[᭑᭙ 19B]
᭑᭙
ᬭᬵᬦᬵᬂᬫᬦ᭄ᬟᬵᬲᬸᬮᬶᬲᬾᬫ᭄ᬧᭀᬮ᭄ᬫᬤᬸᬮᬸᬃ᭟ᬫᬦ᭄ᬟᬮᬶᬓᬕᬥᬸᬂᬓᬲ᭄ᬢᬸᬭᬶᬮᬯᬦ᭄ᬧᬭᬶᬚᬢᬵ᭠ᬤᬮᬶᬫᭀᬯᬦ᭄ᬢᬵᬢ᭄ᬭᬶᬓᬜ᭄ᬘᬸᬢᬦ᭄ᬲᬄᬤᬶᬢᬸᬫᬲᬦ᭄ᬟᬶᬂᬲᭂᬗᬾᬗᬾᬦᬾᬫᬲᬯᬂᬩᬸᬮᬦ᭄ᬰᬗ᭄ᬕᬵᬮᬗᬶᬢᬾᬫ᭠
ᬗᬺᬫ᭄ᬩᬸᬦ᭄ᬧᬾᬮᬾᬢ᭄ᬲᬤᬬᬦᬾᬫᬮᬶᬮᬶᬢ᭄ᬳᬶᬳᬫ᭄ᬧᬾᬮ᭄ᬕᬥᬶᬗᬾᬮᬸᬫ᭄ᬮᬸᬫ᭄᭞ᬫᬵᬃᬕ᭄ᬕᬦᬾᬫᬢᬦ᭄ᬢᬸ᭠ᬦ᭄ᬩᬸᬗ᭄ᬳᬵᬓᬢᭀᬦ᭄ᬫᬳᬸᬦ᭄ᬤᬕ᭄ᬳᬸᬦ᭄ᬟᬕ᭄ᬢᬫ᭄ᬧᬓ᭄ᬩᬾᬮᬦᬾᬳᬸᬮᬧᬸᬮᬧ᭄ᬮᬸᬮᬸᬫᬗᬸᬮᬧᬶᬦ᭄ᬤᬶᬂᬤᬶᬗ᭄ᬳᬗᬶᬦᬾᬩᬸ
ᬓᬵᬜᬫᬵᬭᬚᬲᬦᬾᬳᬸᬮᬢ᭄ᬓᭂᬜᬸᬂᬩᬓᬸᬗᬾᬲᬯᬂᬫᬜᬸᬫ᭄ᬩᬄᬢᬦ᭄ᬲᬄᬳᬢᬸᬭᬾᬥᬶᬕᬸᬭᬸ᭟ᬓᬬᬸᬫᬲ᭄ᬩᬦ᭄ᬓᬬᬸᬫᬸᬭᬂᬗᬾᬫᬚᬚᬃᬲᬯᬂᬫᬗᭀᬭᬳᬂᬬᬾᬦ᭄ᬳᬤᬥᬸᬓᬸᬄᬤᬶᬢᬸᬘ᭄ᬫᬭᬦᬾᬳᬫᭀᬃ
ᬢᬦ᭄ᬲᬄᬳᬗᬶᬦᬾᬫᬲᬸᬭᬓ᭄ᬫᬧᬶᬦ᭄ᬟᬵᬕᬶᬭᬂᬫᬦ᭄ᬟᬸᬮᬸᬳᬦᬓᬾᬩᬕᬸᬲ᭄ᬮᬦ᭄ᬳᬬᬸᬓ᭄ᬟᬶᬲᬫᬜᬧᬵᬲᬸᬦ᭄ᬟᬭᬶᬦᬾᬫᬗᬾᬗ᭄ᬕᬮᬂᬳᬸᬧᬶᬦ᭄ᬳᬗᬶᬦᬾᬳᬸᬮᬸᬦ᭄ᬳᬸᬮᬸᬦ᭄᭞ᬓᬮᬗᭂᬦᬾᬢᬦ᭄ᬲᬶᬦᬶᬧᬶᬬᬾᬦ᭄ᬘᬭᬶᬢᬵ
[᭒᭐ 20A]
ᬓ᭄ᬯᬗᬦ᭄ᬢᬦᬄᬕᬭᬸᬂᬦᬾᬫ᭄ᬯᬦᬶᬳᬫᬸᬯᬸᬲ᭄ᬥᬸᬄᬢᬦ᭄ᬲᬶᬦᬶᬧᬶᬓᬮᬗᭂᬦᬾᬫᬦᬸᬤᬸᬢ᭄ᬘᬶᬢ᭄ᬣᬭᬱᬜᬩᬸᬓᬵᬫᬜᬸᬲᬸᬧ᭄ᬩᬸᬓᬵᬢᭀᬂᬫᬢᬶᬗ᭄ᬕᬮ᭄ᬤ᭄ᬫᭂᬦᬾᬳᬸᬮᬶᬤᬶᬦᬶᬳᬢᬶᬦᬾᬢ᭄ᬯᬭᬵᬫᭂᬤ᭄ᬫᬗᭂᬦᭀᬢ᭄ᬲᬩ᭄ᬭᬦ᭄ᬢᬶᬦᬾᬤ
ᬤᬶᬮᬶᬯᬸᬃ᭞ᬳᬶᬢᬸᬜ᭄ᬚᬸᬂᬧᬸᬢᬶᬄᬳᬗᬸᬘᬧ᭄ᬓᬮᬶᬗᬾᬩ᭄ᬭᬗ᭄ᬢᬶᬢᭀᬂᬮᬶᬧᬸᬃᬳᬤᭂᬦᭂᬦ᭄ᬢᭀᬓᬮᬵᬡᭂᬗᬦ᭄ᬢ᭄ᬓᬫᬦᭂᬫ᭄ᬦᬂᬳᬢᬶᬬᬾᬦ᭄ᬓᬤᬶᬤᬫ᭄ᬧᬶᬂᬧᬳᭂᬓ᭄ᬚᬸᬫᬄᬢᬸᬗ᭄ᬕᬮ᭄ᬩ᭄ᬭᬗ᭄ᬢᬶᬫᬳᬶᬗ᭄ᬮᬶᬧᬹᬃᬓᬧᬗ᭄ᬕᬶᬄᬲᬸᬓᬵᬲᬓᬮᬵᬦᬾᬫ᭄ᬯᬦᬶᬫᬾ
ᬲᭂᬫ᭄ᬢᬲ᭄ᬫᬸᬯᬸᬯᬸᬲ᭄᭞ᬩᬬᬵᬓᬢᭀᬦ᭄ᬢ᭄ᬯᬄᬤᬶᬦᬶᬢᬸᬗ᭄ᬕᬮᬦ᭄ᬦᬾᬦᬾᬓᬮᬗᬸᬦ᭄ᬯᬾᬦ᭄ᬢᭂᬦ᭄ᬓᭀᬫᬮᬶᬄᬍᬗᬶᬗᬦ᭄ᬮ᭄ᬯᬶᬢᬵᬢ᭄ᬓᬾᬦ᭄ᬧᬸᬦᬶᬓᬶᬫᬾᬲᭂᬫ᭄ᬫᬶᬲᬦᬾᬫᬓᬵᬤᬤ᭄ᬯᬧᬾᬢ᭄ᬲᬰᬶᬄᬳ᭄ᬜᬾᬦ᭄ᬢ᭄ᬯᬢᬳᬸᬳᬶᬫ᭄ᬩᭀᬓ᭄ᬩᬾ
ᬦ᭄ᬲᬶᬜᬵᬫ᭄ᬦᬯᬂᬤᬦᬾᬢᬶᬂᬚ᭄ᬦᭂᬓ᭄ᬟᬾᬤᬸᬓᬸᬄ᭟ᬦᬾᬫ᭄ᬯᬦᬶᬫᬲᭂᬫᬦᭀᬮᬶᬄᬫᬸᬜᬶᬦᬾᬳᬮᬸᬲ᭄ᬤᬸᬄᬕᬸᬲ᭄ᬢᬶᬲᬗᬬᬸᬯᬾᬦ᭄ᬢᭂᬦ᭄ᬦᬾᬓᬮᬗᬸᬦ᭄ᬮ᭄ᬯᬶᬳᬦ᭄ᬢᭂᬓᬾᬦ᭄ᬧᬸᬦᬶᬓᬶᬳᬶᬬᬬᬸᬗ᭄ᬮᬾᬦᬂᬳᬢᬶᬦᬾᬫᬲᬯᬂᬓ᭄ᬜᬸᬂᬫ
Page:Bali-lontar-gaguritan-tunjung-biru-300ppi.pdf/20
This page has been proofread.
