[᭑᭐᭖ 106B]
᭑᭐᭖
ᬰ᭄ᬫᬶ᭟᭐᭟ᬦ᭄ᬤᬦ᭄ᬰ᭄ᬭᬷᬪᬯᬫᬹᬃᬢ᭄ᬢᬶᬲᬸᬤᬷᬭᬦᬶᬃᬪᬬ᭞ᬫᬗ᭄ᬲᭂᬄᬳᬢᬦ᭄ᬤᬶᬂᬓᬯᬦᬶᬦ᭄᭞ᬦᬺᬧᬯᬷᬃᬬ᭄ᬬᬕᬸᬡ᭞ᬳᬗᬼᬧᬲ᭄ᬧᬰᬸᬧᬢ᭞ᬲᬸᬮᬲ᭄ᬢ᭄ᬭᬫᭀᬍᬓᬸᬫᬶᬚᬶᬮ᭄᭞ᬫ᭄ᬯᬂᬧᬵᬰᬵᬬᬸᬤ᭄ᬥ᭞ᬢᬦ᭄ᬧ
ᬧ᭄ᬭᬫᬡᬵᬗᬺᬱᬶ᭟᭐᭟ᬧᬶᬦᬕᬸᬢ᭄ᬤᬾᬦᬶᬭᬂᬧ᭄ᬭᬪᬸᬧᬤ᭄ᬫᬦᬵᬪ᭞ᬯᬭᬬᬂᬤᬶᬩ᭄ᬬᬰᬓ᭄ᬢᬶ᭞ᬳᬭᬹᬧᬪᬸᬚᬕ᭞ᬧᬰᬢ᭄ᬓᬳᬫ᭄ᬩᬓ᭄ᬱ᭞ᬳᬺᬦᬶᬭᬰ᭄ᬭᬷᬳᬗ᭄ᬕᬧᬢᬶ᭞ᬤ᭄ᬯᬱ᭄ᬝᬳᬮᬶᬮᬂ᭞ᬢᬦ᭄ᬧᬰᬾᬱ
ᬓᬳᭂᬦ᭄ᬢᬶ᭟᭐᭟ᬫᬸᬦ᭄ᬢᬩ᭄ᬓ᭄ᬭᭀᬥᬰ᭄ᬭᬷᬯᬷᬃᬬ᭄ᬬᬕᬸᬡᬓᬩᬵᬗᬦ᭄᭞ᬲᬳᬲᬳᬫᬦᬳᬶ᭞ᬳᬺᬢᬶᬓ᭄ᬱ᭄ᬡᬯᬃᬬ᭄ᬬ᭞ᬫᬶᬩ᭄ᬓᬶᬤᬶᬃᬕ᭄ᬕᬦ᭄ᬢᬭ᭞ᬧᬭᬄᬓ᭄ᬦᬰ᭄ᬭᬷᬪᬹᬧᬢᬶ᭞ᬧᬤ᭄ᬫᬦᬵᬕᬭ᭞ᬢ᭄ᬤᬲ᭄ᬥ
ᬥᬦᬺᬧᬢᬶ᭟᭐᭟ᬫᬸᬃᬘ᭄ᬙᬓᬦ᭄ᬢᭂᬧ᭄ᬭᬶᬂᬋᬗ᭄ᬕᬦᬶᬂᬭᬣᬢᬶᬩ᭞ᬫᬮᬬᬸᬓᬂᬤᬭᬸᬓᬶ᭞ᬫᬾᬗᬲ᭄ᬚ᭄ᬭᬶᬄᬮᬸᬫᬸᬫ᭄ᬧᬢ᭄᭞ᬳᬯᬸᬗᬸᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬗᬤᭂᬕ᭄ᬫᬸᬮᬢ᭄ᬦᬸᬤᬶᬗᬶ᭞ᬥᬶᬓᬄᬓᭀᬂᬤᬸᬱ᭄ᬝ᭞ᬤ᭄ᬭᭀ
[᭑᭠᭗ 107A]
ᬯᬓᬫᬸᬲᬭᬣᬶ᭟᭐᭟ᬰᬷᬖ᭄ᬭᬫᬦᬾᬓ᭄ᬤᬭᬸᬓᬶᬯᬯᬂᬭᬸᬫᬫ᭄ᬧᬓ᭄᭞ᬮᬫ᭄ᬧᬳᬶᬂᬭᬣᬕᬫᬶ᭞ᬲᬂᬰ᭄ᬭᬷᬧᬤ᭄ᬫᬦᬵᬪ᭞ᬓ᭄ᬭᭀᬥᬫ᭄ᬦᬶᬂᬢ᭄ᬭᬶᬯᬸᬮ᭞ᬧᬯᬾᬄᬳ᭄ᬬᬂᬩ᭄ᬭᬵᬳ᭄ᬫᬭᬶᬂᬗᬹᬦᬶ᭞ᬉᬚ᭄ᬯᬮᬗᬭᬩ᭄᭞ᬫᬸᬭᬸᬩ᭄ᬫᭂᬢᬸ
ᬳᬧᬸᬬ᭄᭟᭐᭟ᬦ᭄ᬤᬦ᭄ᬰ᭄ᬭᬷᬯᬶᬃᬬ᭄ᬬᬕᬸᬡᬧ᭄ᬭᬬᬢ᭄ᬦᬢᬸᬫᬗ᭄ᬕᬮ᭄᭞ᬳᬫᬸᬢᭂᬃᬮᬶᬧᬸᬂᬕ᭄ᬮᬶᬲ᭄᭞ᬯᬸᬲᬶᬦᬩᬶᬫᬦ᭄ᬢ᭄ᬭ᭞ᬤᬾᬦᬶᬂᬇᬦ᭄ᬤ᭄ᬭᬓᬸᬮᬶᬰ᭞ᬧᬋᬂᬍᬧᬲ᭄ᬧᬋᬂᬪᬰ᭄ᬫᬶ᭞ᬲᬬᬦ᭄ᬓᬕᬶᬯᬂ᭞ᬮᬕᬦᬶᬭᬦᬺᬧᬢᬶ᭟
᭐᭟ᬳᬧᬸᬢ᭄ᬭᬦ᭄ᬢᬸᬫᬦ᭄ᬤᬂᬳᬢᬦ᭄ᬤᬶᬂᬭᬶᬂᬧ᭄ᬭᬂ᭞ᬧᬥᬮᬓ᭄ᬱᬶᬢᬾᬂᬚᬸᬭᬶᬢ᭄᭞ᬮ᭄ᬯᬶᬃᬘᬓ᭄ᬭᬘᬮᬶᬢ᭞ᬫᬶᬦ᭄ᬤᭂᬃᬓᬤᬶᬓᬶᬓᬶᬮ᭄ᬬ᭞ᬲᬶᬮᬶᬄᬧᬮᬸᬲᬶᬮᬶᬄᬳᬸᬗ᭄ᬲᬶ᭞ᬳᬳᭂᬦ᭄ᬢᬶᬳᭂᬦ᭄ᬢ᭄ᬬᬦ᭄᭞ᬧᬧ᭄ᬭᬗᬶᬭᬳᬭᬗ᭄ᬓᬶ
ᬢ᭄᭟᭐᭟ᬲᬶᬮᬶᬄᬢᬸᬚᬸᬢᬶᬦᬸᬚᬸᬭᬶᬂᬲᬃᬯ᭄ᬯᬬᬸᬤ᭄ᬥ᭞ᬘᬮᬶᬢᬤᬺᬱ᭄ᬝᬦ᭄ᬓᬵᬓ᭄ᬱᬶ᭞ᬲᬶᬭᬢᬦ᭄ᬤᬶᬗᬦ᭄᭞ᬲᭀᬓᬯ᭄ᬮᬸᬓᬂᬓᬯᬲ᭄᭞ᬳᬓᬸᬮᬶᬮᬶᬗᬦ᭄ᬦᬺᬧᬢᬶ᭞ᬓᬮᬶᬄᬓᬵᬤ᭄ᬪᬸᬢ᭞ᬢᬢᬕ᭄ᬢᬸ
Page:Bali-lontar-gaguritan-wiryya-guna-a-300ppi.pdf/107
Jump to navigation
Jump to search
This page has been proofread.
