[᭑᭑᭒ 112B]
᭑᭑᭒
ᬧᬫᬶᬦ᭄ᬢᬦ᭄᭞ᬢᬦ᭄ᬲᬖᭀᬭᬯᬾᬂᬫᬳᬵᬋᬱᬶ᭞ᬲᬶᬗ᭄ᬕᬶᬄᬫ᭄ᬧᬸ᭞ᬲ᭄ᬬᬧᬧᬸᬱ᭄ᬧᬢᬲᬂᬧᬦ᭄ᬥ᭄ᬬ᭟᭐᭟ᬮᬶᬯᬢ᭄ᬓᬧᬾᬗᬶᬦ᭄ᬫᬦᬶᬭ᭞ᬫᬸᬮᬢ᭄ᬧ᭄ᬯᬪᬯᬲᬂᬋᬱᬶ᭞ᬮ᭄ᬯᬶᬃᬲᬓᬶᬂᬲ᭄ᬯᬃᬕ᭄ᬕᬗᭂᬫ᭄ᬧᭀᬦ᭄᭞ᬰᬸᬤ᭄ᬥᬯᬃ
ᬡ᭄ᬦᬲᬪᬾᬂᬩᬸᬤ᭄ᬥᬶ᭞ᬫᬸᬤᬶᬢᬳᬤᬸᬮᬸᬃᬫᬾᬢ᭄ᬭᬷ᭞ᬓᬭᬸᬡ᭄ᬯᭀᬧᬾᬓ᭄ᬱᬵᬢᬶᬲᬥᬸ᭞ᬲᬗ᭄ᬓᭂᬧ᭄ᬭᬶᬂᬓᬧᬡ᭄ᬥᬶᬢᬦ᭄᭞ᬫᬗ᭄ᬓᬦᬮᬶᬂᬰ᭄ᬭᬶᬪᬹᬧᬢᬶ᭞ᬰᬶᬖ᭄ᬭᬲᬯᬸᬃ᭞ᬫᬵᬃᬤᬯᬫ᭄ᬧᬸᬫᬳᬵᬬᬡ᭟᭐᭟ᬲᬶᬗ᭄ᬕᬶᬄᬲᬵ
ᬚ᭄ᬜᬵᬪᬸᬫᬶᬦᬵᬣ᭞ᬓ᭄ᬱᬦ᭄ᬢᬩ᭄ᬬᬩ᭄ᬭᬵᬳ᭄ᬫᬡᬳᬚᬷ᭞ᬳᬶᬦᬚ᭄ᬜᬵᬯᬶᬦᬾᬳᬦ᭄ᬧᬢ᭄ᬭ᭞ᬫᬳᬵᬬᬵᬡᬤᬾᬪᬹᬧᬢᬶ᭞ᬳᬶᬓᬶᬰ᭄ᬭᬷᬪᬯᬫᬹᬃᬢ᭄ᬢᬶ᭞ᬮᬶᬯᬃᬲᬶᬳᬶᬭᬧᬸᬓᬸᬮᬸᬦ᭄᭞ᬲᬶᬤ᭄ᬥᬳᬯᬾᬄᬉᬧᬓᬵᬭ
᭞ᬤᬸᬫᬢᭂᬂᬭᬵᬯᬶᬓᬸᬳᬚᬷ᭞ᬢᬦ᭄ᬓᬢ᭄ᬫᬸ᭞ᬲᬯᬸᬭᬦᬶᬂᬳᬸᬢᬂᬥᬦ᭟᭐᭟ᬬᬦ᭄ᬢᬦ᭄ᬦᬸᬕ᭄ᬭᬳᬦᬭᬾᬦ᭄ᬤ᭄ᬭ᭞ᬲᬨᬮᬦᬶᬂᬓᬤᬶᬓᬫᬶ᭞ᬗ᭄ᬳᬶᬂᬫᬗ᭄ᬓᬾᬗ᭄ᬕᬦᬶᬓᬓᬢᭀᬦ᭄᭞ᬳᬧᬸᬧᬸᬮ᭄ᬭᬶᬂᬚᭃᬂᬪᬹᬧᬢᬶ᭞
[᭑᭑᭓ 113A]
ᬲᬸᬧᬸᬦ᭄ᬬᬥᬃᬫ᭄ᬫᬓᬾᬃᬢᬶ᭞ᬢᬧᬬᬚ᭄ᬜᬵᬤᬶᬩ᭄ᬬᬮᬸᬗ᭄ᬕᬸᬄ᭞ᬧᬫᬶᬦ᭄ᬤᬦᬶᬂᬬᭀᬕᬷᬦ᭄ᬤ᭄ᬭ᭞ᬧᬭᬸᬫᬭᬸᬳᬗ᭄ᬕᬪᬹᬧᬢᬶ᭞ᬲᬥᬸᬢᬸᬳᬸ᭞ᬫᬓᬤᬺᬯ᭄ᬬᬓᬦᬶᬃᬪᬦᬦ᭄᭟᭐᭟ᬦᬳᬦ᭄ᬮᬶᬂᬲᬂᬫᬳᬵᬧᬦ᭄ᬥ᭄ᬬ᭞
ᬦᬯᬸᬭᬶᬦ᭄ᬤᬶᬓᬦᬺᬧᬢᬶ᭞ᬲᬸᬓᬵᬢᬶᬲᬂᬓᬢᭀᬂ᭞ᬢ᭄ᬳᭂᬃᬲᬶᬭᬬᭀᬕᬲ᭄ᬫᬺᬢᬶ᭞ᬋᬧ᭄ᬫᬸᬓ᭄ᬱᬘᬶᬦ᭄ᬢ᭄ᬬᬾᬂᬲᬶᬗᬶᬢ᭄᭞ᬧᬜ᭄ᬚᬭᬯᬸᬲ᭄ᬦᬫᬸᬦᬫᬸ᭞ᬫ᭄ᬯᬂᬩᬦ᭄ᬤᬦᬯᬭᬲ᭄ᬢ᭄ᬭ᭞ᬓᬤᬶᬦᬵᬕᬫᬶᬮᬸᬗ᭄ᬲᬸᬗᬶ᭞ᬲᬸᬓ
ᬦᬶᬂᬢ᭄ᬯᬲᬶᬭᬲᬂᬲᬶᬦᬸᬂᬦᬸᬕ᭄ᬭᬳ᭟᭐᭟ᬧ᭄ᬭᬧ᭄ᬢᬲᬤᬭᬫᬦᭂᬫ᭄ᬩᬄ᭞ᬫᬸᬲᬧ᭄ᬰᬭᬡᬦᬺᬧᬢᬶ᭞ᬫ᭄ᬯᬂᬫᬦ᭄ᬢ᭄ᬭᬷᬦᬶᬭᬲᬤᬬ᭞ᬗᬸᬧᬓ᭄ᬱᬫᬫᬶᬦ᭄ᬢᬳᬸᬭᬶᬧ᭄᭞ᬭᬶᬚᭂᬂᬦᬺᬧᬢᬶᬓᬮᬶᬄ᭞ᬳᭂᬦ᭄ᬢᬶᬳᬃᬱ
ᬫᬵᬳᬵᬧ᭄ᬭᬪᬸ᭞ᬗ᭄ᬳᬶᬂᬓᬂᬳᭀᬲᭂᬓᬶᬂᬘᬶᬢ᭄ᬢ᭞ᬤᬾᬦᬶᬂᬓ᭄ᬯᬾᬄᬩᬮᬗ᭄ᬫᬲᬶ᭞ᬮᬯᬵᬜ᭄ᬚᬸᬭᬸ᭞᭞ᬢᬦ᭄ᬓᬾᬢᬂᬫᬦ᭄ᬢ᭄ᬭᬶᬯᬸᬲ᭄ᬧ᭄ᬚᬄ᭟᭐᭟ᬳᬯ᭄ᬮᬲ᭄ᬲᬶᬭᬯᬷᬃᬬ᭄ᬬᬕᬸᬡ᭞ᬢᬸᬫᭀᬦ᭄ᬯᬗ᭄ᬓᬾᬓᬤᬶᬳᬤ᭄ᬭᬷ᭞
Page:Bali-lontar-gaguritan-wiryya-guna-a-300ppi.pdf/113
Jump to navigation
Jump to search
This page has been proofread.
