[ ᭔᭗ 47B]
᭔᭗᭞
ᬦᬾᬓᭀᬘᬧ᭄᭞ᬫᬤᬦ᭄ᬳᬶᬩᬚ᭄ᬭᬚ᭄ᬜᬦᬵ᭞ᬩᬚᬂᬩᬕᬸᬲ᭄ᬩ᭄ᬯᬶᬦ᭄ᬭᬶᬭᬶᬄ᭞ᬧᬋᬓ᭄ᬗᬧᬹᬃᬬ᭄ᬬᬂ᭞ᬢᬦ᭄ᬧᬯ᭄ᬓᬲ᭄ᬫᬗ᭄ᬭᬭᬶᬲ᭄᭟ᬫᬗᬋᬧᬂᬫᬳᬢᬹᬃᬫᭂᬧᭂᬲ᭄ᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬢᬹᬃᬧᬶᬳᬸᬦᬶᬂ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬬᬸᬤᬦᬾᬭᬫᭂ
ᬲ᭄ᬧᬶᬲᬦ᭄᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓᬤᬶᬫᬗ᭄ᬓᬶᬦ᭄᭞ᬘᭀᬓᭀᬃᬳᬶᬤᬾᬯ᭞ᬮᬸᬗ᭄ᬳᬵᬧᬘᬂᬗ᭄ᬭᬯᭀᬲᬶᬦ᭄᭟ᬢ᭄ᬮᬲ᭄ᬤᭂᬓ᭄ᬤᭂᬓ᭄ᬓᬳᬸᬮᬦᬾᬩᬾᬘᬾᬓ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬲᬫᬶᬧ᭄ᬭᬚᬸᬭᬶᬢ᭄᭞ᬲᬂᬧ᭄ᬭᬪᬸᬳᬾᬃᬫᬹᬓᬵ᭞ᬭᬭᬶᬲ᭄ᬳᬶᬤᬵᬦ᭄ᬤᬯᬸᬳᬂ᭞
ᬫᬗ᭄ᬤᬾᬫᬫᬵᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬳᬶᬓᬂᬗᬲᬾᬩᬵ᭞ᬓᬩᬸᬤᬮᬂᬧ᭄ᬭᬚᬦᬶ᭟ᬗᭂᬩᬸᬕ᭄ᬓᬸᬮ᭄ᬓᬸᬮ᭄ᬫᬤᬾᬂᬤᬾᬂᬬᬩᬸᬓᬵᬩ᭄ᬮᬄ᭞ᬢᬦ᭄ᬧ᭄ᬕᬢ᭄ᬳ᭄ᬬᬫᬫᬸᬜᬶ᭞ᬓᬸᬮ᭄ᬓᬸᬮᬾᬫᬶᬤᭂᬳᬦ᭄᭞ᬫᬦᬶᬫ᭄ᬩᬮ᭄ᬲᬮᬾᬂᬢᬶᬫ᭄ᬩᬮ᭄᭞ᬲᬯᬯᭂᬗ᭄ᬓᭀᬦ᭄ᬧᬃᬯ᭄ᬯ
ᬚ᭄ᬬᭀᬢᬶ᭞ᬳᭀᬃᬢ᭄ᬣᬦᬾᬮᬸᬫ᭄ᬩ᭄ᬭᬄ᭞ᬕ᭄ᬩᬸᬃᬗᭂᬩ᭄ᬓᭂᬦ᭄ᬕᬸᬫᬶ᭟ᬳᭂᬫ᭄ᬧᭂᬢ᭄ᬧᬶᬲᬦ᭄ᬲᬶᬓᭂᬧᬾᬧᬤᬲᬬᬕᬵ᭞ᬢ᭄ᬯᬭᬩᬓᬣᬶᬫ᭄ᬧᬲᬶᬦ᭄᭞ᬲᬫ᭄ᬩᭂᬦ᭄ᬫᬩ᭄ᬬᬬᬸᬯᬦ᭄᭞ᬓᬤᬶᬕᭂᬦ᭄ᬢᬸᬄᬢᬦ᭄ᬧ᭄ᬕᬢ᭄᭞ᬓᭂᬲᭂᬮ᭄ᬤᬶᬩᬜ᭄ᬘᬶᬗᬄᬗᬦ᭄ᬢᬶ᭞ᬫᬵ
[ ᭔᭘ 48A]
ᬲᭀᬭᬾᬄᬲᭀᬃᬯᬦ᭄᭞ᬓᬤᬶᬕᬸᬦᬸᬗᬾᬢᬶᬢᬶᬅ᭄᭟ᬓᬲᬶᬭᬢᬰ᭄ᬭᬷᬭᬚᬵᬲᬹᬃᬬ᭄ᬬᬵᬳᬾᬃᬫᬹᬓᬵ᭞ᬯᬸᬲ᭄ᬫᬲᬳᬶᬦᬦ᭄ᬭᬭᬶᬲ᭄᭞ᬫᬶᬚᬶᬮ᭄ᬓᬩᬜ᭄ᬘᬶᬗᬄ᭞ᬲᬺᬕᭂᬧ᭄ᬧᬭᬧᬸᬗ᭄ᬕᬯᬵ᭞ᬧᬳ᭄ᬬᬲᬾᬮ᭄ᬯᬶᬃᬳᬸᬓᬶᬃᬳᬱ᭄ᬝᬶ᭞ᬯ᭄ᬬᬢᬭᬳᬤᬵ᭞ᬮ᭄ᬬᬸ
ᬦ᭄ᬜᬦᬾᬦᭂᬫ᭄ᬩᬗ᭄ᬲᬶᬢ᭄᭟ᬫᬕ᭄ᬢᭂᬭᬦ᭄ᬕᬸᬫᬶᬦᬾᬕᬾᬕᬾᬃᬫᬸᬭᬳᬦ᭄᭞ᬳᬾᬯᬃᬕ᭄ᬮᬸᬧ᭄ᬭᬚᬦᬶ᭞ᬚᬮ᭄ᬫᬦᬾᬓᭀᬘᬧ᭄᭞ᬧᬤᬫᬕᬮᬶᬬᬸᬭᬦ᭄᭞ᬩᬸᬓᬵᬓᬬᬸᬩᬩᬃᬳᬗᬶᬦ᭄᭞ᬳᭂᬫ᭄ᬧᬮ᭄ᬫᭀᬬᭀᬤᬦ᭄᭞ᬘ᭄ᬭᬶᬢᬕᬸᬲ᭄ᬢᬶᬧᬶᬦᬢᬶᬄ
᭟ᬫᬫᬸᬮᬗ᭄ᬲᬃᬫᬳᬸᬬᬂᬢᬹᬃᬫᬗᬼᬍᬦ᭄ᬢᬓ᭄᭞ᬩᬦ᭄ᬳᬶᬩᬸᬓᬾᬢᬦ᭄ᬲᬶᬧᬶ᭞ᬓᬦ᭄ᬢᬸᬩᬸᬲᬦ᭄ᬩᬸᬲᬦ᭄᭞ᬳ᭄ᬮᬶᬗᬾᬩᬸᬓᬵᬲᬸᬭᬵᬓ᭄᭞ᬳᬸᬯᬸᬕ᭄ᬳ᭄ᬬᬤᬶᬓᬭᬗ᭄ᬢᬲ᭄ᬢᬶ᭞ᬩᬦᬾᬓᬳᭀᬃᬢ᭄ᬣᬵ᭞ᬩᬦ᭄ᬕᬸᬲ᭄ᬢᬶᬦ᭄ᬜᬦᬾᬓᬦᬶᬦ᭄᭟
ᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬫᬕᬶᬲᬶᬦᬕᬶᬄᬫᬫᬵᬃᬕ᭄ᬕᬵ᭞ᬮ᭄ᬯᬲ᭄ᬧᬘᬂᬫᬗᬮᬶᬄ᭞ᬳᭀᬓᬦ᭄ᬤᬦᬾᬓᭀᬘᬧ᭄᭞ᬧᬜ᭄ᬚᬓᬵᬧᬤᬢ᭄ᬓᬵ᭞ᬫᬩᬺᬤ᭄ᬧᬤᬓᬧᬸᬭᬶ᭞ᬢᬦ᭄ᬧᬧ᭄ᬕᬢᬦ᭄᭞ᬲᬳᬵᬲᬶᬓᭂᬧ᭄ᬳ᭄ᬬᬢᬶᬢᬶᬩ᭄᭟ᬳᬤᬗ᭄ᬮᬶᬂᬧᬤᬳᬶ
Page:Bali-lontar-gaguritan-smara-ratih-300ppi.pdf/48
Jump to navigation
Jump to search
This page has been proofread.
