[᭓᭙ 39B]
᭓᭙
ᬦ᭄᭞ᬳᬗ᭄ᬳᬾᬶᬂᬳᬤᬮᬶᬗ᭄ᬳᬶᬂᬢᬸᬢᬹᬃᬓᬢᬫᬩᬦ᭄ᬫᬫᬦ᭄ᬩᬶᬓᬲ᭄ᬳᬦᬓᬾᬤᬶᬦᬶᬢᬦ᭄ᬫᬭᬶᬫᬜᬸᬗ᭄ᬲᬸᬂᬤᬾᬯᬵᬓᬬᬗᬦ᭄ᬳᬦᬓ᭄ᬳᬸᬮᬶᬳᬶᬮᬸ᭟ᬬᬾᬦ᭄ᬳᬦᬓᬾᬩᬸᬓᬵᬘᬳᬶᬩᬫᬓ᭄ᬭᬫᬵᬢ᭄ᬯᬄᬬᬵᬫᬫᬋᬓ᭄ᬓ᭄ᬫᭀ
ᬳᬧᬦ᭄ᬳᭂᬦ᭄ᬢᭀᬪᬝᬭᬰᬓ᭄ᬢᬶᬫᬗᬸᬗ᭄ᬓᬸᬕᬸᬫᬶᬲᬚᬕᬢ᭄ᬤᬾᬥᬸᬓᬹᬄᬳᬶᬲ᭄ᬢ᭄ᬭᬶᬫᬲᬳᬸᬢ᭄ᬳᭂᬦ᭄ᬢᭀᬤᬾᬯᬦ᭄ᬘᬳᬶᬲᬚᬵᬲᬗ᭄ᬓᬯᬶᬢᬘᬳᬶᬤᬶᬢᬸ᭞ᬢᬸᬢᬸᬕᬂᬚ᭄ᬯᬵᬓ᭄ᬭᬫᬦ᭄ᬘᬳᬶᬳᬯᬓ᭄ᬚᬤ᭄ᬫᬵᬫ᭄ᬮᬄᬳᬧᬂᬫᬲᬶᬄᬩᬸᬓ
ᬚᬦᬶᬫᬦ᭄ᬢᬸᬦᬾᬫᬲᬯᬸᬃᬳᬮᬸᬲ᭄ᬳᬶᬗ᭄ᬕᬶᬄᬢᬶᬢ᭄ᬬᬂᬭᬯᬸᬄᬢᬦ᭄ᬮ᭄ᬬᬦ᭄ᬦᬾᬲᬤ᭄ᬬᬬᬂᬢᬶᬢ᭄ᬬᬂᬳᬧᬂᬫᬫᬗ᭄ᬕᬶᬄᬭᬳᬬᬸ᭟ᬤᬾᬥᬸᬓᬹᬄᬲᬸᬓᬵᬜᬳᬸᬭᬶᬦ᭄ᬢ᭄ᬯᬶᬓᬢᭀᬦ᭄ᬢ᭄ᬯᬄᬘᬳᬶᬫᬲ᭄ᬢᬢᬹᬃᬲᬚᬬᬂᬚ᭄ᬯᬵᬢᬸ᭠
ᬚ᭄ᬯᬂᬳᬧᬂᬳᬬᬸᬦᬾᬓᬧᬗ᭄ᬕᬶᬄᬬᬾᬦ᭄ᬢ᭄ᬯᬄᬘᬳᬶᬓ᭄ᬫᭀᬳᭂᬦ᭄ᬢᭀᬚ᭄ᬯᬵᬕᬸᬦᬸᬗᬾᬢᬸᬚᬸᬦᬾᬧᬮᬶᬂᬤᬶᬢᬸᬢᬸᬜᬵᬭᬲᬜᭂᬩᬸᬓᬵᬫᬗᬸᬗᬂᬓᬢᭀᬦ᭄ᬓᬬᬗᬦ᭄ᬢ᭄ᬯᬄᬳᬩᬸᬗ᭄ᬓᬸᬮ᭄ᬢ᭄ᬯᬄᬜᬵᬓᬢᭀᬦ᭄ᬢᬶᬗ᭄ᬕᬃᬲ
[᭔᭐ 40A]
ᬳᬸᬧᬵᬘᬭᬦ᭄ᬜᬦᬾᬫᬸᬭᬸᬩ᭄᭞ᬩ᭄ᬦᭂᬄᬗᬶᬦ᭄ᬳᬸᬮᬶᬤᬶᬦᬶᬳ᭄ᬤᬲᬶᬫ᭄ᬧᬂᬲᬶᬫ᭄ᬧᬂᬫᬱᬵᬢᬦᬶᬓᬢ᭄ᬧᬸᬓᬲᭀᬓ᭄ᬟᬵᬧᬢᬶᬧᬲᬸᬓ᭄ᬳᬦᬓ᭄ᬮ᭄ᬬᬸᬫᬵᬃᬕ᭄ᬫᬧ᭄ᬮᬶᬄᬦᬾᬮᬶᬲᬶᬓ᭄ᬢ᭄ᬯᬄᬳᬫ᭄ᬩᬄᬬᬾᬦ᭄ᬲᬾᬘᬳᬶᬢ᭄ᬓᭂᬤ᭄ᬤᬶᬢᬸᬳ᭄ᬤᬵᬲᬮᬄᬧᬗ᭄ᬭᬱᬵᬳᬧ
ᬦ᭄ᬢᭀᬤᬾᬯᬵᬰᬓ᭄ᬢᬶᬲᬓᬋᬧ᭄ᬤᬯᬓᬾᬲᬶᬤ᭄ᬟᬵᬢᬸᬳᬸᬳᬫᭀᬃᬭᬶᬂᬳᬸᬮᬸᬧᬸᬳᬸᬦ᭄᭟ᬫᬲᬳᬸᬃᬲᭂᬫ᭄ᬩᬄᬦᬾᬫ᭄ᬯᬦᬶᬲᬵᬃᬯ᭄ᬯᬶᬦᭀᬮᬶᬄᬦᬾᬳ᭄ᬮᬸᬄᬤᬸᬄᬕᬸᬲ᭄ᬢᬶᬫᬲ᭄ᬫᬶᬭᬄᬫᬵᬃᬕ᭄ᬕᬶᬓᬾᬫᬸᬂᬧᬸᬂᬗᬵᬲ᭄ᬮᬶᬤ᭄ᬧᬫᬶᬢ᭄ᬕᬸᬲ᭄ᬢᬶᬳᬢ᭄ᬫᬵᬚ᭄ᬯᬶᬢ᭄ᬣᬵᬩᬶᬩᬶ
ᬦᬾᬭᬭᬶᬲ᭄ᬫᬲᬳᬸᬢ᭄ᬫ᭄ᬓᬮᬦ᭄ᬕᬸᬲ᭄ᬢᬶᬫᬲ᭄ᬫᬶᬭᬄᬳᬶᬬᬬᬸᬫᬲᬯᬂᬋᬗᬹ᭞ᬫᬶᬲᬦᬾᬓᬮᬶᬄᬗᬚᬓᬶᬦ᭄ᬫᬵᬃᬕ᭄ᬕᬶᬓᬸᬤᬵᬫ᭄ᬩᭀᬓ᭄ᬳᬶᬬᬬᬸᬢᬶᬢ᭄ᬬᬂᬗᬶᬭᬶᬂᬫ᭄ᬩᭀᬓ᭄ᬤ᭄ᬭᬶᬓᬵᬭᬭᬶᬲ᭄ᬫᬓᬭᬲᬶᬓ᭄ᬕᬸᬭᬸᬦᬾᬲᬸᬓᬵ
ᬫᬫᬶᬋᬗᬂᬩᬶᬩᬶᬦᬾᬢᬦ᭄ᬲᬄᬫᬦ᭄ᬟᬸᬮᬸᬳᬶᬲ᭄ᬢ᭄ᬭᬶᬓᬓᬹᬂᬗᬶᬘᬾᬦ᭄ᬲᭂᬧᬄᬓᬮᬶᬄᬓᬩᬶᬲᬶᬓᬦ᭄ᬲᬵᬫ᭄ᬧᬸᬦ᭄᭟ᬢᬸᬫᬸᬮᬶᬲᬋᬂᬫᬜᬸᬫ᭄ᬩᬄᬩᬶᬩᬶᬦᬾᬓᬮᬯᬦ᭄ᬕᬸᬭᬸᬭᬭᬶᬲ᭄ᬫᬫᬵᬃᬕ᭄ᬕᬶᬯᬾᬦ᭄ᬢᭂᬦ᭄ᬤᬯᬸᬄᬓᬮᬶᬄ᭠
Page:Bali-lontar-gaguritan-tunjung-biru-300ppi.pdf/40
This page has been proofread.
