Page:Bali-lontar-gaguritan-sangkur-udhang-01-300ppi.pdf/35

[᭓᭔ 34 B] (physical label incorrect, should have been 33 B)
᭓᭓
ᬳᬾᬭᬵᬦ᭄ᬳᬫ᭄ᬬᬵᬃᬱᬵ᭟ᬳᬶᬂᬢᬸᬢᬸᬭᬾᬦᬶᬤᬾᬯᬶᬫᬵᬲ᭄ᬫᬦᬶᬓ᭄ᬱᬰᬶᬄ᭞ᬦᬶᬓ᭄ᬯᬲ᭄ᬢ᭄ᬭᬳᬗᬸᬘᬧ᭄᭞ᬓᬯᬸᬮᬳᬦᭂᬤᬗᬶᬭᬶᬂ᭞ᬳᬗᬶᬭᬶᬂᬳᬦ᭄ᬤᬶᬓᬤᬾᬯ᭟ᬫᬵᬦᬶᬓ᭄ᬱᬰᬶᬄᬲ᭄ᬯᬸᬭᬾᬫᬗ᭄ᬓᬾᬳᬫᬦᬶᬲ᭄᭞ᬳᬾᬄᬓ᭄ᬯᬲ᭄ᬢ᭄ᬭᬢᬲᬶᬭ᭞ᬪᬵᬕ᭄ᬬᬫᬵᬗ᭄ᬓᬾ
ᬲᬶᬭᬳᬰᬶᬄ᭞ᬲᬋᬂᬳᬶᬗ᭄ᬲᬸᬦ᭄ᬢᭂᬗᬳᬶᬂᬯᬵᬦ᭟ᬳᬗᬶᬂᬳᬶᬗ᭄ᬲᬸᬦᭀᬭᬳᭀᬮᬶᬄᬫᬗ᭄ᬓᬾᬫ᭄ᬩᬸᬓ᭄ᬢᬶ᭞ᬲ᭄ᬓᬸᬮ᭄ᬦᭀᬭᬦᬵᬦ᭞ᬲᬧᬯ᭄ᬭᬸᬳᬶᬂᬯᬦᬕᬶᬭᬶ᭞ᬲᬫᬳᬤᭀᬢ᭄ᬗᭂᬦ᭄ᬓᬶᬢ᭄ᬯᬵ᭟ᬦᬶᬓ᭄ᬯᬲ᭄ᬢ᭄ᬭᬲᬯᬸᬭᬾᬫᬗ᭄ᬓᬾᬳᬫᬦᬶᬲ᭄᭞ᬲᬮ᭄ᬯᬶᬃᬳᬫ᭄ᬩᬫ᭄ᬩᬵᬓ᭄ᬢ᭞ᬩ᭄ᬭᬲ᭄ᬧ
ᬬᬸᬓ᭄ᬧᬶᬭᬶᬂᬲᬫ᭄ᬫᬶ᭞ᬲᬫ᭄ᬧᬸᬦ᭄ᬤᬶᬓᬫᬗ᭄ᬓᬾᬳᬾᬯᭂᬄ᭛ᬲ᭄ᬫ᭛ᬳᬫ᭄ᬩᬫ᭄ᬩᬵᬓ᭄ᬢᬤᬤᬶᬪᬵᬹᬓ᭄ᬢᬶ᭞ᬳᬦᬳᬸᬕᬤᬳᬵᬃᬤᬾᬯ᭄ᬯ᭞ᬫᬵᬦᬶᬓ᭄ᬱᬰᬶᬄᬳᬤᬦ᭄ᬮᬶᬗᬾ᭞ᬫᬗ᭄ᬓᬾᬲᬶᬭᬲᬸᬦ᭄ᬳᬓ᭄ᬯ᭞ᬳᬲᬰᬦᬵᬓ᭄ᬮᬦ᭄ᬳᬶᬗ᭄ᬯᬂ᭞ᬳᬶᬂᬤᬸᬜᬳᬳᬾᬭᬣᬶᬓᬸ᭞ᬲᬶᬭᬳᬰᬶᬄ
ᬤᬾᬦ᭄ᬢᬸᬮᬸᬲ᭟ᬲᬯᬸᬃᬲᬶᬦᬵᬯᬸᬭᬦ᭄ᬓᬮᬶᬄ᭞ᬫᬦᬶᬓ᭄ᬱᬰᬶᬄᬮᬦᬶᬓ᭄ᬯᬲ᭄ᬢ᭄ᬭ᭞ᬕ᭄ᬮᬶᬲᬶᬂᬘᬭᬶᬢᬋᬓᭀ᭞ᬧᬶᬭᬵᬂᬤᬶᬦᬳᬦᬾᬂᬯᬦ᭞ᬯᬸᬲ᭄ᬮᬫᬶᬫᬂᬓᬾᬲᬶᬭ᭞ᬲᬫ᭄ᬧᬸᬦ᭄ᬋᬓᬾᬢᬶᬕᬵᬂᬢᬳᬸᬦ᭄᭞ᬲᬫᬦ᭄ᬓᬡ᭄ᬦᬵᬮᬫᬶᬦᬶᬭ᭟ᬲᬂᬭᬵᬢ᭄ᬦᬮᬦ᭄ᬧᬸᬢ᭄ᬭᬦᬾᬓᬶ᭞ᬧᬶ
[᭒᭕ 35 A] (physical label incorrect, should have been 34 A)
ᬦᬵᬜ᭄ᬚᬂᬤᬾᬦ᭄ᬬᬫᬜ᭄ᬚᬦ᭄ᬫ᭞ᬤᬾᬦᬶᬭᬤᬾᬭᬳ᭄ᬬᬂᬫᬦᭀᬦ᭄᭞ᬓᬵᬯᬃᬡ᭄ᬦᬵᬳᬧᬸᬢ᭄ᬭᬦ᭄ᬦᬶᬭ᭞ᬯᬬᬄᬯᬸᬲ᭄ᬢᬶᬕᬵᬂᬯᬃᬱ᭞ᬲᬫᬗ᭄ᬓᬡ᭄ᬦᬵᬮᬫᬶᬦᬶᬧᬸᬦ᭄᭞ᬧᬸᬢ᭄ᬭᬡ᭄ᬦᬵᬶᬭᬯᬸᬲ᭄ᬤᬶᬯᬰ᭟ᬯᬃᬡ᭄ᬦᬵᬦᬶᬭᬮᬶᬦ᭄ᬢᬵᬂᬧ᭄ᬓᬶᬓ᭄᭞ᬓᬵᬤᬶᬕᬶᬫ᭄ᬩᬵᬃᬯᬯᬵᬗᬸᬦᬵᬦ᭄᭞ᬲᬭᬶᬭᬦᬶᬭᬭᬵ᭠
ᬳᬤᬾᬦ᭄᭞ᬧ᭄ᬓᬶᬓᬾᬓᬵᬮᬶᬦ᭄ᬢᬵᬂ᭞ᬯᬃᬡ᭄ᬦᬵᬓᬤᬶᬋᬧᬵᬢ᭄ᬫᬚ᭞ᬓᬤᬶᬚᬫ᭄ᬩᬾᬯᬸᬲᬶᬦᭂᬧᬸᬄ᭞ᬦᭀᬭᬲᬵᬫᬃᬯᬃᬡ᭄ᬦᬵᬦᬶᬭ᭟ᬳᬦᬓᬶᬭᬫᬗ᭄ᬓᬾᬳᬗ᭄ᬮᬶᬂ᭞ᬜᬮᬸᬓ᭄ᬢᬾᬬᬸᬓ᭄ᬳᬶᬂᬗᬶᬭ᭞ᬫ᭄ᬦᬯᬩ᭄ᬬᬂᬫ᭄ᬩᬵᬓ᭄ᬢᬫᬵᬗ᭄ᬓᭀ᭞ᬲᬸᬦ᭄ᬳᬵᬃᬱᬫᬗ᭄ᬓᬾᬳᬓᬵᬃᬬ᭄ᬬ᭞ᬳᬕᬾ
ᬪ᭄ᬬᬵᬂᬯᬾᬳ᭄ᬦᬳᬶᬗ᭄ᬯᬂ᭞ᬳᬵᬃᬲᬲᬸᬦ᭄ᬳᬓᬵᬃᬬ᭄ᬬᬩᬸᬩᬸ᭞ᬩ᭄ᬬᬂᬗᬯᬾᬢᬾᬬᬸᬓ᭄ᬳᬾᬗ᭄ᬕᬵᬮ᭄᭟ᬕ᭄ᬮᬶᬲᬶᬂᬘᬭᬶᬢᬦᬸᬮᬶ᭞ᬳᬓᬵᬃᬬ᭄ᬬᬓᭀᬤᭀᬂᬯᬸᬲ᭄ᬤᬤ᭄ᬬ᭞ᬤᬾᬦᬶᬂᬧᬜ᭄ᬚᬂᬗᬾᬢᬸᬃᬕ᭄ᬥᬾ᭞ᬲᬫᬧᬜ᭄ᬚᬂᬕ᭄ᬥᬾᬦᬶᬭ᭞ᬓ᭄ᬭᬲᬦᬾᬳᬦᬓᬶᬭ᭞ᬳᬫᬵᬲᬂᬓᭀᬤᭀᬗᬶᬭᬾ
ᬓᬸ᭞ᬫᬵᬭᬳᬶᬂᬩᬗᬯᬦ᭄ᬳᬶᬓ᭟ᬕ᭄ᬮᬶᬲ᭄ᬧᬦᬲᬂᬓᭀᬤᭀᬂᬦᬾᬓᬶ᭞ᬲᬯᬸᬲᬾᬧᬶᬦᬵᬲᬂᬳᬶᬓ᭞ᬕ᭄ᬮᬶᬲ᭄ᬫᬦ᭄ᬢᬸᬓ᭄ᬢᬭᬵᬳᬤᬾ᭠ᬦ᭄᭞ᬤᬾᬦᬶᬂᬲᬸᬭᬸᬧ᭄ᬳ᭄ᬬᬂᬗᬃᬓ᭄ᬓ᭞ᬳᬶᬪᬵᬹᬦᬾᬳᬶᬗᬭᬲᬦ᭄᭞ᬲᬋᬂᬦᬶᬓ᭄ᬯᬲ᭄ᬢ᭄ᬭᬧᬸᬦᬶᬓᬸ᭞ᬲᬋᬂᬢ᭄ᬭᬶᬮᬦ᭄ᬧᬸᬢ᭄ᬭᬡ᭄ᬦᬵᬶᬭ᭟ᬦᭀᬭᬮ᭄ᬬᬦ᭄ᬥᬾ᭠