[᭑ 1B]
᭑
᭚᭐᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭞᭚ᬕᬕᬸᬭᬶᬢᬦ᭄ᬲ᭄ᬢ᭄ᬭᬷᬰᬰᬦ᭟ᬧᬸᬄᬤᬹᬃᬫ᭄ᬫ᭞ᬲᬵᬫ᭄ᬧᬸᬭᬬᬂᬫᬸᬜᬶᬩᬮᬶᬢᭂᬫ᭄ᬩᬂᬤᬹᬃᬫ᭄ᬫ᭞ᬲᬓᬶᬂᬧᬗ᭄ᬓᬄᬫᬗᬯᬶ᭞ᬫᬗᬶᬓᭂᬢ᭄ᬘᬭᬶᬢ᭞ᬢᬦᬶᬦᬯᬂᬩᬩᬲᬦ᭄᭞ᬲᭀᬓ᭄ᬧᭀᬗᬄᬧ
ᬘ᭄ᬗ᭄ᬓᭂᬤᬾᬓᬶᬦ᭄᭞ᬰᬵᬲ᭄ᬢ᭄ᬭᬩᬸᬭᬶᬘᬓ᭄᭞ᬧᬸᬧᬸᬳᬾᬲᬮᬄᬕᭂᬦ᭄ᬤᬶᬂ᭞ᬫᬫᬹᬃᬡ᭄ᬦᬬᬂᬫᬦᬄᬓᬢᬶᬦ᭄ᬤᬶᬳᬦ᭄ᬮᬭ᭞ᬗᭂᬩᭂᬓᬶᬦ᭄ᬢᬦᬄᬮᬗᬶᬢ᭄᭞ᬲᬢᬢᬧ᭄ᬭᬧᬜ᭄ᬘ᭞ᬢᬸᬯᬶᬢᬦ᭄ᬧᬮᬶᬧᬸᬭᬦ᭄᭞ᬚᬩᬦᬶᬂᬳᬸᬘᬧᬦ᭄ᬳᬚᬶ᭞
ᬳᬗ᭄ᬕᬾᬦ᭄ᬧᬫᬹᬃᬡ᭄ᬦ᭞ᬭᬵᬲᬢᭀᬂᬳᬤᬫᬮᬶᬄ᭟ᬰᬵᬲ᭄ᬢ᭄ᬭᬧᬯᬭᬄᬦᬕᬯᬵᬦ᭄ᬓᬫᬡ᭄ᬥᬓ᭞ᬭᬶᬂᬰᬶᬰ᭄ᬬᬦᬶᬭᬲᬫᬶ᭞ᬩ᭄ᬯᬣᬶᬲ᭄ᬢ᭄ᬭᬷᬰᬰᬦ᭞ᬬᬢ᭄ᬦᬗᬫᭀᬂᬰᬭᬷᬭ᭞ᬓᬧᬲᬸᬓᬦ᭄ᬲᬂᬳ᭄ᬬᬂᬭᬢᬶᬄ᭞ᬢᬶᬦᬹᬢ᭄ᬩ᭄ᬭᬳ᭄ᬫ
ᬢ᭄ᬬ᭞ᬧᬧᬦᬶᬂᬤᬤᬶᬳᬶᬲ᭄ᬢ᭄ᬭᬷ᭟ᬓ᭄ᬭᬡᬚᬦᬶᬧᬢᬶᬩ᭄ᬭᬢᬦᬾᬚᬮᬦᬂ᭞ᬳᬧᬂᬫᬢᬾᬚᬲᬳᬶ᭞ᬜᬧᬸᬄᬤᬰᬫᬮ᭞ᬫᬗᬸᬦ᭄ᬕᬸᬡᬦᬶᬂᬳᬯᬓ᭄᭞ᬧᬹᬃᬡ᭄ᬦᬫᬢᬶᬍᬫ᭄ᬳᬩᬺᬱᬶᬄ᭞ᬫᬫᬢᬹᬢ᭄ᬧᬳ᭄ᬬᬲ᭄᭞ᬦ᭄ᬭ
[᭒ 2A]
᭒
ᬧᬂᬲᬃᬯ᭄ᬯᬯᬶᬯᬗᬶ᭞ᬫᬶᬦᬓᬤᬶᬜᬮᬸᬓᬂᬫᬦ᭄ᬢ᭄ᬭᬓᬳᬶᬲ᭄ᬢ᭄ᬭ᭄ᬬᬦ᭄᭞ᬫᬧᬮᬤᬺᬫᬦ᭄ᬩᬗ᭄ᬓᬶᬢ᭄᭞ᬳᬸᬢᬫᬦᬶᬓᬾᬦ᭄ᬤᬺᬦ᭄᭞ᬳᬬᬸᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬧᬸᬧᬸᬮᬦ᭄ᬲᬃᬯ᭄ᬯᬫᬡᬓ᭄᭞ᬫᬗ᭄ᬤᬾᬧ᭄ᬭᬧᬜ᭄ᬘ᭞ᬢᬭᬸᬩᬩᬸᬤᬸᬄᬧᬮᬶᬂ᭟ᬳᬧ
ᬦ᭄ᬚᬢᬸᬓ᭄ᬭᬫᬢᭀᬤᬤᬶᬧᭂᬮᬶᬳᬂ᭞ᬰ᭄ᬭᬸᬢᬶᬢ᭄ᬬᬂᬧᬰᬸᬧᬢᬷ᭞ᬳᬶᬮᬸᬄᬫᬵᬯᬓ᭄ᬩᬸᬗ᭞ᬩᬯᬸᬫᬦᭂᬥᭂᬂᬓᭂᬫ᭄ᬩᬂ᭞ᬗᬮᬾᬬᭀᬗᬫ᭄ᬧᭂᬳᬂᬳᬗᬶᬦ᭄᭞ᬧᬦᭂᬤᭂᬂᬓᬧᬢ᭄᭞ᬫᬶᬬᬶᬓᬾᬗᭂᬩᭂᬓᬶᬦ᭄ᬕᬸᬫᬶ᭟ᬳᬸᬭᬸᬡᬦᬾᬫᬳ
ᬯᬓ᭄ᬢᬫ᭄ᬩᬸᬮᬶᬮᬶᬗᬦ᭄᭞ᬢᬦ᭄ᬫᬭᬶᬗᬮᬶᬄᬫᬶᬬᬶᬓ᭄᭞ᬗᬶᬲᭂᬧ᭄ᬲᬭᬶᬦ᭄ᬩᬸᬗ᭞ᬳᬲᬶᬂᬳᬲᬶᬂᬩᬸᬯᬸᬫᭂᬓᬃ᭞ᬬᭀᬕ᭄ᬬᬫᬫᬶᬮᬶᬄᬫᬶᬮᬶᬳᬶᬦ᭄᭞ᬳᬲᬶᬂᬩᬚᬗᬦ᭄᭞ᬚᬗ᭄ᬓᬸᬢᬶᬦ᭄ᬲᬳᬶᬲᬳᬶ᭟ᬢᬶᬗ᭄ᬓᬳᬶᬂᬓᬃᬫ᭄ᬫᬧᬶᬮᬶ
ᬳᬶᬂᬤᬾᬯᬰ᭞ᬳᬦᬹᬢᬂᬢᭂᬓᬾᬦ᭄ᬰᬰᬶᬄ᭞ᬭᬶᬂᬓᬮᬦᬶᬂᬓᬱ᭞ᬓᬢᬸᬚᬸᬫᬧᬳᬸᬫᬳᬦ᭄᭞ᬫᬧᬮᬫᬦᬓᬦ᭄ᬫᬳᬶ᭞ᬭᬸᬲᬓ᭄ᬤᬶᬩᬲᬂ᭞ᬯᬶᬱ᭄ᬬᬦᬶᬂᬳᬭᬶᬳᬭᬶ᭟ᬬᬦ᭄ᬭᬶᬂᬰᬰᬶᬄᬓᬭᭀᬧᬸᬭᬸᬕ᭄ᬫᬢᬸᬫᬳᬦ᭄᭞
