[᭒᭙ 29B]
᭒᭙
ᬳᬗ᭄ᬲᬶᬓ᭄ᬢᬾᬳᬮᬶᬄᬳᬤᬓᭀᬦᬾᬢ᭄ᬯᬤᬶᬳᬮᬲᬾᬲᬸᬩᬘᬓ᭄ᬮᬸᬓ᭄ᬕᬯᬾᬦᬾᬫᬢᬸᬫᬵᬲᭀᬓ᭄ᬫᬫᭂᬢᭂᬓᬂᬳᬗᬶᬦ᭄ᬫᬳᬸᬫᬄᬬᬵᬤᬶᬢᬗ᭄ᬓᬶᬤᬾᬓᬯᬸᬄᬫᬸᬜᬶᬢ᭄ᬜᬭᬮᬶᬬᬸ᭞ᬳᬧᬚ᭄ᬯᬵᬢᬓᭀᬦᬂᬘᬳᬶᬢ᭄ᬓᬳᬤᬵᬬᬾ
ᬦ᭄ᬮ᭄ᬬᬢᬶᬦ᭄ᬢ᭄ᬯᬄᬲᬸᬳᬸᬂᬳᬗᬶᬂᬤᬶᬗᭂᬄᬮ᭄ᬬᬳᬤᭂᬓᬶᬫᬶᬳ᭄ᬱᬸᬫᬶᬭᬶᬢ᭄ᬫᭂᬩᭀᬲᬃᬯ᭄ᬯᬵᬩᬸᬗᬵᬲᬶᬂᬓ᭄ᬦᭂᬳᬂᬲᬸᬩᬤᬶᬢᬸᬮᬗᬶᬢᬾᬦᬸᬳᬸᬦᬂᬕᬸᬫᬶᬦᬾᬗᬸᬮᬄᬫ᭄ᬦᬾᬓᬦ᭄ᬲᬹᬃᬬ᭄ᬬᬘᬦ᭄ᬤ᭄ᬭᬦᬾᬫᬓᬭᭀᬦ᭄ᬩᬶᬦ᭄ᬢᬗᬾᬤᬶᬢᬸᬢ᭄ᬯᬄᬫᬢᬫ᭄ᬩᬸᬦ᭄᭟
ᬤᬾᬥᬸᬓᬸᬄᬓᬓᬸᬂᬫᬜᬳᬸᬭᬶᬦ᭄ᬫᬫᬦ᭄ᬢ᭄ᬯᬄᬢ᭄ᬓᬵᬤᬶᬢᬸᬩ᭄ᬬᬦᬵᬳᬤᬵᬧᬜ᭄ᬚᬂᬧᬗ᭄ᬭᬱᬦ᭄ᬫᬫᬦ᭄ᬳᬓᬶᬓᬶᬢ᭄ᬧᬾᬢ᭄ᬲᬰᬶᬄᬬᬾᬦ᭄ᬳᬦᬓᬾᬩᬶᬱᬵᬫᬱᬵᬓ᭄ᬟᬶᬓ᭄ᬦᬾᬦᬾᬮᬸᬳᬸᬂᬫᬫᬦ᭄ᬩᭀᬤᭀᬯᬦ᭄ᬢᬄᬩᬯᬓ᭄ᬲᭀᬓ᭄ᬫᬶᬮᬸᬫ
ᬦᬸᬭᬸᬢ᭄ᬧᬬᬸ᭞ᬢᬭᬸᬡᬦᬾᬋᬲᭂᬧ᭄ᬢᬦ᭄ᬲᬶᬧᬶᬲᬳᬸᬃᬲᭂᬫ᭄ᬩᬄᬫᬲᭂᬲᭂᬦ᭄ᬟᬸᬤᬸᬭᬸᬲᬂᬓᬸᬤᬳᬶᬘᬦᬫᬫᬦᬾᬦᬾᬫᬗ᭄ᬓᬶᬦ᭄ᬳᬦ᭄ᬤᬾᬲᬾᬢᬶᬢ᭄ᬬᬂᬤᬶᬦᬕᬭᬵᬲᬢᬢᬵᬗ᭄ᬫᬲᬶᬦ᭄ᬮᭂᬢᬸᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄ᬲᬸᬧᬢ᭄ᬢᬶ
[᭓᭐ 30A]
ᬢ᭄ᬬᬂᬢᬦ᭄ᬫᬯᬮᬶᬫᬦ᭄ᬢᬸᬓ᭄᭟ᬤᬾᬥᬸᬓᬸᬄᬳᬯ᭄ᬮᬲ᭄ᬦᬶᬗ᭄ᬳᬮᬶᬦ᭄ᬧᭀᬮᬄᬢᬭᬸᬡᬦᬾᬓᬮᬸᬮᬸᬢ᭄ᬢᬸᬫᬸᬮᬶᬫᬲᬳᬸᬢ᭄ᬲᬸᬩᬩᬋᬂᬧᬾᬢ᭄ᬤᬶᬦᬶᬓᬸᬢᬂᬦᬾᬲ᭄ᬓᬮᬵᬦᬶᬲ᭄ᬓᬮᬦᬾᬚᬦᬶᬧᬸᬧᬸᬓᬋᬂᬧᬢᬧᬬᬂᬳᬧᬂᬓᬧᬗ᭄ᬕᬶᬄᬲᬗᬶ
ᬬᬂᬤᬾᬦ᭄ᬲᬶᬳᭂᬜᬾᬦ᭄ᬯ᭄ᬦᬗᬵᬘᬳᬶᬢ᭄ᬯᬄᬤᬸᬤᬸᬓ᭄ᬫᬫᬦ᭄ᬫᬫᬦ᭄ᬢᬸ᭞ᬢᬭᬸᬡᬦᬾᬳᬢᬹᬃᬩᬓ᭄ᬢᬶᬲᬸᬭᬸᬧ᭄ᬲᬹᬃᬬ᭄ᬬᬦᬾᬤᬸᬓᬸᬄᬗᬚᬓ᭄ᬫᬦ᭄ᬢᬸᬓ᭄ᬢ᭄ᬓᭂᬤ᭄ᬚᬸᬫᬄᬫᬮᬶᬗ᭄ᬕᬶᬄᬳᬶᬬᬬᬸᬳᬾᬧᭀᬢ᭄ᬫᬲᬕᬶᬲᬫ᭄ᬧᬸᬦ᭄ᬢᬶᬢᬶᬕ᭄ᬕᬵᬢᬸᬫᬸᬮᬶᬗ᭄ᬭᬭᬶ᭠
ᬲ᭄ᬫᬜᭂᬓᬸᬮ᭄ᬤᬾᬥᬸᬓᬸᬄᬦᬾᬳᬶᬲ᭄ᬢ᭄ᬭᬶᬓᬓᬹᬂᬧᬤᬫᬶᬚᬶᬢᬭᬸᬡᬦᬾᬤᬶᬢᭂᬩᬾᬦᬦ᭄ᬲᬫ᭄ᬧᬸᬦ᭄ᬓᬳᬢᬸᬭᬦ᭄ᬫᬜᭂᬓᬸᬮ᭄᭞ᬦᬾᬳᬶᬲ᭄ᬢ᭄ᬭᬶᬲᬸᬓᬵᬗᬃᬱᬦᬶᬦ᭄ᬧᬸᬦᬧᬶᬲᬾᬳᬦ᭄ᬢᭀᬲ᭄ᬢᬶᬢ᭄ᬬᬂᬦᬾᬓᬓᬸᬂᬳᬫᬸᬯᬸᬲ᭄ᬓ᭄ᬫᭀ
ᬓᬾᬜᬳᬶᬧ᭄ᬟᭂᬫᬦᬜᬦᬾᬩ᭄ᬦᬢᬂᬦᬾᬳᬶᬲ᭄ᬢ᭄ᬭᬶᬫᬲ᭄ᬫᬸᬕᬸᬧᬸᬄᬭᬭᬶᬲ᭄ᬗᭀᬚᭀᬕ᭄ᬓᬧᬳᭀᬦ᭄ᬢ᭄ᬓᬳᬲ᭄ᬫᬸᬦ᭄ᬜᬶᬂᬫᬳᬂᬢᬾᬕᬸᬲ᭄ᬢᬶᬫᬲ᭄ᬫᬶᬭᬄᬬᬬᬸᬚᬦᬶᬕᬸᬲ᭄ᬢᬶᬫᬦ᭄ᬭᬸᬲ᭄᭟ᬳᬶᬭᬶᬗᬂᬳᬃᬱᬦ᭄ᬕᬸᬭᬸᬦ᭄ᬜᬳᬶᬲᬸᬩᬵᬤᬵᬜᬓ᭄ᬳᬶ
Page:Bali-lontar-gaguritan-tunjung-biru-300ppi.pdf/30
This page has been proofread.
