[ ᭑᭘ 18B]
᭑᭘
ᬤᭀᬲ᭄ᬚᬸᬭᬸ᭞ᬫᬜᬧᬸᬳᬂᬮᬭᬭᭀᬕ᭞ᬫᬦᬶᬃᬣᬳᬶᬦ᭄᭞ᬳᬦ᭄ᬢᬸᬓ᭄ᬢᭀᬬᬦᬾᬫᬩᬶᬓᬲ᭄᭟᭕᭟ᬭᬶᬂᬓᬸᬫ᭄ᬪᬫᬤᬕᬶᬂᬲᬫ᭄ᬲᬫ᭄᭞ᬩᬶᬚᬓᬸᬦᬶᬗᬾᬢᬦ᭄ᬫᬭᬶ᭞ᬧᬸᬱ᭄ᬧᬫ᭄ᬯᬃᬡ᭄ᬦᬲᬫ᭄ᬧᬸᬦ᭄ᬳᬯᭀᬃ᭞ᬫᬸᬜ᭄ᬘᬸᬓ᭄ᬤᬧ᭄ᬤᬧ᭄ᬕᬮᬂ
ᬫ᭄ᬧᬸᬦ᭄᭞ᬓᬩᬺᬱᬶᬳᬶᬦ᭄ᬢᬸᬃᬓᬮᬸᬓᬢ᭄᭞ᬓᬘᬾᬥᬳᬶᬦ᭄᭞ᬫᬭᬶᬂᬰᬶᬯᬲᭂᬗ᭄ᬕᬸᬤᬮᬂ᭟᭖᭟ᬩᭀᬬᬓᬾᬲᬫ᭄ᬧᬸᬦ᭄ᬫᬭᬭᬤᬦ᭄᭞ᬍᬢᬸᬄᬦᬭᬦᬾᬲᬫ᭄ᬫᬶ᭞ᬲ᭄ᬯᬢᭂᬓᬾᬫᬢᬶᬃᬢ᭄ᬣᬋᬓᭀ᭞ᬓᬮᬸᬓᬢ᭄ᬭᬶᬂᬤᬮᬂᬲᭂᬗ᭄ᬕᬸ᭞ᬓᬮᬶᬄᬢᬶᬃᬢ᭄ᬣ
ᬦ᭄ᬳᬶᬤᬰᬶᬯ᭞ᬫᬶᬯᬄᬤᬾᬦᬶᬂ᭞ᬳᬦ᭄ᬢᬸᬓ᭄ᬢᭀᬬᬦ᭄ᬲᬂᬪᬹᬚᬗ᭄ᬕ᭟᭗᭟ᬫᬜᬯᬶᬲ᭄ᬳᬶᬤᬧᬭᬡ᭄ᬥ᭞ᬳᭂᬤᬓᬭᬶᬫᬗᬸᬕᭀᬦᬶᬦ᭄᭞ᬓᬮᬧ᭄ᬭᬕᬢ᭄ᬲᬸᬩᬓᬾᬢᭀ᭞ᬳᬤᭀᬄᬬᬧᬘᬗᬮᬸᬳᬸᬂ᭞ᬓᭂᬘᬧ᭄ᬯᬾᬥᬦᬾᬤᬶᬯᬵᬬ᭞ᬩ᭄ᬯᬢ᭄
ᬫᭂᬦᬳᬶᬦ᭄᭞ᬓᬮᬶᬂᬓᬾᬢᭀᬬᬳᬩᬳᬩᬵᬩ᭄᭟᭘᭟ᬳᬶᬤᭂᬧᬂᬲᬸᬩᬓᬮᬸᬓᬢ᭄᭞ᬭᬕᬦ᭄ᬜᬦᬾᬓᬓᭂᬢᬶᬲᬶᬦ᭄᭞ᬲᬶᬭᬫᬶᬦ᭄ᬬᬳᬦ᭄ᬢᬸᬓ᭄ᬢᭀᬬ᭞ᬬᬾᬄᬤᬶᬲᬗ᭄ᬓᬸᬳᬗ᭄ᬕᭀᬦᬸᬭᬸᬄ᭞ᬳᬫ᭄ᬩᬶᬮᬂᬬᬾᬄᬫᬭᬶᬂᬢᬸᬓᬤ᭄᭞
[ ᭑᭙ 19A]
ᬲᬚᬩᬺᬲᬶᬄ᭞ᬓᬸᬮᬶᬢ᭄ᬭᬕᬦᬾᬤᬶᬚᬩ᭟᭙᭟ᬳᬄᬤᬸᬭᬬᬦ᭄ᬲᬦᬾᬧᬚ᭞ᬩᬬᬸᬦ᭄ᬜᬦᬾᬩᬶᬱᬩᬺᬲᬶᬄ᭞ᬤᬾᬦᬶᬂᬢᬸᬲᬶᬂᬳᬚᬓ᭄ᬗᭀᬫᭀᬂ᭞ᬓᬸᬚᬂᬗᭀᬮᬄᬳᬦᬾᬤᬶᬢᬸ᭞ᬫᬫᬺᬲᬶᬳᬶᬦ᭄ᬓᭂᬦᭂᬄᬳᬦᬓ᭄᭞ᬳᭂᬥᬜᬤᬶᬦ᭄᭞
ᬲᬓ᭄ᬱᬢ᭄ᬓᭂᬩᭀᬫᬮᬾᬫ᭄ᬧᭀᬗᬦ᭄᭟᭑᭐᭟ᬮᬫᬸᬦ᭄ᬲᭂᬦᭂᬂᬓᬧᬶᬦ᭄ᬢᭂᬫ᭄ᬩᬂ᭞ᬜᬦ᭄ᬤᬂᬳᭂᬦ᭄ᬢᭀᬕᬸᬕᬸᬦᭂᬦᬶᬂ᭞ᬰᬶᬫᬜ᭄ᬚᬕᬢ᭄ᬦ᭄ᬢᭀᬳᬤᬦ᭄ᬜ᭞ᬢᬸᬮᬾᬦ᭄ᬬᬳᬗ᭄ᬕᭀᬦ᭄ᬧᬢᬓᬸᬢ᭄᭞ᬳᬶᬫᬤᬾᬭᬭᬶᬲ᭄ᬫᬦᬗ᭄ᬕᬮ᭄᭞ᬳᬯᭀ
ᬢ᭄ᬲᬭᬶ᭞ᬓᬦ᭄ᬢᬸᬦ᭄ᬓᬫ᭄ᬩᬂᬫᬦᬄᬭᬸᬫ᭄ᬩᬂ᭟᭑᭑᭟ᬧᬸᬧᬸᬄᬓᬸᬫᬫ᭄ᬩᬂ᭟ᬳᬶᬦᬧ᭄ᬭᬡ᭄ᬥᬫᬯᬘᬡᬦᬾᬲᬸᬚᬢᬶ᭞ᬦᬂᬦᬶᬗᬾᬓᬫᬸᬮᬦ᭄᭞ᬳᭂᬦ᭄ᬢᭀᬘᭂᬦᬶᬂᬧᬶᬓᬸᬓᬸᬳᬶᬦ᭄᭞ᬗᭂᬫ᭄ᬧᬸᬭᬕᬦᬾᬲᬢᬢ᭟᭑᭟ᬲᬫ᭄ᬧᬸᬦ᭄ᬢᬫᬢ᭄ᬤᬕᬶᬂᬜᬓ᭄ᬭᬗ᭄ᬲᬸ
ᬓᬂᬲᬫᬶ᭞ᬳᬶᬫᬥᬾᬜᬯᬶᬢ᭄᭞ᬭᬶᬂᬮᬶᬗ᭄ᬕᬸᬄᬳᬶᬤᬲᬂᬦᬪᬶ᭞ᬦᬵᬭᬶᬂᬕᬸᬦᬸᬂᬘᬶᬢ᭄ᬭᬓᬸᬢ᭟᭒᭟ᬓᬘᬭᬶᬢᬮᬸᬄᬮᬸᬢᬸᬂᬦᬾᬦᬾᬫᬗ᭄ᬓᬶᬦ᭄᭞ᬭᬶᬂᬚᬕᬢ᭄ᬫᬬᬸᬭ᭞ᬢᬦ᭄ᬫᬭᬶᬬᬲᭂᬤᬶᬄᬓᬶᬓᬶᬂ᭞ᬓᬢᬶᬗ᭄ᬕᬮᬦ᭄ᬫᬾᬫᬾᬩᬧ᭟᭓᭟
