[᭓᭔ 34B]
᭓᭔
ᬭᬢᬶᬢ᭄ᬬᬂᬢᬓᬸᬢ᭄ᬓᬕᬯᬸᬓ᭄ᬦᬾᬳᬶᬲ᭄ᬢ᭄ᬭᬶᬢᬦ᭄ᬲᬄᬫᬜᬓᬃᬦᬾᬓᬓᬹᬂᬢᬦ᭄ᬲᬄᬫᬗᬺᬩᬸᬢ᭄᭟ᬓᬲ᭄ᬯᬾᬦ᭄ᬓᬧᭂᬲᬦ᭄ᬲᬦᬾᬳᬶᬲ᭄ᬢ᭄ᬭᬶᬯ᭄ᬬᬳᬭᬤᬯᬸᬄᬧᬶᬢᬸᬍᬲᬸᬢᬦ᭄ᬲᬄᬗ᭄ᬮᬯᬦ᭄ᬦᬾᬓᬓᬹᬂᬢᬦ᭄ᬲᬄᬫᬗᬸᬓᬶᬄᬦᬾᬳᬶ
ᬲ᭄ᬢ᭄ᬭᬶᬓᬕᬸᬦ᭄ᬢᬸᬭᬦ᭄ᬕᬸᬮᬵᬢᬓᭀᬘᬧ᭄ᬫᬸᬜᬶᬦᬾᬜᬸᬜᬸᬃᬦᬾᬳᬶᬲ᭄ᬢ᭄ᬭᬶᬫᬲᬯᬂᬳᭀᬮᬲ᭄ᬳᬯᭀᬭᬶᬦ᭄ᬩᬳᬦᬾᬢᬸᬬᬸᬄ᭞ᬓᬸᬤᬬᬂᬳᬧᬗᬵᬧ᭄ᬮᬶᬄᬳᬦ᭄ᬤᬾᬩᬸᬗ᭄ᬳᬵᬫ᭄ᬓᬃᬩᭀᬦ᭄ᬜᬦᬾᬫᬗᬮᬸᬩ᭄ᬢᬫ᭄ᬩᬸᬮᬶᬮᬶᬗᬦᬾᬫᬗ᭄ᬭᬫᬶᬄ
ᬋᬫᬶᬫᬾᬱᭀᬮᬸᬧᬸᬢ᭄ᬲᬭᬶᬦ᭄ᬩᬸᬗ᭄ᬳᬵᬳᬦᬾᬓᬓᬹᬂᬫ᭄ᬭᬓᭀᬱᬗ᭄ᬮᬸᬲᬶᬦ᭄ᬲᬶᬜ᭄ᬚᬗᬾᬧᬶᬢᭀᬮᬵᬳᬮᬸᬲ᭄ᬫᬗ᭄ᬓᬶᬦ᭄ᬓᬮᬸᬗ᭄ᬓᬭᬦ᭄ᬓᬢᭀᬦ᭄ᬩᬗ᭄ᬓ᭄ᬬᬗᬾᬍᬫ᭄ᬧᬸᬂᬓᬸᬦᬶᬂᬩᬸᬓᬵᬫᬲ᭄ᬘᬢᬹᬃ᭟ᬕᬕᬺᬢᭂᬦ᭄ᬫᬦᬶᬗ᭄ᬳᬮᬶᬦ᭄ᬧᬢᬶᬳᬶ
ᬲ᭄ᬮᬸᬮᬸᬢ᭄ᬰᬶᬯᬚ᭄ᬜᬦᬵᬧᬶᬦᬸᬄᬧᬭᭀᬓ᭄ᬦᬶᬂᬧᬭᬫᬵᬲᬶᬦ᭄ᬢ᭄ᬬᬳᬶᬦᬶᬲ᭄ᬢᬶᬧᬶᬦ᭄ᬭᬂᬳ᭄ᬦᬶᬂᬦᬾᬓᬧᬮᭀᬢᬦ᭄ᬢ᭄ᬭᬵ᭞ᬢᬸᬫᬸᬮᬶᬳᬧᬸᬮᬂᬮᬸᬮᬸᬢ᭄ᬦᬸᬗ᭄ᬓᭂᬫᬶᬦ᭄ᬯᬤᬦᬦᬾᬳᬶᬲ᭄ᬢ᭄ᬭᬶᬢ᭄ᬯᬭᬫᬦᬸᬮᬓ᭄ᬢᬸᬬᬸᬄᬩᬳᬦᬾᬓᬮᬵᬲᭀᬦ᭄ᬧᬗ᭄ᬟᬧ
[᭓᭕ 35A]
ᬦᬾᬲᭀᬓ᭄ᬫᬗ᭄ᬕᬧᬸᬓ᭄᭟ᬚᬦᬶᬓᬢᬶᬩᬾᬦ᭄ᬕᬢᬶᬲᬕᬫᬦᬾᬦᬾᬳᬶᬲ᭄ᬢ᭄ᬭᬶᬫᬗᬤᬸᬄᬫᬜ᭄ᬚ᭄ᬭᬶᬢ᭄ᬓᬓ᭄ᬦᬦ᭄ᬲᬂᬲ᭄ᬫᬭᬵᬲᬧᬸᬧᬸᬢ᭄ᬦᬶᬂᬕᬢᬶᬦᬾᬳᬶᬲ᭄ᬢ᭄ᬭᬶᬓᬤᬶᬢᬦ᭄ᬧᬚᬶᬯ᭄ᬯᬵᬕ᭄ᬢᬶᬄᬳᬾᬗ᭄ᬩᭂᬓᬶᬦ᭄ᬓᬲᬸᬃᬳᭂᬗ᭄ᬲᭂᬓ᭄ᬮᬮᬶᬤᬶᬧᬫᬺᬫᬦ᭄ᬓ
ᬢᬹᬗᬾᬕᬶᬧᬶᬄᬫᬜᬳᬸᬧ᭄᭞ᬦᬾᬓᬓᬹᬂᬚᭂᬚᭂᬄᬢ᭄ᬲᬶᬧᬶᬗᬸᬲᬧᬸᬲᬧ᭄ᬲᬵᬃᬯ᭄ᬯᬶᬫᬗ᭄ᬮᬸᬢ᭄ᬗᭂᬮᬸᬢ᭄ᬢᬦ᭄ᬲᬄᬢᬓᬶᬦ᭄ᬳᬗ᭄ᬓᬶᬳᬦᬾᬳᬭᬶᬲ᭄ᬓᬓᭂᬢᭂᬕᬾᬮᬸᬫ᭄ᬩ᭄ᬭᬄᬤᬶᬢᬗ᭄ᬓᬄᬦᬾᬓᬓᬹᬂᬫᬲᬯᬂᬕᬸᬧᬸᬄᬫᬗᭂᬫ᭄ᬩᭂᬂᬬᬾᬄᬫᬢ᭄ᬣᬵᬧᬗ᭄ᬭᬸᬫ᭄ᬭᬸ
ᬫᬾᬫᬗᬺᬋᬫᬶᬄᬥᬸᬄᬤᬾᬯ᭄ᬯᬵᬳᬢ᭄ᬫᬵᬚ᭄ᬯᬶᬢ᭄ᬣᬵᬫᬗ᭄ᬮᬶᬮᬶᬃᬓᬸᬤ᭄ᬟᬵᬤᬾᬯ᭄ᬯᬵᬭᬢᬸ᭞ᬫᬗ᭄ᬮᬶᬮᬶᬃᬫᬗᬸᬲᬸᬤ᭄ᬢᬧᬶᬄᬳ᭄ᬮᬶᬗᬾᬲᬫᬸᬦ᭄ᬲᬤᬗᬦ᭄ᬢᬸᬦᬦ᭄ᬢᬸᬦ᭄ᬦᬾᬓᬓᬹᬂᬕᬸᬧᬸᬄᬭᬭᬶᬲ᭄ᬫᬦᬧᬶᬳᬶᬦ᭄ᬲᬵᬃᬯ᭄ᬯᬶᬫᬓᬵᬓᬯᬶᬦ᭄ᬯᬶᬯᬳᬵᬤᬸᬓ᭄ᬳᬃ
ᬚ᭄ᬚᬸᬦᬦᬾᬫᬢ᭄ᬫᬸᬮᬦ᭄ᬤᬾᬯᬶᬲᬸᬧ᭄ᬭᬪᬵᬰ᭄ᬯᬭᬦᬾᬓᬤᬸᬫᬦᬶᬲ᭄ᬗ᭄ᬫᬸᬫᬥᬸᬤ᭄ᬭᬯᬵᬲᬕᬾᬢ᭄ᬤᬾᬤᬸᬓᬸᬄᬳᬶᬲ᭄ᬢ᭄ᬭᬶᬭᬯᬸᬄ᭟ᬓᬾᬦ᭄ᬓᬾᬦ᭄ᬚᬵᬳᭂᬦ᭄ᬢᭀᬳᬤᬶᬦ᭄ᬘᬳᬶᬳ᭄ᬬᬵᬓ᭄ᬦᬧᬵᬫᬦ᭄ᬢᬸᬦᬾᬲᬯᬸᬃᬓ᭄ᬜᬸᬂᬚᭂᬚᭂᬄᬢᬶᬢ᭄ᬬᬂᬩᬳᬸ
Page:Bali-lontar-gaguritan-tunjung-biru-300ppi.pdf/35
This page has been proofread.
