[᭔᭗ 47B]
᭔᭗
ᬰ᭞ᬗᬶᬤᬸᬮ᭄ᬗ᭄ᬮᭀᬃᬗᬸᬮᭀᬦ᭄ᬓᬵᬗᬶᬦ᭄᭞ᬳᬶᬤᬵᬲᬂᬳ᭄ᬬᬂᬰᬶᬯᬫᬗ᭄ᬓᬶᬓ᭄᭞ᬫᬦᬤᭀᬲ᭄ᬢᬶᬢᬶᬭᬦ᭄ᬩ᭄ᬭᬸᬦ᭄ᬩᬸᬦ᭄᭞ᬫᬶᬩᭂᬃᬫᬗ᭄ᬮᬬᬂᬭᬶᬂᬤᬾᬰ᭞ᬢ᭄ᬮᬲ᭄ᬕᬸᬫᬶᬦᬾᬳᬶᬍᬳᬶᬦ᭄᭚᭞ᬫᬸᬗ᭄ᬕᬄᬢᭂᬤᬸᬦ᭄᭞ᬓ
ᬰ᭄ᬯᬃᬕ᭄ᬕᬓᬫᬺᬘᭂᬧᬥ᭚ᬯᬢᭂᬓ᭄ᬪᬕᬯᬦ᭄ᬘᬭᬶᬢ᭞ᬢᬸᬭᬸᬦ᭄ᬳᬶᬤᬵᬫᬭᬶᬂᬪᬹᬫᬶ᭞ᬳᬭᭀᬓ᭄ᬭᬶᬂᬫᬵᬦᬹᬱᬋᬓᭀ᭞ᬲᬫᬶᬧᬥᬢᬺᬱ᭄ᬡᬾᬂᬳᬢᬶ᭞ᬲᬮᬶᬂᬧᬥᬧᬶᬓᭀᬮᬶᬳᬶᬦ᭄᭞ᬪᬕᬯᬦ᭄ᬲᬸᬓᬵᬭᬶᬂᬓᬳ᭄ᬬᬸ
ᬦ᭄᭞ᬫᬲᬶᬲ᭄ᬬᬭᬶᬂᬫᬵᬦᬸᬱᬵ᭞ᬲᬸᬓᬵᬇᬥᭂᬧ᭄ᬲᬶᬮᬶᬄᬳᬲᬶᬄ᭞ᬮᬶᬂᬢᬸᬮᬸᬂ᭞ᬓᬳ᭄ᬬᬸᬦ᭄ᬳᬶᬤᬵᬦᬾᬪᬕᬯᬵᬦ᭄᭚ᬫᬗ᭄ᬓᬶᬦ᭄ᬳᬶᬤᬵᬫᬦᬸᬭᬸᬦᬂ᭞ᬓᬦ᭄ᬟᬵᬦ᭄ᬅᬕᬫᬦᬾᬲᬫᬶ᭞ᬧᬹᬃᬯ᭄ᬯᬵᬥᬶᬕᬫᬫ᭄ᬯᬂᬓᬫᭀ
ᬓ᭄ᬱᬦ᭄᭞ᬯᬭᬶᬕᬢᬸᬢᬸᬃᬲᬬᬸᬓ᭄ᬢᬶ᭞ᬥᬃᬫ᭄ᬫᬵᬰᬵᬲ᭄ᬢ᭄ᬭᬦᬾᬢᬦ᭄ᬫᬭᬶ᭞ᬯᬾᬤ᭄ᬟᬵᬫᬦ᭄ᬢ᭄ᬭᬫ᭄ᬯᬵᬧᬫᬲ᭄ᬢᬸ᭞ᬰᬶᬯ᭄ᬯᬩᬸᬤ᭄ᬟᬵᬫ᭄ᬯᬂᬩᬩ᭄ᬭᬢ᭄ᬢᬦ᭄᭞ᬯᬶᬲᬤ᭄ᬟᬵᬫ᭄ᬯᬂᬓ᭄ᬮᬶᬫᭀᬲᬤᬶ᭞ᬢᬢ᭄ᬯᬢᬸᬢᬸᬃ᭞ᬓᬧᬸᬢᬸᬲᬦ᭄ᬭᬶᬂᬫ
[᭔᭘ 48A]
ᬦᬸᬱᬵ᭚ᬫᬶᬯᬄᬰᬵᬲ᭄ᬢ᭄ᬭᬯ᭄ᬬᬜ᭄ᬚᬦ᭞ᬤᬰᬓ᭄ᬱᬭᬳᬶᬓᬲᬫᬶ᭞ᬧᬜ᭄ᬘᬓ᭄ᬱᬭᬦᬾᬓᬳᬸᬘᬧ᭄᭞ᬢ᭄ᬭᬶᬬᬓ᭄ᬱᬭᬳᬶᬓᬤᬤᬶ᭞ᬫᬦ᭄ᬢ᭄ᬭᬮᬦ᭄ᬓᬶᬤᬸᬂᬓᬓᬯᬶᬦ᭄᭞ᬧ᭄ᬭᬢᬶᬢᬶᬲᬸᬦ᭄ᬤᬭᬶᬢ᭄ᬭᬸᬲ᭄᭞ᬫᬗ᭄ᬓᬾᬓᬺᬢ᭄ᬢᬓᬂ
ᬦᬵᬕᬭ᭞ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬦ᭄ᬲᬫᬶ᭞ᬓᬾᬦᬓ᭄ᬓᬵᬳ᭄ᬬᬸᬦ᭄᭞ᬪᬵᬕᬯᬦ᭄ᬳᬶᬘ᭄ᬙᬵᬦᬸᬕ᭄ᬭᬳ᭚ᬧᬢᬹᬢ᭄ᬧᬓᬺᬢ᭄ᬢᬦᬶᬂᬚᬕᬢ᭄᭞ᬭᬶᬂᬭᬳᬶᬦᬵᬫᬶᬯᬄᬯ᭄ᬗᬶ᭞ᬯ᭄ᬬᬓ᭄ᬢᬶᬦ᭄ᬬᬦᭀᬭᬘᬶᬦᬾᬥ᭞ᬲᬫᬧ
ᬢᬸᬄᬲᬃᬯ᭄ᬯᬪᬹᬫᬶ᭞ᬧᬫᬹᬃᬢ᭄ᬢᬶᬦ᭄ᬚᬕᬢᬾᬍᬯᬶᬄ᭞ᬫᬍᬢᬶᬓ᭄ᬲᬃᬯ᭄ᬯᬢᬶᬦᬦ᭄ᬟᬸᬃ᭞ᬚᬕᬢᬾᬦᭀᬭᬓᬫ᭄ᬭᬵᬡᬦ᭄᭞ᬤᬾᬦᬶᬂᬲ᭄ᬯᬾᬘ᭄ᬙᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬗ᭄ᬯᬗᬸᬦ᭄ᬳᬬᬸ᭞ᬚᬕᬢᬾᬭᬶᬂᬫᬥ᭄ᬬᬧᬥᬵ᭚
ᬭ᭄ᬬᬦ᭄ᬢᬸᬓ᭄ᬱᬫᬶᬓᬦᬸᬕ᭄ᬭᬳᬦ᭄᭞ᬲᬓᬶᬂᬩᬕᬵᬯᬦ᭄ᬫᬓᬾᬃᬢ᭄ᬢᬶ᭞ᬲᬶᬮᬶᬄᬳᬰᬶᬄᬭᬶᬂᬫᬵᬦᬹᬱ᭞᭠ᬧᬥᬲᬮᬶᬂᬧᬶᬓᭀᬮᬶᬳᬶᬦ᭄᭞ᬪᬕᬯᬦ᭄ᬢᬶᬤᬵᬢᬦ᭄ᬫᬭᬶ᭞ᬫᬳ᭄ᬬᬸᬦ᭄ᬫᬓᬾᬃᬢ᭄ᬢᬶᬲᬢᬸᬯᬸᬄ᭞ᬧᬥᬫᬓᬾᬃ
Page:Bali-lontar-gaguritan-sebun-bangkung-300ppi.pdf/48
Jump to navigation
Jump to search
This page has been proofread.
