ᭞ᬫᬃᬫ᭄ᬫᬦᬶᬂᬳᬦ᭄ᬫᬸᬲᬥ᭄ᬬᬄ᭞ᬢ᭄ᬓᬾᬂᬲ᭄ᬯᬄᬓᬤᬤ᭄ᬬᬦ᭄᭞ᬲᬶᬭᬳᬸᬕᬫᬶᬰᬾᬱᬲᬢᬸᬯᬸᬄᬳᬶᬗ᭄ᬲᬸᬦ᭄᭞ᬳᬳᭀᬘᬓᭀᬘᬓᬦ᭄ᬭᬭᬲ᭄᭞ᬳᬯᭀᬃᬕᬦ᭄ᬢᬲᬶᬮ᭄ᬬᬲᬶᬄ᭟᭐᭟
ᬫᬗ᭄ᬓᬦᬤᬾᬭᬲᬂᬦᬵᬣ᭞ᬫ᭄ᬭᬶᬳᬫ᭄ᬩᬤᬫᬃᬫ᭄ᬫᬳᬭᬹᬫᬫᬦᬶᬲ᭄᭞ᬲᬂᬰ᭄ᬭᬷᬦᬶᬂᬓᬶᬂᬓᬶᬗᬯᬸᬗᬸ᭞ᬢᬸᬫᬸᬗ᭄ᬓᬸᬮ᭄ᬲ᭄ᬫᬸᬤᬭᬂ᭞ᬯᬱ᭄ᬧᬫᬶᬮᬶᬫᬮᬧᬃᬤᬺᬱ᭄ᬭᬸᬫᬳᬸᬧ᭄᭞ᬳᬗᭂᬦᬶᬧᬬᭀᬥᬭ᭞ᬦᬭᬾᬦ᭄ᬤ᭄ᬭᬳᬗᬭᬶᬳᬭᬶᬄ᭟᭐᭟
ᬳᬯᬮᬶᬯᬮᬶᬳᬗᬲ᭄ᬫ᭄ᬜᬸᬮᬸᬜᬸᬮᬸᬄᬘᬸᬫ᭄ᬩᬸᬳᬫ᭄ᬤᬭᬲᬶᬄ᭞ᬯᬘᬦᬦ᭄ᬭᬂᬫᬥᬸᬚᬸᬭᬸᬄ᭞ᬮᬄᬳᬤ᭄ᬬᬲᬧᬗᬾᬭᬦ᭄᭞ᬧᬓᬦᬶᬭᬧᬶᬦᬓᬚᬫ᭄ᬧ᭄ᬬᬦᬶᬂᬍᬲᬸ᭞ᬢᬦ᭄ᬧᭀᬚᬃᬲᬂᬰ᭄ᬭᬷᬦᬶᬂᬭᬭᬲ᭄᭞ᬳᬶᬗᭂᬫ᭄ᬩᬦ᭄ᬢᬸᬫᬸᬮᬶᬫᬶ
ᬚᬶᬮ᭄᭟᭐᭟ᬓᬓᬾᬜᬮᬦ᭄ᬧᬭᬓᬶᬮ᭄ᬬ᭞ᬯᬸᬲᬕ᭄ᬮᬭᬶᬂᬧᬕᬦ᭄ᬤᬦ᭄ᬲ᭄ᬭᬤᬶᬦ᭄᭞ᬲᬧ᭄ᬢᬓᬸᬫᬭᬶᬂᬧᬗ᭄ᬤ᭄ᬬᬲ᭄᭞ᬐᬃᬕᬶᬮᭀᬫ᭄ᬭᬶᬓ᭄ᬱᬸᬕᬦ᭄ᬥ᭞ᬢᬦ᭄ᬧᭀᬧᬫᬲᭀᬧᬓᬭᬦᬶᬂᬫ᭄ᬭᬶᬓ᭞ᬲᬶᬦᭀᬘᬦ᭄ᬰ᭄ᬭᬷᬫᬳᬵᬭᬵ
Page:Bali-lontar-gaguritan-wiryya-guna-a-300ppi.pdf/120
Jump to navigation
Jump to search
This page has been proofread.
