[᭓᭖ 36B]
᭓᭖
ᬓᬓᬹᬂᬢᬦ᭄ᬲᬄᬗᬭᬲ᭄ᬧᬶᬧᬶᬫᬸᬜᬶᬦᬾᬫ᭄ᬯᬦᬶᬜᬸᬜᬸᬃᬤᬸᬄᬕᬸᬲ᭄ᬢᬶᬳᬢ᭄ᬫᬵᬚ᭄ᬯᬶᬢᬵᬧᬸᬦᬶᬓᬶᬤᬳᬭᬶᬦ᭄ᬲᭂᬧᬄᬢᬶᬢ᭄ᬬᬂᬗᬾᬭᬸᬫᬸᬳᬸᬦᬂᬦᬾᬓᬓᬸᬂᬫᬗᬮᬸᬢ᭄ᬕᭃᬮᬸᬢ᭄ᬦᬾᬳᬶᬲ᭄ᬢ᭄ᬭᬶᬢᬸᬳᬸᬫᬤᬗ᭄ᬕᬧᬶᬦ᭄ᬲᭂᬧᬄᬓᬓᬸ
ᬗᬾᬜᬗ᭄ᬮᬸᬄ᭟ᬫᬚᬮᬦ᭄ᬲᬃᬯ᭄ᬯᬶᬫᬦᭀᬮᬶᬄᬢᬹᬃᬬᬵᬲ᭄ᬫᬂᬢᬦ᭄ᬱᬄᬳᬢᬶᬦᬾᬤᬶᬢᬸᬓᬲᬸᬮᬜᭂᬓᬢᬸᬢ᭄ᬢᬸᬫᬶᬦᬾᬫᬾᬲᭂᬫ᭄ᬦᬶᬗᬮᬶᬦ᭄ᬭᬭᬶᬲ᭄ᬓᭂᬓᬬᭂᬳᬦ᭄ᬳᬶᬬᬬᬸᬫᬲᬯᬂᬋᬗᬸᬩ᭄ᬗᭀᬂᬧᬶᬦ᭄ᬟᬵᬲ᭄ᬫᬂᬓᬓᬹᬗᬾᬗᬮᬵ
ᬳᬶᬦ᭄ᬫᬗ᭄ᬭᬱᬵᬓᬗᭂᬦ᭄ᬭᬶᬘᬶᬢ᭄ᬣᬵᬲᬕᬾᬢ᭄ᬫᬶᬲᬦᬾᬓᬓᬵᬮᬶᬄᬭᬯᬸᬄ᭞ᬩᬸᬓᬢᭀᬳᬶᬬᬬᬸᬓ᭄ᬜᬶᬂᬲᬯᬂᬳᬾᬭᬂᬳᬶᬢᬸᬜ᭄ᬚᬸᬂᬩᬭᬓ᭄ᬓ᭄ᬜᬸᬂᬢᬸᬫᬸᬮᬶᬳᬫᬸᬯᬸᬲ᭄ᬧ᭄ᬮᬶᬄᬓᬾᬩᬳᬦ᭄ᬟᬬᬦᬶᬦ᭄ᬢ᭄ᬯᬄᬓᬧᬗᬦ᭄ᬲᬚᬵᬳ
ᬲᬶᬦᬗᬵᬩᬲ᭄ᬓᬤᬸᬭᬸᬲ᭄ᬩᬸᬮᬦᬾᬗ᭄ᬮᭂᬫᬳᬂᬦ᭄ᬢᭀᬓᭀᬬᬵᬧᬸᬢᬶᬄᬓᬸᬦᬶᬂᬳᬶᬢᬸᬜ᭄ᬚᬸᬂᬧᬸᬢᬶᬄᬳᬗᬸᬘᬧ᭄ᬢ᭄ᬯᬄᬓᬾᬢᭀᬲᬾᬲᬹᬃᬬ᭄ᬬᬦᬾᬚᬭᬸᬄ᭟ᬫ᭄ᬩᭀᬓ᭄ᬢ᭄ᬯᬭᬵᬗᭂᬤᬸᬘᬶᬦ᭄ᬓᬮᬶᬓᬾᬦ᭄ᬓᬾᬦ᭄ᬚ᭄ᬯᬵ
[᭓᭗ 37A]
ᬓᭂᬧᬗᬦ᭄ᬓᭂᬢᬸᬦᬶᬦ᭄ᬢᭀᬭᬲᬜᬫᬳᬶᬭᬶᬩ᭄ᬳᬦᬓ᭄ᬫᬗ᭄ᬮᬶᬂᬫᬗᬲᬶᬳᬰᬶᬄᬤᬶᬚᬳᬵᬚ᭄ᬯᬵᬳᬶᬢᬸᬜ᭄ᬚᬸᬂᬩᬭᬓ᭄ᬫᬲᬳᬸᬢ᭄ᬢᬶᬢ᭄ᬬᬂᬓᭀᬫᬢᬢᬶᬜ᭄ᬚᬓᬦ᭄ᬫᬾᬄᬓᭀᬩᬸᬭᬄᬩ᭄ᬭᬸᬤ᭄᭞ᬧᬤᬵᬕᬸᬫᬸᬬᬸᬫᬓ
ᬓᬮᬶᬄᬳᬶᬢᬸᬜ᭄ᬚᬸᬂᬧᬸᬢᬶᬄᬓ᭄ᬜᬸᬂᬲᬓᬶᬢ᭄ᬓᬾᬭᬲᬜᬫᬦ᭄ᬧᬾᬦ᭄ᬩᬢᬸᬦᬾᬕᬶᬢ᭄ᬕᬶᬢ᭄ᬳᬶᬢᬸᬜ᭄ᬚᬸᬂᬩᬭᬓ᭄ᬫᬲᬳᬸᬢ᭄ᬫᬱᬵᬬᬵᬕᬶᬕᬶᬲᬓᬶᬢ᭄ᬘᬭᬦᬶᬂᬗᬤ᭄ᬕᬶᬲᬶᬳᬫ᭄ᬧᭂᬕᬂᬢᬸᬫᬶᬦᬾᬫᬾᬲᭂᬫᬲᬳᬸᬢ᭄ᬓᬾᬢᬾᬲᬾᬫᬸᬮᬵ
ᬧᬚᬮᬦ᭄ᬳᬦᬓᬾᬤ᭄ᬳᬵᬢᬸᬳᬸ᭟ᬮᬫᬸᬦᬾᬚᬵᬩᬲ᭄ᬩᬩᬾᬓᬶᬧᬗ᭄ᬕᬸᬬᭀᬦᬦ᭄ᬢ᭄ᬯᬭᬵᬢ᭄ᬫᭂᬤ᭄ᬫᬗᬸᬮ᭄ᬕᬸᬮ᭄ᬳᬯᬓ᭄ᬧᬤᬲᬦ᭄ᬢᬸᬦ᭄ᬦᬾᬦᬾᬓᭂᬫ᭄ᬩᬂᬚ᭄ᬯᬵᬓ᭄ᬟᬾᬓᬶᬦ᭄ᬳ᭄ᬮᬾᬦ᭄ᬢᬾᬳᬦ᭄ᬢᬶᬬᬂᬕᬸᬫᬲᬦ᭄ᬤᬫᬸᬳᬾᬳᬸᬮᬸᬂᬤᭀᬗᬵ
ᬓᭂᬫ᭄ᬩᬂᬫᬬᬂᬦᬶᬭᬦᬸᬦ᭄ᬟᬾᬗ᭄ᬟᬾᬓᬶᬦ᭄ᬳᬦᬓ᭄ᬬᬵᬢᬫ᭄ᬩᬸᬮᬶᬮᬶᬗᬦ᭄ᬢᭀᬂᬮᬮᬶᬲ᭄ᬢ᭄ᬯᬄᬫᬢᬶᬗ᭄ᬕᬮ᭄ᬫᬥᬸ᭞ᬳᬶᬬᬬᬸᬫᬲ᭄ᬫᬸᬳᬶᬫ᭄ᬩᬶᬄᬓᬕᬸᬬᭀᬦᬦ᭄ᬩᬶᬩᬶᬦᬾᬫᬜᬮᬶᬫᬸᬃᬲᬵᬃᬯ᭄ᬯᬶᬗᬚᬓ᭄ᬫᬦ᭄ᬤᬸᬲ᭄ᬳᬶᬬ
Page:Bali-lontar-gaguritan-tunjung-biru-300ppi.pdf/37
This page has been proofread.
