[᭑᭓ 13 B]
᭑᭓᭞ᬫᬧᬶᬫᬩᬶᬱᬦᬶᬦ᭄᭞ᬧᬂᬲᬵᬫ᭄ᬧᬸᬦ᭄ᬲᬂᬕᬸᬭᬸᬩᭂᬡ᭄ᬥᬸ᭞ᬗᬃᬤ᭄ᬥᬶᬓᬶᬭᬂᬧᬲᬸᬯᬾᬘ᭄ᬙ᭞ᬢᬸᬃᬢᬸᬮᬄᬧᬘᬂᬦᬶᬩᬾᬦᬶᬦ᭄᭞ᬗᬯᬾᬩᬸᬯᬸᬂ᭞ᬉᬢ᭄ᬢᬫᬦᬾᬓᬩᬓᬢᬂ᭚ᬳᭂᬤᬦᬗ᭄ᬥᬳᭂᬤᬩᬶᬂ
ᬩᬂ᭞ᬗᬸᬕᬸᬯᬭᬄᬲᬂᬳ᭄ᬬᬂᬅᬚᬶ᭞ᬬᬤᬶᬦ᭄ᬯᬭᬄᬧᬕᬸᬭᬸᬯᬦ᭄᭞ᬬᬦ᭄ᬓᬾᬢᭀᬢᭂᬧᭂᬢ᭄ᬭᬶᬂᬳᬢᬶ᭞ᬳᭂᬦ᭄ᬢᭀᬧᬗᬸᬕᬸᬲᬸᬚᬢᬶ᭞ᬧᭀᬮᭀᬲ᭄ᬓᭂᬤᬲ᭄ᬧᬸᬢᬶᬄᬫᬸᬮᬸᬲ᭄᭞ᬚᬢᬶᬤᬶᬚᬩᬤᬶ
ᬚᭂᬭᭀ᭞ᬳᭂᬦ᭄ᬢᭀᬗᬯᬶᬦᬂᬲᬂᬳ᭄ᬬᬂᬯᬶᬤ᭄ᬥᬷ᭞ᬢ᭄ᬯᬭᬲᬦ᭄ᬢᬸᬮ᭄᭞ᬫᬦᬶᬯᬓᬂᬧᬦᬸᬕ᭄ᬭᬳᬦ᭄᭚ᬲᬪᬸᬣᬤᬾᬯᬫᬵᬦᬸᬱ᭞ᬢᭀᬂᬳᬤᬬᭀᬕᬲᬵᬫᬥᬶ᭞ᬬᬾᬦ᭄ᬳᬫᭂᬃᬣᬦᬾᬲᬶ
ᬤ᭄ᬥᬩᬓᬢ᭄᭞ᬦᬾᬫᬢᬶᬲᬶᬤ᭄ᬥᬫᬉᬭᬶᬧ᭄᭞ᬲᬗ᭄ᬓᬦ᭄ᬗᭂᬫᭂᬃᬢᬂᬤᬶᬳᬢᬶ᭞ᬦᬾᬢ᭠ᬢᭂᬮᬸᬳᬧᬂᬓᬸᬫ᭄ᬧᬸᬮ᭄᭞ᬇᬤᭂᬧ᭄ᬩᬬᬸᬮᬦ᭄ᬰᬭᬷᬭ᭞ᬭᬶᬂᬳᬚ᭄ᬜᬦᬫᬗ᭄ᬤᬾᬦᬸᬗ᭄ᬕᬶᬮ᭄᭞ᬯᬸᬲ᭄ᬫᬧᬸ
[᭑᭔ 14 A]
ᬦ᭄ᬤᬸᬄ᭞ᬳᬚ᭄ᬜᬡᬦᬾᬯᬲ᭄ᬢᬸᬘᭂᬥᬂ᭚ᬫᬢᭂᬫᬄᬲᬂᬳ᭄ᬬᬂᬑᬗ᭄ᬓᬭ᭞ᬫᬭᬕᬕᬭᬸᬥᬰᬓ᭄ᬢᬶ᭞ᬰᬭᬷᬭᬦᬾᬤᬤᬶᬳᬶᬗᬦ᭄᭞ᬢ᭄ᬯᬭᬩᬳᬢ᭄ᬫᬗᭀᬩᭂᬢᬶᬦ᭄᭞ᬩᬸᬤ᭄ᬥᬶᬇᬤᭂᬧ᭄ᬢᬸᬢᬸᬢ᭄ᬫᬲᬶᬳ᭄᭞
ᬭᬶᬂᬰᬭᬷᬭᬢ᭄ᬯᬭᬗᬤᬸᬓ᭄᭞ᬤᬤᬶᬕᬦ᭄ᬢᬲ᭄ᬢᬦ᭄ᬩᬭᬾᬗ᭄ᬓᬢ᭄᭞ᬫ᭄ᬭᬱᬧᬳᭂᬓ᭄ᬦᬾᬓᬳᬮᬶᬳ᭄᭞ᬳᬧᬦ᭄ᬤᬶᬢᬸ᭞ᬦᬾᬗᬮᬶᬄᬮᬦᬮᬶᬄᬢᬸᬗ᭄ᬕᬮ᭄᭚ᬦᬾᬫᬵᬯᬓ᭄ᬰᬶᬱ᭄ᬬᬧᬲᬚ᭞ᬰᬩ᭄ᬥᬦ᭄ᬕᬸᬭᬸᬓ
ᬧᬶᬢᬶᬡ᭄ᬥᬶᬄ᭞ᬩᬵᬦ᭄ᬫᬦᬄᬭᬯᭀᬲ᭄ᬮᬦ᭄ᬳᬯᬓ᭄᭞ᬢᬦ᭄ᬧᬗᬾᬢᬂᬩᬬᬧᬢᬶ᭞ᬦᬾᬳᬾᬮᬄᬫᬶᬯᬄᬦᬾᬲᬸᬓᬶᬮ᭄᭞ᬧᬢᬸᬥᬸᬄᬕᬸᬭᬸᬧᬸᬦᬶᬓ᭞ᬲᬫᬶᬫᬵᬯᬓ᭄ᬧᬦᬸᬕ᭄ᬭᬳᬦ᭄᭞ᬲᬗ᭄ᬓ
ᬦ᭄ᬓᭂᬢᬶᬮ᭄ᬤᬤᬶᬫᬸᬭᬶᬤ᭄᭞ᬳᬧᬦ᭄ᬢᬓᬸᬢ᭄᭞ᬫᬶᬯᬄᬲᬗ᭄ᬲᬬᬫᬶᬳᬮᬂ᭚ᬧᬦᬫ᭄ᬧᬶᬦᬾᬧᬶᬸᬦᬾᬧᬲᬚ᭞ᬫᬵᬯᬓ᭄ᬰᬶᬱ᭄ᬬᬦᬾᬧᬲ᭄ᬕᬢᬶ᭞ᬢᭂᬳᭂᬃᬫᬸᬗ᭄ᬕᬸᬄᬇᬤᭂᬧ᭄ᬮᬦ᭄ᬢᬲ᭄᭞ᬮᬕᬲ᭄ᬢ
