[᭑᭑ 11B]
᭑᭑
ᬦᬶᬓᬸᬦᬪᬶᬭᬲᬸᬮ᭄᭞ᬳᬦᬾᬂᬤᬸᬦ᭄ᬬᬳᬫᬗᬸᬜ᭄ᬚᬸᬭᬶᬢ᭄᭞ᬫᬮᬃᬋᬩᬸᬢ᭄ᬯᬦᭀᬤ᭄ᬬ᭞ᬦᬶᬲ᭄ᬢᬦᬾᬓᬮᬗ᭄ᬓᬸᬂ᭞ᬲᬶᬢᬶᬭᬯᬶᬬᬄᬫ᭄ᬬᬃᬱ᭞ᬧᬗᬦ᭄ᬤᬶᬓ᭞ᬳ᭄ᬬᬂᬦᬪᬶᬢᬸᬗ᭄ᬓᬸᬮ᭄ᬦᬗᬶᬲ᭄᭞ᬳᬗ᭄ᬭᬲᬓᬮᬸᬳᬸᬭᬦ᭄᭟ᬰᬩ᭄ᬤᬦᬶᬭ
ᬚᭂᬂᬦᬪᬶᬲᬶᬦ᭄ᬮᬶᬃ᭞ᬓᬸᬦᭂᬂᬚᭂᬂᬦ᭞ᬦᬪᬶᬳᬦᬓᬯᬃᬡ᭄ᬦᬳ᭞ᬳᬶᬲᬗ᭄ᬳᬵᬭᬲᬂᬓᬢᭀᬂ᭞ᬮᬗ᭄ᬓᬸᬂᬘᬶᬦ᭄ᬤ᭄ᬭᬦᬶᬓᬮ᭄ᬗᬸ᭞᭞ᬲᬳᬸᬫᬸᬭᬾᬘᬭᬓᬦᬪᬶ᭞ᬤᬾᬦᬾᬢᬦ᭄ᬧᬫᬶᬢ᭄ᬫᬭᬶᬗ᭄ᬯᬂ᭞ᬫᬫᬦᬾᬳᬰ᭄ᬭᬸᬩ᭄ᬗᬸ᭞ᬰᬷᬖ᭄ᬭᬫᬶᬭᭀᬲᬱᬾᬩ᭞
ᬦᬾᬗᬕ᭄ᬮᬭᬦ᭄᭞ᬳᬸᬲᬂᬭᬵᬚᬓᬧ᭄ᬢᬶ᭞ᬳᬶᬗᬬᬧ᭄ᬧᬭᬳᬫ᭄ᬩᬶᬬ᭟ᬓ᭄ᬭᬶᬬᬦᬧᬢᬶᬄᬬᬸᬫᬶᬯᬾᬂᬳᬶᬗᬵᬃᬱᬶ᭞ᬢᬸᬯᬶᬦ᭄ᬲᬕᬸᬂ᭞ᬓᬂᬧᬭᬧᬸᬗ᭄ᬕᬯ᭞ᬪᬸᬧᬢᬶᬫᬦ᭄ᬢ᭄ᬭᬶᬳᬾᬦ᭄ᬤᭀᬂ᭞ᬧ᭄ᬭᬚᬸᬭᬶᬢᬧ᭄ᬭᬢᬫᬾᬕᬸᬂ᭞ᬚᭂᬚᭂᬮ᭄ᬧᬶᬧᬶᬢ᭄ᬦᬗ᭄ᬓᬶ
ᬮ᭄ᬗᬃᬱᬶ᭞ᬧᬗ᭄ᬮᬶᬩᬸᬮᬸᬩᬮᬂ᭞ᬫᬯᬄᬮᬗ᭄ᬮᬂᬮᬯᬸᬢ᭄᭞ᬫᬶᬚᬮ᭄ᬮᬗ᭄ᬮᬂᬧ᭄ᬭᬶᬬᬦ᭄ᬢᬓ᭞ᬪᬸᬱᬡᬗ᭄ᬭᬂᬮᬶᬃ᭞ᬧᬾᬦ᭄ᬤᬄᬧ᭄ᬭᬯᬢᬲᬭᬶ᭞ᬲᬂᬧ᭄ᬭᬪᬸᬓᬂᬗᬦ᭄ᬤᬶᬓ᭟ᬢᬾᬄᬳᬧᬢᬶᬄᬳᬸᬯᬶᬦ᭄ᬧ᭄ᬭᬤᬂᬧᬢᬶ᭞ᬮᬓᭀᬦᬶᬓᬶ᭞ᬧᬲ᭄ᬢᬶᬓᬦ᭄ᬧ᭄ᬭ
[᭑᭒ 12A]
ᬬᭀᬕ᭞ᬤᬩᬢ᭄ᬦᬶᬦᬶᬧᬸᬢ᭄ᬭᬫᬾᬓᬾ᭞ᬩᬗᭂᬢ᭄ᬕᭀᬦᬾᬫᬗᬸᬓᬸᬂ᭞ᬢᬶᬕᬦ᭄ᬫᬸᬗᬦ᭄ᬢᬦᬯᬶᬕᬸᬮᬶ᭞ᬯᬶᬭᬂᬭᭀᬂᬓᬢᬢᬸᬗᬦ᭄᭞ᬓᬤᬸᬕᬢᬶᬳᬸᬬᬸᬂ᭞ᬳᬧ᭄ᬢᬶᬤᬍᬫ᭄ᬧᬢᬶᬄᬤᭀᬓ᭄ᬢ᭞
ᬓᬢᬲᬦᬶᬂᬲᬂᬮᬶᬂᬭᬢ᭄ᬦ᭟ᬳᬾᬄᬫᬗ᭄ᬓᬦᬧᬭᬾᬦ᭄ᬢᬄᬯ᭄ᬯᭀᬂᬧᬢᬶᬄ᭞ᬲᬶᬭᬮᬯᬦ᭄᭞ᬲᬓᭀᬜ᭄ᬘᬦᬲᬫ᭄ᬬ᭞ᬧᬤᬤᬾᬦ᭄ᬧ᭄ᬭᬬᬢ᭄ᬦᬓᬩᬾᬄ᭞ᬭᬸᬫᬵᬓᬳᬳᬶᬓᬥᬳᬸᬦ᭄᭞ᬳᬧᬦᬶᬦᬶᬭᬸᬫᬵᬓᬲᬫᬶ᭞ᬓᬂᬧᬸᬢ᭄ᬭᬦᬾᬩᭀᬦ᭄ᬢᭂᬦ
ᬦ᭞ᬳᬶᬫᬭᬲᬦ᭄ᬫᬸ᭞ᬳᬚᭃᬂᬢᬶᬲ᭄ᬲᬫ᭄ᬧᬾᬓ᭞ᬳᬾᬦ᭄ᬤ᭄ᬭᬚᬬ᭞ᬧᬓᬵᬃᬬ᭄ᬬᬕᭀᬦᬶᬰᬓ᭄ᬢᬶ᭞ᬓᬶᬧᬢᬶᬄᬫᬢᬸᬃᬲᬦ᭄ᬤᬶᬓ᭟ᬓ᭄ᬭᬶᬬᬦᬧᬢᬶᬄᬕ᭄ᬬᬧᬭᬾᬦ᭄ᬢᬄᬳᬕ᭄ᬮᬶᬲ᭄᭞ᬤᬯᬸᬄᬕᬵᬢ᭞ᬫ᭄ᬭᬶᬧᬭᬧᬸᬗ᭄ᬕᬯ᭞ᬢᬸᬯᬶᬦ᭄ᬱᬭᬭᬵᬚᬓ᭞
ᬩᬄᬓᬶᬦᬾᬦ᭄ᬲᬚᬶᬬᬾᬂᬧᬸᬧᬸᬄ᭞ᬩᬓᬮᬦᬫᬸᬲᬸᬳᬫᬗ᭄ᬓᬶᬦ᭄᭞ᬲᬂᬦᬵᬣᬦᬸᬮ᭄ᬬᬚ᭄ᬓᬂ᭞ᬳᬸᬫᬜᬶᬂᬓᬤᬢᬸᬦ᭄᭞ᬳᬶᬗᬶᬭᬶᬂᬧᬭᬧᬯᬶᬗᬦ᭄᭞ᬓ᭄ᬭᬶᬬᬦᬧᬢᬶᬄ᭞ᬳᬦᬾᬂᬧᬩᬾᬗᬦ᭄ᬯᬗᬶ᭞ᬦᬶᬫ᭄ᬩᬮᬶᬧᬭᬭᬵᬚ᭟
Page:Bali-lontar-gaguritan-semaun-300ppi.pdf/12
Jump to navigation
Jump to search
This page has been proofread.
