[᭑᭓ 13B]
᭑᭓
ᬫᬧᬶᬮᬶᬄ᭞ᬳᬦᬹᬢ᭄ᬧᬫᬃᬕ᭄ᬕᬶᬦᬶᬂᬢᬶᬃᬢ᭄ᬢ᭞ᬰᬶᬯᬦᬾᬮᬾᬤᬂᬫᬫᬸᬧᬸᬢ᭄᭞ᬩᬶᬮᬂᬧᬗ᭄ᬕᭂᬮ᭄ᬦᬸᬯᬸᬃᬰᬶᬯ᭞ᬗᬯᬾᬤᬋᬦ᭄᭞ᬳᬧᬂᬳᬬᬸᬦᬾᬓᬃᬬ᭄ᬬᬦᬂ᭟ᬧᬗ᭄ᬭᬶᬯᬶᬦᬾᬧᬩᬺᬲᬶᬳᬦ᭄᭞ᬗᬲ᭄ᬓ
ᬭᬅᬢ᭄ᬫᬦ᭄ᬲᬂᬫᬢᬶ᭞ᬓᬢᬧᬓ᭄ᬫᬭᬶᬂᬳᬤᭂᬕᬦ᭄᭞ᬓᬤᬶᬫᬺᬲᬶᬳᬶᬦᬓ᭄ᬳᬶᬤᬸᬧ᭄᭞ᬳᬧᬂᬲᬸᬯᬸᬤ᭄ᬫᬤᬦ᭄ᬚᬢ᭄ᬫ᭞ᬯᬸᬲ᭄ᬫᬩᬺᬲᬶᬄ᭞ᬤᬤᬶᬤᬾᬯᬳ᭄ᬬᬂᬧᬶᬢᬭ᭟ᬇᬓᬯᬯᬸᬯ᭄ᬦᬂᬲᭂᬫ᭄ᬩᬄ᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬫ
ᬮᬲᬫᬶ᭞ᬓᬵᬲ᭄ᬓᬭᬳᬦ᭄ᬢᬸᬓ᭄ᬧᬤᬡ᭄ᬟ᭞ᬬᭀᬕᬶᬰ᭄ᬯᬭᬦᬾᬫᬫᬸᬧᬸᬢ᭄᭞ᬲᬸᬩᬓᬳᬶᬘᬾᬦ᭄ᬓ᭠ᬥᬃᬫ᭄ᬫᬦ᭄᭞ᬫᬤ᭄ᬯᬶᬚᬢᬶ᭞ᬓ᭄ᬭᬦᬓᬲᬫ᭄ᬩᬢ᭄ᬤᬾᬯᬢ᭟ᬯᬶᬭᬾᬄᬤᬸᬓ᭄ᬫᬢᬶᬧᬸᬦᬶᬓ᭞ᬢᬶᬩᬭᬶᬂᬧᬧᬲᬂ
ᬫᬢᬶ᭞ᬓ᭄ᬭᬦᬧᬬᬓᬳᬸᬘᬧ᭄᭞ᬤᬸᬭᬸᬂᬢ᭄ᬮᬲ᭄ᬓᬯᬶᬳᬶᬧᬸᬦ᭄᭞ᬓᬯᬄᬗᬮᬶᬧᬸᬢ᭄ᬭᬶᬗᬯᬓ᭄᭞ᬫᬯᬓ᭄ᬤ᭄ᬓᬶᬮ᭄᭞ᬓ᭄ᬭᬦᬘᬸᬯᬶᬮ᭄ᬬᬲᬗᬢ᭄ᬫ᭟ᬪᬸᬢᬘᬸᬯᬶᬮ᭄ᬳᬶᬦᬭᬦᬦ᭄᭞
[᭑᭔ 14A]
ᬚᬦᬶᬫᬭᬓᬉᬢ᭄ᬧ᭄ᬢᬶ᭞ᬳᬦ᭄ᬢᬸᬓ᭄ᬳᬶᬤᬬᭀᬕᬶᬰ᭄ᬯᬭ᭞ᬓᬭᬾᬦᬬᬂᬓᬭᬬᬸᬦ᭄᭞ᬇᬓᬫᬵᬤᬦ᭄ᬅᬢ᭄ᬫᬩᬦ᭄ᬤ᭞ᬓᬩᬺᬲᬶᬳᬶᬦ᭄᭞ᬓᬮᬸᬓᬢ᭄ᬢᬸᬃᬓᬲᬫ᭄ᬲ᭄ᬓᬭ᭟ᬓᬢᭂ
ᬩᬲᬶᬦ᭄ᬓᬯᬶᬰᬬᬦ᭄᭞ᬲᬉᬮᬄᬮᬓᬸᬦᬾᬇᬦᬶ᭞ᬫᬦᬶᬲ᭄ᬢᬫᬥ᭄ᬬᬉᬢ᭄ᬢᬫ᭞ᬤᭀᬱᬦᬾᬤᬸᬓ᭄ᬳ᭄ᬬᬸᬳᬶᬤᬸᬧ᭄᭞ᬲᬫᬶᬧᬥᬢᬶᬦᭂᬩᬲᬦ᭄᭞ᬢ᭄ᬓᬾᬂᬧᬢᬶ᭞ᬫᬢᬶᬢᬦ᭄ᬫᬵᬦᬹᬢᬶᬂᬕᬫ
᭟ᬢ᭄ᬮᬲ᭄ᬧᬫᬦᬾᬲᬗᬢ᭄ᬫ᭞ᬲᬢᬸᬲ᭄ᬧᬢᬓᬦᬾᬲᬫᬶ᭞ᬢᬲᬓ᭄ᬧᬶᬦᬶᬦ᭄ᬩᬳᬦ᭄ᬤᬾᬯ᭞ᬳ᭄ᬬᬂᬕᬶᬭᬶᬦᬵᬣᬧᬸᬦᬶᬓᬸ᭞ᬧ᭄ᬭᬚᬧᬢᬶᬲᬹᬃᬬ᭄ᬬᬰᬶᬯ᭞ᬯᬢᭂᬓ᭄ᬋᬱᬶ᭞ᬲᬫᬶᬧᬤᬳᬲᬸᬂᬦᬸᬕ᭄ᬭᬳ᭟ᬦ
ᬗᬶᬂᬳᬓᬾᬄᬧᬗ᭄ᬕᬶᬄᬢᬶᬢ᭄ᬬᬂ᭞ᬢᬶᬗ᭄ᬓᬳᬾᬓᬤᬶᬳᬶᬭᬶᬓᬶ᭞ᬳᬶᬧᬸᬦ᭄ᬧᬢᭂᬄᬉᬘᬧᬶᬂᬓᬃᬬ᭄ᬬ᭞ᬧᬢᭂᬄᬧᬩᬺᬲᬶᬳᬦ᭄ᬓᬯᬸᬯᬸᬲ᭄᭞ᬬᬤᬶᬦ᭄ᬳᬶᬦ᭄ᬤᬶᬓ᭄ᬉᬧᬓᬭ᭞ᬧᭂᬧᭂᬓ᭄ᬱᬫᬶ᭞ᬤᬤᭀᬲ᭄ᬧᬸ᭠
Page:Bali-lontar-gaguritan-sipta-agama-350ppi.pdf/14
Jump to navigation
Jump to search
This page has been proofread.
