[᭑᭖ 16B]
᭑᭖
ᬗᭂᬦ᭄ᬫᬦᬸᬤᬸᬢ᭄ᬳᬢᬶᬧᬲᬶᬲᬶᬦᬾᬓᬢᭀᬦ᭄ᬳᬳᬤ᭄ᬧᬭᬗᬦᬾᬗᭂᬦᬄᬧᬚᬸᬓᬹᬃ᭞ᬳᬸᬮᬢ᭄ᬓᬓᬸᬂᬫᬜᬦ᭄ᬤᬶᬂᬳᬶᬲ᭄ᬢ᭄ᬭᬶᬢᭀᬬᬦᬾᬧᬲᬂᬲᬸᬭᬸᬤ᭄ᬓᬢᭀᬦ᭄ᬫᬮᬶᬧᭂᬢ᭄ᬮᬶᬧ᭄ᬢᬦ᭄ᬩᬸᬓᬗᬭᬲ᭄ᬧᬶᬧᬶᬳ᭄ᬬᬓᬾᬢᬭᬶᬓ᭄ᬧᬓᬵ
ᬜᬩ᭄ᬜᬩ᭄ᬳᬸᬮᬢ᭄ᬗᬚᬓᬶᬦ᭄ᬫᬢᬸᬭᬸᬩᬦ᭄ᬢᬗᬾᬫᬜᬸᬤ᭄ᬳᬜᬸᬤᬦ᭄ᬩᬸᬓᬵᬧᬦᬫ᭄ᬮᬶᬓ᭄ᬦᬾᬢ᭄ᬮᬄ᭞ᬧᬲᬶᬳᬾᬚᬦᬶᬗᭂᬩᭂᬓᬂᬧᬲᬗᬾᬫᬧᬶᬦ᭄ᬟᬮᬦ᭄ᬘᬢ᭄ᬢ᭄ᬓᬵᬳᬮᬸᬦᬾᬫᬸᬫ᭄ᬩᬸᬮ᭄ᬩᬦ᭄ᬢᬗᬾᬕᬸᬮᬓ᭄ᬕᬸᬮᬶᬓ᭄ᬳᬸ
ᬮᬢ᭄ᬦᬾᬳᬶᬲ᭄ᬢ᭄ᬭᬶᬓᬯᬶᬰᬾᬱᬦ᭄ᬓᬳᬫ᭄ᬧᭂᬄᬤᬶᬚ᭄ᬭᭀᬦᬶᬂᬓᬲᬸᬃᬓᬤᬶᬫᬲᬯᬂᬓᬓ᭄ᬦᬦ᭄ᬳ᭄ᬮᭂᬗᬾᬫᬗᬦ᭄ᬢᬸᬦᬦ᭄ᬢᬸᬦ᭄᭟ᬳᭀᬫ᭄ᬩᬓᬾᬕᬸᬫᬸᬭᬸᬄᬫᬦᭂᬫ᭄ᬧᬸᬄᬧᬭᬗᬦ᭄ᬫᬜ᭄ᬘᬃᬫᬲᬯᬂᬱᬗᬹᬭᬲᬜᬫᬗ᭄ᬕ
ᬯᬸᬓ᭄ᬲᬬᬦ᭄ᬫᬢᬶᬦ᭄ᬤᬶᬄᬧᬓ᭄ᬭᬶᬢᬶᬲ᭄ᬫᬳᬶᬭᬶᬩ᭄ᬓᬸᬓᬸᬃᬓ᭄ᬮᬶᬓ᭄ᬮᬓ᭄ᬩᭂᬤᬓ᭄ᬓᭂᬧᬦᬲᬦ᭄ᬳᭂᬜ᭄ᬚᬸᬗᬾᬳᬸᬗ᭄ᬓᬸᬮᬶᬦ᭄ᬚᬸᬭᬸᬂᬮᬩᬸᬄᬫᬦ᭄ᬧᬾᬦ᭄ᬧᬭᬗᬦ᭄ᬳᬸᬮᬢ᭄ᬳᬶᬲ᭄ᬢ᭄ᬭᬶᬳᭂᬗ᭄ᬲᭂᬓ᭄ᬤᬶᬓᬲᬸᬃ᭞ᬩᬸᬮᬸᬗᬾᬓᬫ᭄ᬧᬶᬄᬤᬶᬲᬶᬲᬶ
[᭑᭗ 17A]
ᬓᬧᬦᬲᬦ᭄ᬫᬗ᭄ᬮᬮᬾᬧᬾᬲ᭄ᬫᬸᬮᬬᬸᬓᬍᬲᭀᬦ᭄ᬤᬶᬢᬸᬭᭀᬦ᭄ᬧᬦ᭄ᬟᬦ᭄ᬓᭀᬗᬾᬫᬢᬸᬦ᭄ᬢᬸᬦᬦ᭄ᬩᬸᬗᬦ᭄ᬜᬦᬾᬓᬢᭀᬦ᭄ᬮᬸᬫ᭄ᬮᬸᬫ᭄ᬧᬲ᭄ᬮᬾᬂᬗᬬᬸᬄᬳᬸᬮᬢ᭄ᬩᭂᬓᭂᬓ᭄ᬩᬢᬶᬲ᭄ᬫᬢᬸᬫ᭄ᬧᬂᬢᬶᬳᬶᬂᬕᬥᬶᬂᬮᬶᬮᬶᬢ᭄ᬕᬥᬸᬂᬳᬸ
ᬮᬢ᭄ᬩᬜ᭄ᬘᬂᬫᬕ᭄ᬮᬸᬢ᭄᭟ᬢ᭄ᬓᬵᬳᬗᬶᬦᬾᬲᬸᬫᬶᬮᬶᬃᬮᬗᬶᬢᬾᬫᭂᬦ᭄ᬥᬂᬫᭂᬦ᭄ᬥᬸᬂᬫᬗ᭄ᬫᬸᬚᬯᬸᬄᬳ᭄ᬩᭀᬦ᭄ᬩᬸᬗᬦᬵᬫᬭᬵᬭᬘᬶᬓ᭄ᬲᬯᬂᬗᬦ᭄ᬢᬾᬦ᭄ᬫᬕᬕᬦ᭄ᬟᬦ᭄ᬕᬺᬳᬾᬫᬗᬦ᭄ᬢᬸᬦᬦ᭄ᬢᬸᬦ᭄ᬫᬳᬶᬭᬶᬩ᭄ᬓᬓᬹᬂᬫᬗ᭄ᬭᬸᬫ᭄ᬭᬸᬫ᭄ᬗ
ᬚᬓᬶᬦ᭄ᬫᬓᬭᬲ᭄ᬫᬶᬦ᭄ᬧᬥᬧᬦᬾᬫᬾᬗ᭄ᬕᭀᬓ᭄ᬫᬜᬶᬗ᭄ᬕᬸᬓ᭄ᬲᬸᬗ᭄ᬲᬗᬾᬫᬗᭂᬜ᭄ᬚᬸᬄᬢᬸᬦ᭄ᬥᬸᬦ᭄᭞ᬢᬦ᭄ᬲᬄᬢᬸᬳᬸᬢᬸᬳᬸᬦᬾᬗᬰᬶᬳᬲᬶᬄᬲ᭄ᬬᬗᬾᬫᬗᬶᬤᬸᬗᬶᬤᬸᬂᬢ᭄ᬓᬵᬳᬸᬚᬦᬾᬳᬭᬶᬲ᭄ᬫᬗᬭᬶᬧᬶᬲ᭄
ᬫᬦᬶᬩᬾᬦᬶᬦ᭄ᬩᬸᬗᬦᬾᬓᭂᬫ᭄ᬩᬂᬓᬬᬸᬦᬾᬦᬾᬭᬕᬲ᭄ᬢᬸᬗᬸᬮ᭄ᬕᬶᬭᬂᬩᬸᬓᬵᬲᬸᬓᬵᬦᬶᬗᭂᬄᬓ᭄ᬭᬸᬕᬾᬢᬶᬢᬶᬃᬗ᭄ᬭᬱᬵᬦᬶᬦ᭄ᬚᬦᬶᬫᬳᬵᬤᭀᬦ᭄ᬢᬦ᭄ᬲᬄᬭᬶᬚᬰᬦᬾᬲ᭄ᬫᬸᬓ᭄ᬜᬸᬂ᭟ᬤᬶᬂᬤᬶᬂᬳᬳᬶᬦᬾᬗᬮᬶᬓᬮᬶᬓ᭄᭠
Page:Bali-lontar-gaguritan-tunjung-biru-300ppi.pdf/17
This page has been proofread.
