[᭙ 9B]
᭙
ᬗᬦ᭄᭞ᬲᬂᬯᬲᬸᬧ᭄ᬭᬥᬦᬵᬭᬶᬭᬶᬲ᭄᭞ᬲᬶᬦᬸᬂᬮᬸᬗ᭄ᬕᬸᬄ᭞ᬤᬶᬧᬢᬶᬫᬗ᭄ᬓᬸᬦᬵᬕᬭ᭟ᬦᬾᬳᬶᬲ᭄ᬢ᭄ᬭᬶᬳᬬᬸᬦᬾᬮᬶᬯᬢ᭄᭞ᬢ᭄ᬯᬭᬩᬶᬦᬵᬤᬾᬯᬶᬲᬘᬶ᭞ᬲᬵᬫ᭄ᬧᬸᬦᬺᬓᬾᬓᬮᬧ᭄ᬕᬃᬯ᭄ᬯ᭞ᬓᬚ᭄ᬜᭂᬗᬂᬧ᭄ᬭᬧ᭄ᬭᬫᬶᬰ᭄ᬯᬭᬶ
᭞ᬲᬂᬕᬶᬭᬶᬓᬓᬓᬲᬶᬄ᭞ᬲᬂᬧ᭄ᬭᬪᬸᬳᬾᬕᬃᬭᬶᬂᬓᬬᬸᬦ᭄᭞ᬚ᭄ᬦᭂᬓᬶᬂᬭᬵᬚᬲ᭄ᬫᬵᬭ᭞ᬢᬦ᭄ᬮᬤ᭄ᬭᬳᬶᬦᬵᬯ᭄ᬗᬶ᭞ᬗᬫᭀᬂᬮᬸᬮᬸᬢ᭄᭞ᬫᬓᬭᭀᬦ᭄ᬤᬶᬚ᭄ᬭᭀᬧᬫᬺᬫᬦ᭄᭟ᬓᭀᬘᬧᬳᬶᬤᬲᬂᬦᬵ
ᬱ᭞ᬲ᭄ᬥᭂᬓ᭄ᬫᬩᬩᬸᬭᬸᬳᬗ᭄ᬳᬶᬂ᭞ᬮᬸᬗ᭄ᬳᬦᬾᬢ᭄ᬯᬭᬲᬕ᭄ᬭᬳᬦ᭄᭞ᬲᬂᬕᬶᬭᬶᬓᬤᬶᬧᬸᬭᬶ᭞ᬢ᭄ᬯᬭᬲᬋᬂᬫᬗᬶᬭᬶᬂ᭞ᬢᬦ᭄ᬓᭀᬘᬧ᭄ᬮᬓᬸᬦᬾᬲᬵᬫ᭄ᬧᬸᬦ᭄᭞ᬭᬯᬸᬄᬋᬓᬾᬭᬶᬗ᭄ᬳᬮᬲ᭄᭞ᬲᬂᬧ᭄ᬭ
ᬪᬸᬓᬗ᭄ᬕᭂᬓᬶᬗ᭄ᬳᬢᬶ᭞ᬫ᭄ᬢᬸᬭᬕᬦ᭄᭞ᬫᬾᬮᬶᬂᬢ᭄ᬓᬾᬦ᭄ᬲᬗ᭄ᬕᬶᬭᬶᬓᬵ᭟ᬩᬳᬦ᭄ᬓᬳᬬᭀᬦᬾᬮᬶᬯᬢ᭄᭞ᬲᬬᬂᬲᬦ᭄ᬧᬘᬂᬓᬮᬳᬶᬦ᭄᭞ᬓᬢᭀᬦ᭄ᬭᬚᬰᬦᬾᬓᭂᬫ᭄ᬩᬂ᭞ᬫᬶᬭᬶᬩ᭄ᬮ᭄ᬬᬕᬶ
[᭑᭐ 10A]
ᬲᬶᬕᬶᬲᬶ᭞ᬕᬥᬸᬗᬾᬩᬩᬃᬳᬗᬶᬦ᭄᭞ᬫᬳᬶᬭᬶᬩ᭄ᬧᬢᬜ᭄ᬚᭂᬓ᭄ᬕᬸᬮᬸ᭞ᬚᬮᬦᬾᬫᬗ᭄ᬮᬶᬤᬂ᭞ᬧᬶᬧᬶᬦᬾᬓᬳᬭᬲ᭄ᬢᬶᬢᬶᬭ᭄᭞ᬦ᭄ᬤᭀᬦ᭄ᬳᬶᬦ᭄ᬢᬭᬦ᭄᭞ᬦᬾᬦᬾᬭᬕᬲ᭄ᬓᬧᬦᬲᬦ᭄᭟ᬫᬶᬭᬶᬩ᭄ᬳᬮᬶᬲ᭄ᬫᬗᬺᬗᬹᬯᬂ᭞ᬲᬸᬗᬾᬗᬾᬦᬾ
ᬜᬮᬂᬕᬥᬶᬂ᭞ᬫᬳᬶᬭᬶᬩ᭄ᬫᭀᬯᭀᬗᬸᬦ᭄ᬢᬸᬓᬂ᭞ᬚᬮᬦᬾᬓ᭄ᬭᬸᬫ᭄ᬭᬸᬫᬫᬜᬶᬂ᭞ᬤᬤᬶᬩᬸᬓᬗᬸᬯᬸᬳᬶᬦ᭄᭞ᬲᬗ᭄ᬕᬮᬗᬶᬢᬾᬫᬗ᭄ᬭᬫ᭄ᬩᬸᬦ᭄᭞ᬫᬶᬭᬶᬩᭀᬓ᭄ᬫᬕᬫ᭄ᬩᬳᬦ᭄᭞ᬚᬮᬦᬾᬩᬳᬸᬫᬢᬗᬶ᭞ᬧᬸᬗᬸᬦ᭄
ᬧᬸᬗᬸᬦ᭄᭞ᬭᬲᬜᬦᬕᬶᬄᬧᬸᬲᬸᬗᬂ᭟ᬓᬢᭀᬦ᭄ᬜᬸᬄᬕᬥᬶᬗᬾᬓᭂᬫ᭄ᬩᬃ᭞ᬮᬸᬫ᭄ᬮᬸᬫ᭄ᬜᬮᬂᬩᬸᬓᬵᬜᬗ᭄ᬮᬶᬂ᭞ᬫᬶᬭᬶᬩ᭄ᬲᬸᬲᬸᬓᬓ᭄ᬮᬾᬲᬦ᭄᭞ᬳᬦ᭄ᬢᭂᬗᬫ᭄ᬩᭂᬤᬗ᭄ᬳᬢᬶ᭞ᬢᬳᬶᬂᬕᬥᬶᬗᬾᬤᬦᬶᬦ᭄᭞ᬓ᭄ᬮᬾᬲ᭄ᬓᬸᬧᬓ᭄ᬜᬦᬾ
ᬮᬩᬸᬄ᭞ᬫᬳᬶᬭᬶᬩ᭄ᬭᭀᬲ᭄ᬦᬶᬂᬫᬤ᭄ᬬ᭞ᬧᬸᬲᬸᬄᬩᬓᬸᬗᬾᬫᬳᬶᬭᬶᬩ᭄᭞ᬚ᭄ᬭᬶᬚᬶᬭᬸᬭᬸᬲ᭄᭞ᬫᭂᬧᭂᬲ᭄ᬗᬢᬸᬭᬂᬧᬜᬧᬵ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬳᬸᬮᬗᬸᬦ᭄ᬳᬶᬤᬵᬲᬗ᭄ᬳᬚᬶ᭞ᬢᬦ᭄ᬤᬸᬫᬥᬾᬫ᭄ᬢᬸᬓ
Page:Bali-lontar-gaguritan-sundari-trus-300ppi.pdf/10
Jump to navigation
Jump to search
This page has been proofread.
