[ ᭒᭒ 22B]
᭒᭒᭞
ᬫᬗᭂᬜ᭄ᬚᬶᬳᬂᬲᬸᬭᬢ᭄᭞ᬢ᭄ᬓᬾᬦ᭄ᬳᬶᬦᬵᬕᬲᬭᬶ᭞ᬳᬶᬲᬸᬮᬰᬶᬄᬧᬤᬵ᭞ᬳᬦᬸᬢ᭄ᬓᬾᬦ᭄ᬤᬸᬮᬸᬭᬦ᭄᭞ᬩᬸᬗ᭄ᬓᬸᬗᬾᬫᬗ᭄ᬕᭀᬦ᭄ᬳᬶᬢᬸᬦᬶ᭞ᬫᬶᬯᬄᬓᬾᬦ᭄ᬳᬫ᭄ᬩᬃ᭞ᬩᬋᬂᬚ᭄ᬩᬤ᭄ᬓᬲ᭄ᬢᬸᬭᬶ᭟ᬫᬤᬸᬮᬸᬭᬦ᭄ᬚᬶᬦᬵᬃᬳᬤᬧ᭄ᬢᬂᬤᬰᬵ᭞ᬳᬶ
ᬬᬳᬶᬦᬕᬲᬭᬶ᭞ᬓᬩᬳᬂᬮᬮᬶᬫᬵ᭞ᬩᬋᬂᬳᬚᬓᬵᬤᬤ᭄ᬯ᭞ᬫᬚᬮᬦ᭄ᬩᬋᬂᬓᬧᬸᬭᬶ᭞ᬢ᭄ᬓᭂᬤᬶᬚ᭄ᬭᭀᬯᬦ᭄᭞ᬫᬩ᭄ᬮᬲᬦ᭄ᬳ᭄ᬬᬂᬚᬦᬶ᭟ᬓᬘᬭᬶᬢᬳᬶᬩᬶᬦ᭄ᬤᬃᬗ᭄ᬮᬯᬸᬢ᭄ᬫᬸᬮ᭄ᬬᬦ᭄᭞ᬳᬶᬮᬸᬓᬵᬃᬫᬜᬧᬢᬶᬦ᭄᭞ᬲ᭄ᬯᬾᬧᬶᬲ
ᬦ᭄ᬧᬶᬲᬦ᭄᭞ᬓᭂᬜᭂᬫ᭄ᬤᬤᬶᬳᬶᬩᬶᬦ᭄ᬤᬃ᭞ᬳ᭄ᬬᬂᬦᬸᬗᭂᬜ᭄ᬘᬦᬶᬦ᭄ᬢᬸᬮᬶᬲ᭄᭞ᬯᭀᬂᬲᬸᬦᬦ᭄ᬢᬭᬵ᭞ᬳᬤᬓᬺᬱᭂᬄᬳᬓᬶᬓᬶᬢ᭄᭟ᬗ᭄ᬳᬶᬂᬳᬶᬲᬶᬜᬳᭂᬧᬓᬾᬫᬋᬧ᭄ᬓᬩᬗ᭄ᬲᬮ᭄᭞ᬳᬶᬚᬾᬗ᭄ᬕᭂᬮᬃᬗᬯᬗ᭄ᬲᬶᬢᬶᬦ᭄᭞ᬩᬳᬦ᭄ᬓᬢ
ᬘᬶᬳ᭄ᬦᬵ᭞ᬤᬾᬦᬶᬂᬲᬸᬩᬜᬤ᭄ᬬᬬᬂ᭞ᬦᬸᬦ᭄ᬤᬾᬦᬂᬬᬳᬶᬲᬸᬮᬲᬶᬄ᭞ᬳᬶᬦᬵᬕᬲᬭ᭄ᬬᬵ᭞ᬲᬸᬩᬵᬳ᭄ᬜᬓ᭄ᬜᬮᬦᬶᬦ᭄᭟ᬧᬸᬧᬸᬢ᭄ᬲᬸᬩᬵᬓᬓᭂᬜ᭄ᬘᬦᬾ ᬫᬓᬢ᭄ᬣᬘᬶᬡ᭄ᬦᬵ᭞ᬳᬶᬮᬸᬓᬵᬃᬫᬦᬓᭀᬦᬶᬦ᭄᭞ᬯᬶᬓᬦ᭄
[ ᭒᭓ 23A
ᬧᬶᬲᬦ᭄ᬧᬶᬲᬦ᭄᭞ᬭᬢᬸᬫᬓᬢᬘᬶᬳ᭄ᬦᬵ᭞ᬳᬾᬫᭂᬃᬢᬶᬢ᭄ᬬᬂᬫᬫᬶᬭᬕᬶ᭞ᬬᬦ᭄ᬧᬃᬡ᭄ᬦᬦ᭄ᬢᬶᬢ᭄ᬬᬂ᭞ᬲᬢ᭄ᬦᬶᬗᭂᬄᬫᬸᬜᬶᬦ᭄ᬓᭂᬤᬶᬲ᭄᭟ᬮᬯᬸᬢ᭄ᬓᭂᬤᬾᬓ᭄ᬳᬶᬩᬶᬦ᭄ᬤᬃᬜ᭄ᬚᬸᬚᬸᬄᬳᬶᬮᬸᬓᬵᬃ᭞ᬫᬳᬶᬓᬾᬫᬺᬫ᭄ᬤᬶᬦᬶ᭞ᬩᬋᬂᬗᬚᬓ᭄ᬢ᭄ᬬᬂ
᭞ᬕ᭄ᬮᬸᬢ᭄ᬓᬾᬢ᭄ᬬᬂᬩᬧᬓ᭄᭞ᬳᬧᬦ᭄ᬧᬺᬘᬶᬳ᭄ᬦᬦᬶᬂᬳᬰᬶᬄ᭞ᬲᭀᬢᬦᬶᬂᬢ᭄ᬬᬂ᭞ᬢᬸᬫ᭄ᬩᬾᬦ᭄ᬩᬋᬂᬓᬾᬦ᭄ᬕᬸᬲ᭄ᬢᬶ᭟ᬧᬤᬫᬺᬫ᭄ᬫᬗ᭄ᬭᬯᭀᬲ᭄ᬳᬫ᭄ᬮᬤ᭄ᬧ᭄ᬭᬡᬵ᭞ᬲᭀᬮᬳᬶᬂᬧᬤᬫᬦᬶᬲ᭄᭞ᬫᬕᬸᬮᬵᬕᬸᬮᬬᬦ᭄᭞ᬤᬤᬶᬩ᭄ᬯᬶᬦ᭄ᬳᬸᬘᬧᬂ᭞ᬳᬶ
ᬦᬵᬕᬲᬭᬶᬓᬧᬸᬭᬶ᭞ᬫᬫᬓ᭄ᬢᬵᬲᬸᬭᬢ᭄᭞ᬜᬭᬸᬮ᭄ᬬᬦ᭄ᬗ᭄ᬭᬭᬶᬲ᭄᭟ᬭᬢᬸᬳᬬᬸᬅ᭄ᬓᬮᬶᬄᬫᬢᬓᭀᬦ᭄ᬤᭂᬲᭂᬓᬂ᭞ᬩᬶᬄᬫᬳᬦ᭄ᬦᬕᬲᬭᬶ᭞ᬗ᭄ᬭᬯᭀᬲ᭄ᬓᬾᬦ᭄ᬳᬶᬕᬦᬮ᭄᭞ᬳᬶᬦᬵᬕᬲᬭᬶᬜᬸᬫ᭄ᬩᬄ᭞ᬩᬋᬂᬢ᭄ᬓᬾᬦ᭄ᬳᬶᬲᬸᬮ
ᬰᬶᬄ᭞ᬢᬶᬢ᭄ᬬᬂᬓᭂᬲᬾᬗᬦ᭄᭞ᬳᬦ᭄ᬢᬸᬓ᭄ᬭᬓᬦ᭄ᬳᬶᬕᬸᬲ᭄ᬢᬶ᭟ᬳᬶᬧᬸᬱ᭄ᬧᬓᬵᬳᬶᬦᬸᬦ᭄ᬬᬦ᭄ᬫᬗᬺᬋᬄᬢᬶᬢ᭄ᬬᬂ᭞ᬭᬓᬦ᭄ᬘᭀᬓᭀᬃᬳᬶᬕᬸᬲ᭄ᬢᬶ᭞ᬗᬦ᭄ᬢᭀᬲ᭄ᬭᬶᬂᬩᬜ᭄ᬘᬶᬗᬄ᭞ᬢᬶᬢ᭄ᬬᬂᬓᬳᬶᬘᬾᬦ᭄ᬲᬸᬭᬢ᭄᭞ᬓᬧᬗᬦ᭄ᬳᬶᬓᬬᬂᬫᬗ᭄ᬓᬶ
Page:Bali-lontar-gaguritan-smara-ratih-300ppi.pdf/23
Jump to navigation
Jump to search
This page has been proofread.
