[ ᭕ 5B]
᭕᭞
ᬗᭂᬫ᭄ᬩᭂᬂᬳᬸᬮᬵ᭞ᬲᬶᬭᬵᬢ᭄ᬫᬬᬦᬾᬗᬾᬤᬦᬶᬦ᭄᭞ᬍᬃᬳᬓᬸᬲ᭄ᬩᬸᬓᬵᬢᬸᬮᬶᬲ᭄᭞ᬧᬗᬭᬲᬦ᭄ᬢᭂᬓ᭄ᬢᭂᬚ᭄ᬓᭂᬫ᭄ᬧᬸᬃ᭞ᬕᬤᬶᬂᬫᬕᬢ᭄ᬭᬳ᭄ᬫᬵᬲ᭄᭞ᬳᬸᬗᬲᬦ᭄ᬫᬫᬸᬤᬓ᭄ᬲᬭᬶ᭞ᬰ᭄ᬭᬶᬦᬵᬣᬤᬾᬯᬶᬮᬶᬲ᭄ᬫᬕᬸᬮᬸᬗᬦ᭄ᬳᭀᬫ᭄ᬩᬓ᭄
᭟ᬳᬸᬦ᭄ᬢᬸᬦᬾᬫᬗᬮᬧ᭄ᬚᬶᬯ᭄ᬯ᭞ᬧᬸᬢᬶᬄᬜᬮᬂᬩᬸᬓᬵᬫᬡᬶᬓ᭄᭞ᬲᬶᬂᬗᭂᬦᭀᬢ᭄ᬳ᭄ᬬᬂᬫᬕᭂᬍᬓᬦ᭄᭞ᬲ᭄ᬤᭃᬗ᭄ᬲᬾᬭᬾᬢ᭄ᬢᭀᬳᬶᬦ᭄ᬫᬢᬶ᭞ᬓ᭄ᬫᬶᬓᬦᬾᬩᬲ᭄ᬫᬦᬶᬲ᭄᭞ᬫᬳᬶᬭᬶᬩ᭄ᬗᭂᬘᬸᬳᬶᬦ᭄ᬫᬥᬸ᭞ᬯᭀᬂᬤᬾᬱᬦᬾᬫᬓ᭄ᬚᬂ᭞
ᬍᬂᬍᬂᬜᬸᬗᭂᬂᬮᬶᬂᬮᬸᬧᬮᬶᬂᬫ᭄ᬓᬧᬶᬮᬸᬮᬸᬢ᭄ᬫ᭄ᬜᬸᬓᬵᬓ᭄ᬦᬳᬸᬧᬲ᭄ᬫᬤ᭄ᬥᬃ᭟ᬳᬸᬧᬫᬶᬜᬭᬢᬶᬄᬓᭂᬫ᭄ᬩᬃ᭞ᬭᬭᬶᬲ᭄ᬫᬶᬚᬶᬮ᭄ᬫᬓᬓᬮᬶᬄ᭞ᬫᬧᬗᬶᬭᬶᬂᬧ᭄ᬳᬂᬤᬰᬵ᭞ᬗᬩᬃᬫᬓᬫ᭄ᬩᭂᬦ᭄ᬢᭀᬲ᭄ᬓᬸᬦᬶᬂ᭞ᬫᬢᬗ᭄ᬓᬮᬸᬂᬧ᭄ᬮᬗᬶ᭞ᬫᬘᬘᬸ
ᬦ᭄ᬤᬸᬓ᭄ᬓᬬᬸᬲᬶᬦ᭄ᬤᬸᬓ᭄᭞ᬧᬦᬸᬯᬦᬾᬭᬶᬗᬃᬱᬵ᭞ᬳᬍᬧ᭄ᬧᬳ᭄ᬬᬲᬾᬭᬲ᭄ᬧᬢᬶ᭞ᬫᬩ᭄ᬭᬶᬬᬸᬓ᭄ᬳᬦᬸᬢ᭄ᬢᭂᬓᬾᬦ᭄ᬧᬘᬦᬗᬦ᭄᭟ᬓᬗ᭄ᬕᭂᬓ᭄ᬳᬶᬚᬾᬗ᭄ᬕᭂᬮᬃᬫᬮᬶᬬᬢ᭄᭞ᬢᬗ᭄ᬓᭂᬚᬸᬢ᭄ᬗᬾᬓᬢᬂᬩ᭄ᬤᬶᬮ᭄᭞ᬫᬜᬫ᭄ᬧᬶᬂᬮᬯᬸ
[ ᭖ 6A]
ᬢᬮᬶᬗᬦ᭄᭞ᬫᬦᭂᬳᭂᬦ᭄ᬧᬋᬓᬦ᭄ᬘᭂᬦᬶᬓ᭄᭞ᬳᭂᬳᭂᬲ᭄ᬫᬭᬱᬵᬫᬢᬶ᭞ᬤᬤᬶᬮᬮᬶᬬᬢᬾᬮᬸᬭᬸ᭞ᬬᬾᬦ᭄ᬳᬯᬲ᭄ᬮᬯᬸᬢ᭄ᬧᬃᬡ᭄ᬦᬵ᭞ᬲ᭄ᬩᭃᬗ᭄ᬳᬵᬩᬸᬓᬵᬜᭀᬘᬧᬶᬦ᭄᭞ᬭᬢᬸᬳᬬᬸᬤᬸᬄᬳᬶᬤ᭄ᬥᬵᬮᬗ᭄ᬳᬵᬓ᭄ᬚᭂᬳᬵ᭟ᬓᬾᬦ᭄ᬓᬾ
ᬦ᭄ᬳᬶᬃᬤᬵᬳᬶᬭᬶᬢᬶᬢ᭄ᬬᬂ᭞ᬦᬾᬩᬸᬗ᭄ᬳᬕᬧ᭄ᬕᬧᬦ᭄ᬫᭂᬤ᭄ᬥᬶᬮ᭄᭞ᬓᬾᬢᭀᬭᬲᬜᬲ᭄ᬩᭃᬗᬵ᭞ᬜᬭᬾᬭᬾᬩᬸᬓᬵᬫᬯᬗ᭄ᬲᬶᬢ᭄᭞ᬯ᭄ᬯᬂᬚ᭄ᬭᭀᬦᬾᬧᬥᬧᬮᬶᬂ᭞ᬓᬢᬜ᭄ᬚᬸᬂᬤᬤᬶᬜᬳᬸᬦᬸᬓ᭄᭞ᬕᬶᬕᬶᬳᭂᬦ᭄
ᬜᬾᬦ᭄ᬲᬶᬄᬳᭂᬦ᭄ᬢᭀ᭞ᬩᬕᬸᬲᬾᬢᬦ᭄ᬲᬶᬧᬶᬲᬶᬧᬶ᭞ᬢ᭄ᬓᬮᬶᬫᬸᬄᬓ᭄ᬦᭂᬄᬳ᭄ᬬᬗᬾᬫᬮᬶᬬᬢ᭄᭟ᬯ?ᬳᬲ᭄ᬢᬸᬳᬜᬕᬶᬭᬂᬳᬚᬓᬦ᭄᭞ᬕᬸᬲ᭄ᬢᬶᬳᬬᬸᬫᬜᬶᬗᬓᬶᬦ᭄᭞ᬤᬤ᭄ᬬᬜᬫᬧᬧᬲ᭄ᬮᬶᬬᬢ᭄᭞ᬓ᭄ᬜᭂᬫ᭄ᬳᬶᬚᬾᬗ᭄ᬕᭂ
ᬮᬃᬫᬢᬗ᭄ᬓᬶᬲ᭄᭞ᬫᬧᬶᬗᭂᬜ᭄ᬚᬸᬳᬂᬩ᭄ᬤᬶᬮ᭄᭞ᬓᬧ᭄ᬭᬡᬦ᭄ᬓ᭄ᬦᭂᬳᬾᬮᬶᬗ᭄ᬮᬸᬂ᭞ᬳᬢ᭄ᬫᬵᬦᬾᬩᬸᬓᬵᬚᬭᬄ᭞ᬍᬗᭂᬄᬮᬶᬫᬸᬄᬧᬭᬚᬦᬶ᭞ᬤᬤᬶᬜᭀᬗ᭄ᬓᭀᬓ᭄ᬗᬸᬦ᭄ᬢᬸᬓ᭄ᬫᬦᭀᬮᬶᬄᬧᬋᬓᬦ᭄᭟ᬳᬢ᭄ᬫᬵᬦᬾ
Page:Bali-lontar-gaguritan-smara-ratih-300ppi.pdf/6
Jump to navigation
Jump to search
This page has been proofread.
