[᭔᭕ 45B]
᭔᭕
ᬢᬸᬃ᭞ᬳᬶᬩ᭄ᬬᬂᬲᬦᬾᬫ᭄ᬧᬸᬢᬶᬢ᭄ᬬᬂ᭞ᬲᬶᬗ᭄ᬕᬶᬄᬩᬧ᭞ᬳᬸᬮᬸᬮᬸᬂᬭᬭᬢᭂᬂᬦᬾᬲᬫᬶ᭞ᬧᬶᬭᬶᬂᬕ᭄ᬟᬄᬲᬫᬶᬩ᭄ᬮᬄ᭚ᬢ᭄ᬯᬦ᭄ᬳᬩᬶᬢ᭄ᬳᬸᬫᬢᬸᬃᬤᬦᬾᬕ᭄ᬮᬶᬲ᭄᭞ᬲᬶᬗ᭄ᬕᬶᬄᬩᬕᬾᬡ᭄ᬟᬵ᭞ᬜᬤ᭄ᬬᬦᬸᬦᬲ᭄ᬳᬶᬘ᭄ᬙᬵ᭞ᬳᬶᬗ᭄ᬕᬶᬄᬤᬸᬤᬸᬓ᭄ᬩ
ᬓ᭄ᬢᬫ᭄ᬭᬶᬓᬶ᭞ᬧᬶᬭᬶᬂᬮᬸᬫ᭄ᬩᬸᬭᬾᬓᬤᬸᬤᬸᬓ᭄᭞ᬓᬳᬢᬸᬭᬂᬲᬵᬫ᭄ᬧᬸᬦ᭄ᬲᬫᬶ᭞ᬩᬕᬾᬡ᭄ᬟᬭᬭᬶᬲ᭄ᬫᬯᬾᬥ᭞ᬧᬶᬭᬶᬂᬧᬸᬧᬸᬢ᭄ᬲᬫᬶᬮᬸᬯᬸᬂ᭞ᬲᬫᬶᬳᬸᬯᬲ᭄ᬓᬤᬶᬓᬸᬦᬵ᭞ᬭᭀᬢᬶᬕᬶᬧᬂ᭞ᬫᬓᬲᬫᬶᬧᬥᬵᬩ᭄ᬘᬶᬓ᭞᭠
ᬦᭀᬭᬓᬍᬢᭂᬳᬦ᭄ᬢᬦᬄ᭚ᬢ᭄ᬯᬦ᭄ᬳᬩᬶᬢ᭄ᬦᭂᬫ᭄ᬩᬄᬫᬢᬸᬃᬳᬭᬶᬲ᭄᭞ᬤᬸᬄᬩᬕᬾᬡ᭄ᬟᬵ᭞ᬫᬗ᭄ᬓᬶᬦ᭄ᬳᬸᬦᬶᬂᬢᬶᬢ᭄ᬬᬂ᭞ᬭᬶᬂᬢ᭄ᬯᬦ᭄ᬓᬮᬶᬯᬢ᭄ᬤᬶᬩ᭄ᬬᬦᬾ᭞ᬲᬓ᭄ᬱᬢ᭄ᬲᬂᬳ᭄ᬬᬂᬰᬶᬯᬢᬸᬭᬸᬦ᭄᭞ᬮᬸᬕ᭄ᬭ᭠
ᬳᬵᬫᬗᬢᭂᬧ᭄ᬩᬸᬫᬶ᭞ᬕᬕᬡᬦ᭄ᬢᬭᬓᬺᬢ᭄ᬢ᭞ᬭᬶᬂᬚᬕᬢᬾᬧᬢᬸᬢ᭄ᬓᬸᬓ᭄ᬢᬸᬦ᭄᭞ᬧ᭄ᬭᬧ᭄ᬢᬦᬾᬲᬓᬾᬂᬲᬹᬓ᭄ᬱ᭄ᬫᬵ᭞ᬲᬸᬓᬵᬳᭀᬮᬲ᭄᭞ᬦᭀᬤ᭄ᬬᬦᬶᬦ᭄ᬯᭀᬂᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞ᬕᭂᬂᬳᬫ᭄ᬧᬸᬭᬵᬭ
[᭔᭖ 46A]
ᬢᬸᬢᬶᬢ᭄ᬬᬂ᭚ᬭᬭᬶᬲ᭄ᬗᬸᬘᬧ᭄ᬩᬕᬾᬡ᭄ᬟᬫᬗ᭄ᬓᬶᬦ᭄᭞ᬤᬸᬄᬩᬲ᭄ᬮᬶᬯᬢ᭄᭞ᬢ᭄ᬯᬦ᭄ᬳᬩᬶᬢ᭄ᬗᬦ᭄ᬟᬧ᭄᭞ᬩᬋᬂᬘᬸᬭᬸᬫᬤᬾᬱᬤᬶᬦᬶ᭞ᬯᭀᬂᬯᬤᭀᬦ᭄ᬳᬦᬓ᭄ᬧᬸᬦᬶᬓᬸ᭞ᬯᭀᬮᬶᬄᬓ᭄ᬦᬶᬢ᭄ᬬᬂᬦᬸᬮᬸᬗᬶᬦ᭄᭞ᬢᬺᬱ᭄ᬡᬲᬸᬓ
ᬦᬶᬂᬢᬸᬫᬶᬗ᭄ᬳᬮ᭄᭞ᬭᬶᬲ᭄ᬟᭂᬓ᭄ᬓᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬩᬳᬦ᭄ᬧᬸᬢ᭄ᬭᬶᬦᬾᬗ᭄ᬭᬡᬬᬂ᭞ᬲᬸᬓᬵᬘᬶᬢ᭄ᬢ᭞ᬳᬩᬶᬢ᭄ᬤᬸᬭᬸᬂᬫᬗᬯ᭄ᬭᬸᬳᬶ᭞ᬫᬗ᭄ᬓᬾᬓᬫᬶᬫᬦᬵᬃᬢ᭄ᬢᬬᬂ᭚ᬤᬦᬾᬗᬹᬦᬶᬲᬶᬭᬲᬸᬓᬲᬾᬦᬶ᭞ᬕᬸᬘᬶᬦ᭄ᬬ
ᬩ᭄ᬮᬄ᭞ᬍᬗᬶᬲ᭄ᬜᬦᬾᬲᬫ᭄ᬩ᭄ᬭᬵᬕ᭄᭞ᬫᬤᬸᬓᬦ᭄ᬲᬋᬂᬢᬦᬳᬾ᭞ᬭᬶᬓᬤᬦᬾᬮᬶᬦ᭄ᬢᬂᬓᬾᬯᬸᬄ᭞ᬫᬦᬸᬮᬫᬾᬲᬂᬳ᭄ᬬᬂᬯᬶᬥᬶ᭞ᬳᬶᬭᬶᬓᬫᬫᬶᬓᬯ᭄ᬮᬲᬦ᭄᭞ᬧᬘᬂᬗᬢᭂᬧ᭄ᬕᬸᬘᬶᬳᬶᬓᬸ᭞ᬭᬭᬶᬲ᭄ᬕ᭄ᬮᬶᬲ᭄ᬓᬓᬸᬫ᭄ᬧᬸ᭠
ᬮᬂ᭞ᬕᬸᬘᬶᬫᬶᬜᬓ᭄᭞ᬢᬦᬳᬾᬓᬧᭂᬲᭂᬂᬳᬭᬶᬲ᭄᭞ᬕᬸᬘᬶᬢᬶᬍᬄᬫᬶᬜᬓ᭄ᬓ᭄ᬦᬶᬬᬂ᭚ᬢ᭄ᬯᬦ᭄ᬳᬩᬶᬢ᭄ᬫᬗ᭄ᬓᬾᬳᬸᬫᬢᬸᬃᬳᬭᬶᬲ᭄᭞ᬰ᭄ᬭᬶᬧᬤᬸᬓᬵ᭞ᬬᬦ᭄ᬯᬦ᭄ᬢᬄᬓᬳᬃᬱᬵ᭞ᬓᬳᬸᬮᬗᬢᬸᬭᬂᬫᬗ᭄ᬓᬶ
Page:Bali-lontar-gaguritan-sebun-bangkung-300ppi.pdf/46
Jump to navigation
Jump to search
This page has been proofread.
