[ ᭒᭙ 29B]
᭒᭙᭞
ᬭᬾᬄᬧᬦᬶᬢᬳᬶᬂᬯᬶᬤ᭄ᬥᬶ᭟ᬤᬸᬄᬫ᭄ᬦᭂᬂᬭᬢᬸᬫᬲ᭄ᬫᬶᬭᬄ᭞ᬳ᭄ᬜᬾᬦ᭄ᬲᬬᬂᬫᬶᬳᬶᬓ᭄ᬜᬗ᭄ᬮᬸᬄᬢᬦ᭄ᬲᬶᬧᬶ᭞ᬫᬢᬶᬢ᭄ᬬᬂᬳᬦᬓᬕᬸᬂ᭞ᬩᬸᬓᬵᬗᬶᬧᬶᬭᬲᬜ᭞ᬦᭂᬓᭂᬢ᭄ᬧᬶᬧᬶᬦᬾᬫ᭄ᬮᬄᬢ᭄ᬓᬲᬶᬂᬜᬗ᭄ᬮᬸᬄ᭞ᬳᬭᬄᬧᬮᬶᬂᬭᬢᬸᬢ᭄ᬬᬂ᭞ᬦᬄᬲᬬᬂ
ᬩᬳᬂᬳᬓᬶᬓᬶᬢ᭄᭟ᬳᬭᬄᬢ᭄ᬯᬬᬸᬅ᭄ᬫᬢᬶᬢ᭄ᬬᬂ᭞ᬗᬸᬤᬵᬮᬶᬫᬸᬄᬓᬍᬗᭃᬃᬢ᭄ᬬᬂᬤᬤᬶ᭞ᬫᬢᭂᬫ᭄ᬧᬸᬄᬓᬾᬦ᭄ᬳᬦᬓᬕᬸᬂ᭞ᬗᬸᬤᬵᬓᬾᬦᬾᬭᬲᬜ᭞ᬭᬲᬦ᭄ᬓᭂᬦᭂᬄᬢ᭄ᬬᬗᬾᬢᭀᬂᬤᬤᬶᬢᬸᬮᬸᬂ᭞ᬳᬩᬤᬶᬦ᭄ᬭᬢᬸᬳᬾᬗ᭄ᬕᬮᬂ᭞ᬧᬶᬢᬸ
ᬮᬸᬲ᭄ᬭᬢᬸᬲ᭄ᬯᬾᬘᬦᬶᬦ᭄᭟ᬮᬯᬸᬢ᭄ᬳ᭄ᬬᬓᬧᬭᬶᬓᭀᬱᬵ᭞ᬢᬦ᭄ᬓᬘᬧᬵᬧᭀᬮᬳᬾᬲᬶᬮᬶᬄᬲᬶᬮᬶᬄ᭞ᬧᬦ᭄ᬲᭀᬢᬦᬶᬂᬚᬬᬾᬂᬧᬗ᭄ᬭᬸᬲ᭄᭞ᬯᬕᭂᬤᬶᬂᬓᬭᬲᬶᬓᬦ᭄᭞ᬦᬄᬢᬶᬸᬘ᭄ᬭᬶᬢᬬᬂᬳᬶᬩᬶᬦ᭄ᬤᬵᬃᬚᬦᬶᬫᬗ᭄ᬭᬸᬫ᭄ᬭᬸᬫ᭄᭞ᬗᬩᬶ
ᬦ᭄ᬗᭂᬮᬸᬢ᭄ᬗᬭᬲ᭄ᬳᬭᬲ᭄᭞ᬧ᭄ᬲᬸᬫᬸᬜᬶᬓᬯ᭄ᬮᬲᬰᬶᬄ᭟᭐᭟᭚᭜᭚ᬓᬵᬳᬸᬫᬫ᭄ᬩᬂ᭝ᬫᬶᬭᬢᬸᬫᬵᬲ᭄ᬫᬘᭂᬧᭀᬮ᭄ᬓᭀᬢ᭄ᬬᬂᬚᬦᬶ᭞ᬳᬭᬄᬳᬭᬄᬫᬶᬭᬄ᭞ᬫᬢᬶᬗᬤᭂᬓ᭄ᬩᭀᬫᬶᬳᬶᬓ᭄᭞ᬳᬭᬸᬄᬮᬶᬫᬸᬄᬭᬢᬸᬢ᭄ᬬᬂ
[ ᭓᭐ 30A]
᭟ᬳᬭᬄᬗᬸᬤᬵᬓᬾᬦᬾᬤ᭄ᬯᬾᬢᬾᬜᬓᬶᬢᬶᬦ᭄᭞ᬬᬾᬭᬢᬸᬫᬵᬲ᭄ᬫᬶᬭᬄ᭞ᬲᬶᬋᬧ᭄ᬳᬦᬓᬕᬸᬂᬳᬶᬲ᭄ᬢ᭄ᬭᬶ᭞ᬫᬶᬭᬢᬸᬤᬾᬯᬦ᭄ᬧᬫᬺᬫᬦ᭄᭟ᬢᬸᬬᬂᬧᬮᬶᬂᬩ᭄ᬬᬂᬫᬭᬵᬗᭂᬦᭀᬢ᭄ᬕᬸᬲ᭄ᬢᬶ᭞ᬲᬶᬂᬤᬤᬶᬢᬸᬗ᭄ᬓᬲᬂ᭞ᬭᬢᬸᬦᬾᬫᬓ᭄ᬭᬡᬧᬮᬶᬂ
ᬢᬸᬮᬸᬂᬢ᭄ᬬᬂᬭᬢᬸᬩᬸᬮᬦ᭄᭟ᬳᬸᬱᬤᬦᬶᬦ᭄ᬓᬾᬦᬾᬢ᭄ᬬᬂᬲᬓᬶᬳᬢᬶ᭞ᬢᭀᬂᬤᬤᬶᬢᬳᬦᬂ᭞ᬓ᭄ᬩᬸᬲ᭄ᬩᬳᬂᬩᬸᬓᬵᬕᬸᬮᬶᬂ᭞ᬗ᭄ᬭᬦᭂᬳᬶᬦ᭄ᬓᭂᬦᭂᬳᬾᬳᬸᬲᬓ᭄᭟ᬬᬦ᭄ᬢᬦ᭄ᬭᬢᬸᬗᬸᬲᬤᬦᬶᬦ᭄ᬢ᭄ᬬᬂᬫᬗ᭄ᬓᬶᬦ᭄᭞ᬫᬾᬄᬳᬯᬦᬶᬦ᭄ᬢ᭄ᬬᬂ᭞ᬲᬓᬶᬢ᭄ᬩᬸᬤᬸᬄ
ᬳᬸᬬᬂᬧᬮᬶᬂ᭞ᬫᬫᬸᬮᬶᬲᬄᬓ᭄ᬩᬸᬲ᭄ᬩᬳᬵᬂ᭟ᬬᬦ᭄ᬳᬦ᭄ᬭᬢᬸᬜᬸᬧᬢ᭄ᬧᬶᬢ᭄ᬭᬓᬲ᭄ᬬᬕᬶᬄ᭞ᬤᬶᬢᬫ᭄ᬩ᭄ᬭᬕᭀᬫᬸᬓᬵ᭞ᬗ᭄ᬕᭂᬮᬵᬕᭂᬮᬵᬲᬳᬶᬲ᭄ᬤᬶᬄ᭞ᬬᬦ᭄ᬢᬦ᭄ᬳᬶᬤᬵᬤᬸᬭᬸᬲ᭄ᬳᬶᬘᬵ᭟ᬗᬗ᭄ᬕᬾᬦ᭄ᬧᬜ᭄ᬚᬓ᭄ᬲᬗ᭄ᬲᬭᬵᬯ᭄ᬓᬲᬶᬦ᭄ᬲᬓᬶᬢ᭄᭞ᬲᬓᬶᬢ᭄ᬓ
ᬭᬳᬢᬦ᭄᭞ᬢᭀᬂᬲᬶᬤ᭄ᬥᬵᬩᬳᬦ᭄ᬗᬸᬩᬤᬶᬦ᭄᭞ᬭᬢᬸᬢ᭄ᬯᬄᬫ᭄ᬭᬕᬵᬉᬱᬤ᭄ᬥᬵ᭟᭐᭟᭚ᬲᬶᬦᭀᬫ᭄᭝ᬫᬾᬄᬭᬢᬸᬫᬵᬰᬢ᭄ᬫᬵᬚᬶᬯ᭄ᬯᬵ᭞ᬳᬶᬗ᭄ᬕᬶᬄᬭᬢᬸᬫᬢᬗᬶ᭞ᬘᬶᬗᬓ᭄ᬧᬋᬓᬦᬾᬢ᭄ᬓᬵ᭞ᬗᬳᬸᬮᬵᬗᬢᬸ
Page:Bali-lontar-gaguritan-smara-ratih-300ppi.pdf/30
Jump to navigation
Jump to search
This page has been proofread.
