[᭖ 6B]
ᬤᭀᬓᬦ᭄᭞ᬕᬶᬕᬶᬲᬸᬩᬭᬸᬕᬄᬭᬕᬶᬄ᭞ᬜᬮᭀᬦ᭄ᬓᬸᬦᬶᬗᬦ᭄᭞ᬜᭀᬜᭀᬮᬾᬧᬾᬓ᭄ᬗᬸᬮᬦ᭄ᬤᬶᬃ᭟ᬧᬶᬢᬸᬯᬶᬳᭂᬦᬸᬩᬚᬂᬫᬗᬬᬂᬗᬬᬂ᭞ᬤᬗ᭄ᬭᬾᬄᬳᬦᬓ᭄ᬫ᭄ᬯᬦᬶ᭞ᬗᬶᬬᭂᬕᬶᬦ᭄ᬤᬶᬚᬮᬦ᭄᭞ᬦᬸᬚᬸᬭᬶᬂᬤᬶᬧᬶᬲᬕ᭞ᬮᬸᬯᬶᬄ
ᬲᬳᬲᬫᬦᬶᬕ᭄ᬢᬶᬕ᭄᭞ᬫᬸᬜᬶᬫᬫᬢ᭄ᬩᬢ᭄᭞ᬦᬕᬶᬄᬫᬗ᭄ᬮᬮᬸᬗᬶᬦ᭄᭟ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬢ᭄ᬯᬭᬩᬶᬲᬚᭂᬗᬄ᭞ᬫᬢᬫᬗᬸᬮᬶᬢ᭄ᬢᬶᬗ᭄ᬓᬄ᭞ᬤᬤᬶᬓᬓᭂᬤᬾᬓᬦ᭄᭞ᬓᬂᬓᬗᬾᬚ᭄ᬯᬤᬾᬳᬾᬗᬂ᭞ᬢᭀᬂᬤᬤᬶᬢᬸᬦᬳᬯᬳᬶ᭞
ᬫᬶᬭᬶᬩ᭄ᬲᬶᬗᬢᬦ᭄᭞ᬕᬢᭂᬮᬾᬫᬗᬸᬭᬶᬂᬳᬸᬭᬶᬂ᭟ᬳᬤᬓᬂᬚᬂᬲᭀᬫᬳᬾᬗᭂᬮᬄᬧᬫᬶᬢ᭄ᬭ᭞ᬓᭂᬩᬸᬲ᭄ᬳᬶᬥᭂᬧᬾᬲᬲᬳᬶ᭞ᬲᬢᬢᬫᬲᬫ᭄ᬩᬂ᭞ᬜᭂᬍᬳᬶᬦ᭄ᬗᬮᬶᬄᬳᭀᬃᬣ᭞ᬤᬶᬧᬶᬲᬕᬲᬸᬩᬚᬢᬶ᭞ᬓ᭄ᬭᭀᬥᬫᬚ
ᬮᬦ᭄᭞ᬳᬗᭂᬦᬶᬳᬦᬾᬤᬳᬲ᭄ᬤᬳᬶᬲ᭄᭟ᬳᬯᬓ᭄ᬗᭂᬢᭀᬃᬧᬸᬲᬸᬂᬓᭂᬮᬾᬲ᭄ᬫᬕᬫ᭄ᬩᬳᬦ᭄᭞ᬗᬩᬩᬸᬗᬓ᭄ᬯᬗᬶ᭞ᬇᬥᭂᬧᬾᬜᬧᬶᬳᬦ᭄᭞ᬫᬸᬮᬶᬄᬗᬶᬩᬸᬓᬂᬜᬫ᭞ᬳᬦᬓᬾᬗᬸᬤᬳᬬᬳᬶᬦ᭄᭞ᬢᭀᬂᬢᬳᬾ
[᭗ 7A]
᭗
ᬜ᭄ᬚᬸᬫᬄ᭞ᬜᬾᬦ᭄ᬩᬦᬶᬧᬤᬶᬤᬶᬳᬶᬦ᭄᭟ᬫᬫᬢᬲ᭄ᬧᬚᬮᬦᬾᬦᬸᬫ᭄ᬩᬓ᭄ᬳᬩ᭄ᬬᬦ᭄᭞ᬤᬧᭂᬢᬂᬳᬦᬓᬾᬫ᭄ᬯᬦᬶ᭞ᬫᬜᬦ᭄ᬤᬶᬂᬧᬫᬶᬢ᭄ᬭ᭞ᬫᬳᬶᬫ᭄ᬩᬸᬄᬳᬶᬫ᭄ᬩᬸᬄᬚᭂᬗᬄ᭞ᬮᬯᬸᬢ᭄ᬦᬢ᭄ᬬᬫᬗᬋᬧᬶᬦ᭄᭞ᬜ᭄ᬮᬾᬫ᭄ᬧᭀᬄᬫᬦᭂᬕᬓ᭄᭞ᬩᭂᬮᬼ
ᬮᬦ᭄ᬧᭂᬲᬸᬫᬸᬜᬶ᭞ᬫᬜᭂᬤᭂᬓᬂᬳᬯᬓ᭄ᬫᬧᬫᬶᬢ᭄ᬳᬧᬶᬲᬦ᭄᭞ᬫᬶᬲᬤ᭄ᬬᬗᬸᬢᬂᬳᬸᬭᬶᬧ᭄᭞ᬫᬫᭂᬕᬢ᭄ᬧᬶᬢᬺᬱ᭄ᬡ᭞ᬬᬤ᭄ᬬᬦ᭄ᬧᬶᬂᬲᬧ᭄ᬢᬩᬭ᭞ᬢᬸᬫᬶᬢᬶᬲ᭄ᬲᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬮᬯᬸᬢ᭄ᬫᬜᬸᬫ᭄ᬩᬄ᭞᭞ᬩᬳᬦ᭄ᬩᬸᬗᬓ᭄ᬯᬗᬶ᭟ᬫ
ᬲᬓ᭄ᬱᬶᬮᬯᬸᬢ᭄ᬫᬗᬩᬓ᭄ᬢᬶᬓᬲᬹᬃᬬ᭄ᬬ᭞ᬫᬳᬢᬸᬃᬳᬗᬲᬶᬄᬳᬲᬶᬄ᭞ᬲᭂᬤᭂᬕ᭄ᬫᭂᬕᬢ᭄ᬫᭂᬕᬢ᭄᭞ᬗᭂᬫ᭄ᬩᭂᬗᭂᬫ᭄ᬩᭂᬂᬬᬾᬄᬫᬢ᭞ᬦᬾᬳᭂᬮᬸᬄᬩᬗᬸᬦ᭄ᬫᬗᭂᬮᬶᬂ᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬜᬸᬚᬸᬃᬮᬯᬸᬢ᭄ᬫᬸᬮᬶᬄ᭟ᬳᬤᬓᬂᬓᬂ
ᬢᬶᬗ᭄ᬓᬄᬩᬩᭀᬢᭀᬄᬧᬗᭂᬤᬗᬦ᭄᭞ᬬᬦᬶᬂᬫᭂᬦᬶᬂᬳᬸᬚᬸᬭᬶᬦ᭄᭞ᬬᬦ᭄ᬓᬮᬄᬲᭂᬮ᭄ᬲᭂᬮᬂ᭞ᬤᬶᬧᭂᬤᭂᬫ᭄ᬢ᭄ᬯᬭᬢᬸᬦᬬᬦ᭄᭞ᬫᬘᬭᬫ᭄ᬭᬲ᭄ᬫ᭄ᬭᬶᬗᬶᬲ᭄᭞ᬫᬦᬕᬶᬄᬳᬸᬧᬄ᭞ᬢ᭄ᬯᬭᬤᬤᬶᬧᬸᬬᬸᬗᬶᬦ᭄
