[᭓᭙ 39B]
᭓᭙
ᬗ᭄ᬕᬵᬧᬢᬶᬫ᭄ᬭᬚᬧᬢᬶ᭞ᬤᬤᬶᬩᬦᬲ᭄ᬧᬢᬶᬭᬵᬚ᭚ᬳ᭄ᬬᬂᬇᬰ᭄ᬯᬭᬵᬤᬤᭀᬲ᭄ᬅᬗ᭄ᬕᬧᬢᬶ᭞᭠ᬫᬳᬵᬤᬾᬯ᭄ᬯᬵ᭞ᬤᬤᬶᬩᬦᬲ᭄ᬧᬢᬶᬭᬚ᭞ᬳ᭄ᬬᬂᬩ᭄ᬭᬳ᭄ᬫᬵᬤᬤᬶᬫ᭄ᬭᬚᬧᬢᬶ᭞ᬢ᭄ᬬᬂᬯᬶᬱ᭄ᬡᬸᬩᬦᬲ᭄ᬧᬢᬶᬓᬸ᭞ᬲᬂ
ᬳ᭄ᬬᬂᬰᬶᬯᬓᭀᬘᬧ᭄ᬫᬗ᭄ᬓᬶᬦ᭄᭞ᬓᬦ᭄ᬭᬓᬦ᭄ᬳᬶᬤᬵᬳᬶᬦᬸᬘᬧ᭄᭞ᬫᬦᬤᭀᬲ᭄ᬧᬓ᭄ᬱᬶᬩ᭄ᬭᬸᬦ᭄ᬩᬸᬦ᭄᭞ᬫᬓᭂᬩᭂᬃᬫᬮᬂᬤᬾᬱᬵ᭞ᬫᬭᬶᬚᬕᬢ᭄᭞ᬪᬕᬯᬦ᭄ᬦᬵᬭᬥᬫᬮᬶᬄ᭞ᬳᬶᬤᬵᬤᬤᭀᬲ᭄ᬧᬓ᭄ᬱᬶ᭠
ᬕᬕᬅ᭄᭚ᬓᬘᬶᬢ᭄ᬢᬋᬱᬶᬕᬃᬕ᭄ᬕᬫᬗ᭄ᬓᬶᬦ᭄᭞ᬢᬸᬭᬸᬦᬶᬤ᭞ᬫᬭᬶᬂᬫᬤ᭄ᬬᬧᬥ᭞ᬫᬭᬸᬧᬧᬡ᭄ᬟᬶᬢᬮ᭄ᬯᬶᬄ᭞ᬭᬶᬂᬦᬵᬕᬭᬲᬫ᭄ᬧᬸᬦ᭄ᬭᬯᬸᬄ᭞ᬋᬱᬶᬩᬺᬕᬸᬳᬶᬤᬵᬫᬮᬶᬄ᭞ᬢᬸᬭᬸᬦ᭄ᬭᬶᬂᬩ
ᬲᬓᬶᬄᬦᬵᬕᬭ᭞ᬋᬱᬶᬓᬦ᭄ᬯᬳᬶᬤᬵᬢᬸᬭᬸᬦ᭄᭞ᬭᬶᬂᬫᬦᬵᬕᬭᬾᬂᬓᭀᬓᬾᬮ᭞ᬳᬮᬸᬗ᭄ᬕᬸᬳᬵ᭞ᬪᬵᬕᬯᬦ᭄ᬢᬢᬶᬕᬢ᭄ᬯᬶ᭞ᬫᬓᬕᬸᬭᬸᬦ᭄ᬫᬵᬦᬹᬱᬮᭀᬓ᭚ᬲᬂᬳ᭄ᬬᬂᬮᬸᬤᬺ
[᭔᭐ 40A]
ᬤᬤᭀᬲ᭄ᬕᬕᬓ᭄ᬧᬸᬢᬶᬄ᭞ᬲᬶᬦᬋᬗᬦ᭄᭞ᬭᬶᬂᬭᬵᬩᬶᬦ᭄ᬳᬶᬤᬵ᭞ᬳ᭄ᬬᬂᬕᬦ᭄ᬟᬮᬶᬦᬳᬭᬦᬾ᭞ᬕᬕᬓ᭄ᬧ᭄ᬢᬵᬓ᭄ᬤᬤᭀᬲᬶᬓᬸ᭞ᬫᬗ᭄ᬮᬬᬂᬫᬶᬥᭂᬃᬭᬶᬂᬩᬸᬫᬶ᭞ᬪᬵᬕᬯᬦ᭄ᬯᬺᬲ᭄ᬧᬢᬶᬓᭀᬘ
ᬧ᭄᭞ᬫᬭᬶᬂᬧᬸᬮᭀᬳᬶᬤᬵᬢᬸᬭᬸᬦ᭄᭞ᬲᬕᬭᬫᬵᬲ᭄ᬘᬾᬢᬶᬓᭀᬘᬧ᭄᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄᭞ᬭᬶᬂᬮᬶᬗ᭄ᬕᬶᬄᬳᬶᬤᬵᬪᬝᬭᬶ᭞ᬫᬳᬭᬦ᭄ᬤᬾᬯᬶᬲᬸᬓ᭄ᬱ᭄ᬫ᭚ᬢᬸᬭᬶᬂᬫᬓ᭄ᬢᬳᬶ᭠
ᬤᬵᬧᬮ᭄ᬯᬵᬮᬶᬢ᭄᭞ᬭᬶᬂᬧᬸᬮᭀᬳᬶᬓ᭞ᬳᬦᬯᬢᬸᬭᭀᬭᭀ᭞ᬓᬢᬦᭂᬫ᭄ᬳᬶᬭᬶᬓᬵᬫᬗ᭄ᬓᬶᬦ᭄᭞ᬭᬭᬶᬲ᭄ᬓᬓᬯᭀᬦᬶᬦ᭄ᬫᬦ᭄ᬢᬸᬓ᭄᭞ᬭᬭᬶᬲ᭄ᬫᭂᬦ᭄ᬢᬶᬓ᭄ᬳᬶᬓᬵᬕ᭄ᬮᬶᬲ᭄᭞ᬳᬶᬗᬭᬦ᭄ᬓᬵᬬᬸᬓ
ᬲ᭄ᬢᬸᬩ᭞ᬓᬬᬸᬰᬓ᭄ᬢᬶᬳᬶᬓᬵᬢᬸᬳᬸ᭞ᬦᬵᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬯ᭄ᬭᬸᬳᬵ᭞ᬲᬸᬚᬢᬶᬦ᭄ᬬ᭞ᬲᬓᬶᬂᬰ᭄ᬯᬃᬕ᭄ᬕᬳᬶᬓᬗᬯᬶᬢ᭄᭞ᬪᬕᬯᬵᬦ᭄ᬯ᭄ᬭᬲ᭄ᬧᬢᬶᬫᬓ᭄ᬢ᭚ᬋᬱᬶᬪᬺᬕᬸᬘᬭᬶᬢ᭄ᬢᬫᬮᬶᬄ᭞ᬭ
Page:Bali-lontar-gaguritan-sebun-bangkung-300ppi.pdf/40
Jump to navigation
Jump to search
This page has been proofread.
