[᭑᭙ 19B]
᭑᭙
ᬩᬮᬤᬾᬯ᭞ᬲᬓᬶᬂᬫᬰᬹᬘᬶᬳ᭄ᬦᬶᬂ᭞ᬲᬓᬶᬂᬧᬗᬦ᭄ᬤᬶᬓᬦᬶᬤ᭞ᬪᬕᬯᬵᬦ᭄ᬦᬭᬤ᭞ᬫᬦᭀᬦ᭄ᬢᭀᬦ᭄ᬲᬂᬓᬸᬭᬸᬧᬢᬶ᭞ᬫᬢᬦ᭄ᬤᬶᬂᬬᬸᬤ᭄ᬥ᭞ᬮᬵᬯᬦ᭄ᬲᬂᬪᬷᬫ᭄ᬫᬰᬓ᭄ᬢᬶ᭚ᬭᬶᬲᬵᬫ᭄ᬧᬸᬦ᭄ᬭᬯᬸᬄᬳᬶᬤᬲᬂᬩᬮᬤᬾᬯ᭞ᬲᬸᬓᬦᬾᬢᬦ᭄ᬕᬶᬕᬶᬲᬶᬦ᭄᭞ᬲᬫᬶᬦᬸᬦᬲ᭄ᬳᬚᬄ᭞ᬤᬾᬦᬶᬂᬳᬶᬤᬧᬕᬸᬭ᭄ᬯᬦ᭄᭞
ᬲᬵᬓ᭄ᬱᬡᬧᬥᬦᬫ᭄ᬧᭂᬓᬶᬦ᭄᭞ᬲᬂᬩᬮᬤᬾᬯ᭞ᬫᬵᬳᬢᬹᬃᬲᬂᬓᬸᬭᬸᬧᬢᬶ᭚ᬫᬗ᭄ᬓᬶᬦᬶᬤᬲᬂᬰ᭄ᬭᬷᬧᬸᬦ᭄ᬢᬤᬾᬯ᭞ᬧᬵᬢᬹᬢ᭄ᬧᬶᬲᬦ᭄ᬲᬂᬓᬺᬱ᭄ᬡᬵᬫᬶᬲᬶᬗ᭄ᬕᬶᬄ᭞ᬫᬲᬳᬸᬃᬧᬓ᭄ᬱᬶᬲᬶᬦᬫ᭄ᬬᬦ᭄᭞ᬲᬯᬢᭂᬓ᭄ᬬᬥᬸᬩᬮ᭞ᬫ᭄ᬯᬂᬧᬋᬓᬦ᭄ᬫᬓᬲᬫᬶ᭞ᬯᬦ᭄ᬢᬄᬫᬵᬢᬹᬢ᭄ᬧᬶᬲᬦ᭄᭞ᬳᬢᬹᬭᬾᬲᬂᬯᬷᬭᬓᬵ
ᬮᬶᬄ᭚ᬭᬭᬶᬲᬕ᭄ᬮᬶᬲ᭄ᬲᬶᬭᬲᬂᬰ᭄ᬭᬷᬩᬮᬤᬾᬯ᭞ᬫᬗᬸᬭᬸᬓ᭄ᬲᬂᬯᬷᬭᬓᬵᬮᬶᬄ᭞ᬫᬦᬗ᭄ᬓᭂᬧᬂᬕᬥ᭞ᬳᬶᬤᬲᬂᬥᬃᬫ᭄ᬫᬫᬜᬶᬗᬓ᭄᭞ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬳᬕ᭄ᬮᬶᬲ᭄ᬦᬩ᭄ᬤᬩᬂ᭞ᬧᬘᬂᬫᬗᬢᬹᬭᬂᬪᬓ᭄ᬢᬶ᭚ᬲᬂᬰ᭄ᬭᬷᬳᬮᬥᬭᬗᬦ᭄ᬤᬶᬓ᭞ᬭᬶᬂᬲᬂᬯᬷᬭᬓᬵᬮᬶᬄ᭞ᬦᬾᬳᬤᬉᬩᬬ
᭞ᬢ᭄ᬯᬭᬤᬤᬶᬲᬶᬗ᭄ᬲᬾᬬᬦ᭄᭞ᬗ᭄ᬩᬸᬕ᭄ᬫᬭᬶᬂᬲᭀᬭᬶᬂᬦᬪᬶ᭞ᬗᬶᬭᬶᬂᬧᬶᬲᬦ᭄᭞ᬲᬂᬯᬷᬭᬫᬓᬓᬵᬮᬶᬄ᭚ᬭᬭᬶᬲᬕ᭄ᬮᬶᬲ᭄ᬲᬶᬭᬫᬗ᭄ᬓᭂᬧᬂᬬᬹᬤ᭄ᬥ᭞ᬧᬥᬫᬗ᭄ᬲᭃᬄᬢᬦ᭄ᬕᬶᬗ᭄ᬲᬶᬭ᭄᭞ᬤᬾᬦᬶᬂᬧᬥᬧᬭᬶᬓᭀᬰ᭞ᬯᬶᬤᬕ᭄ᬤᬢᬦ᭄ᬓᬲᭀᬭᬦ᭄᭞ᬢᭂᬫ᭄ᬧᬸᬳᬶᬂᬕᬥᬢᬦ᭄ᬕᬶᬕᬶᬲᬶᬦ᭄
[᭒᭐ 20A]
᭒᭐
᭞ᬳᬮᬲᬾᬭᬸᬲᬓ᭄᭞ᬩᬸᬭᭀᬦ᭄ᬧᬥᬬᬫ᭄ᬮᬳᬶᬩ᭄᭚ᬕᬸᬦᬸᬂᬭᬸᬩᬸᬄᬳᬮᬲᬾᬤᬤᬶᬢ᭄ᬕᬮ᭄᭞ᬦ᭄ᬤᬵᬦ᭄ᬲᬂᬫᬬᬸᬤ᭄ᬥᬓᬵᬮᬶᬄ᭞ᬧᬥᬲ᭄ᬮᬾᬂᬲᬶᬗ᭄ᬲᬾᬬᬂ᭞ᬫᬮᬶᬮᬶᬢ᭄ᬓᬤᬶᬦᬵᬕ᭞ᬢᭀᬂᬓ᭄ᬦᬩᬦ᭄ᬗᬶᬗᭂᬢᬶᬦ᭄᭞ᬫᬓᬭᭀᬦᬦ᭄᭞ᬩ᭄ᬢᬾᬦᬦ᭄ᬲᭂᬮᭂᬕᭂᬦ᭄ᬢᬶ᭚ᬲᬮᬶᬂᬧ᭄ᬮᬸᬓ᭄ᬲᬮᬶᬂᬚᭂᬓ᭄ᬚᭂᬓ᭄ᬧᬦ᭄ᬢᬶᬕᬂ᭞
ᬧᬥᬲᬮᬶᬂᬢᬶᬜ᭄ᬚᬓᬶᬦ᭄᭞ᬲᬮᬶᬂᬕᬸᬮᬶᬮᬶᬗᬂ᭞ᬧᬥᬲᭂᬮᬶᬂᬚᬫ᭄ᬩᬓ᭄᭞ᬲ᭄ᬮᬶᬂᬕ᭄ᬢᭀᬓ᭄ᬲᭂᬮᬶᬂᬢᬶᬜ᭄ᬚᬓᬶᬦ᭄᭞ᬧᬥᬧ᭄ᬭᬯᬷᬭ᭞ᬧᬥᬲ᭄ᬮᬾᬂᬢᬗ᭄ᬓᬶᬲᬶᬦ᭄᭚ᬲᬮᬶᬂᬓ᭄ᬧᬸᬂᬧᬵᬬᬹᬥ᭄ᬥᬦᬾᬫᬳᬶᬍᬳᬦ᭄᭞ᬓᬤᬶᬘᬓ᭄ᬭᬦᬶᬂᬧᬥᬢᬶ᭞ᬤᬤᬶᬬᬓᬗ᭄ᬳᬾᬮᬦ᭄᭞ᬢᬦ᭄ᬤᬸᬫᬤᬾᬫᬭᬵᬃᬬ᭄ᬬᬦ᭄᭞ᬳᬚᬳ
ᬦ᭄ᬫᬮᬶᬄᬫᬮᬶᬮᬶᬢ᭄᭞ᬢᬸᬃᬫᬕᬕᬥᬦ᭄᭞ᬦᭀᬭᬳᬦᬓᬢᬶᬩᬾᬦᬶᬦ᭄᭚ᬢᬦ᭄ᬤᬸᬫᬵᬥᬾᬲᬂᬓᬺᬱ᭄ᬡᬵᬫᬗ᭄ᬓᬶᬦ᭄ᬫᬜᬶᬗᬓ᭄᭞ᬭᬶᬂᬲᬂᬫᬧ᭄ᬭᬂᬓᬵᬮᬶᬄ᭞ᬮᬶᬦ᭄ᬢᬂᬓᬧᬶᬯ᭄ᬮᬲᬦ᭄ᬧᬶᬲᬦ᭄᭞ᬫᬜᬶᬗᬓ᭄ᬲᬪᬷᬫ᭄ᬫ᭞ᬯᬲ᭄ᬢᬸᬳᬾᬮᬶᬂᬳᬶᬤᬫᬗ᭄ᬓᬶᬦ᭄᭞ᬳᬕ᭄ᬮᬶᬲ᭄ᬗᬦ᭄ᬤᬶᬓᬭᬶᬂᬳᬶᬤᬲᬂᬓᬶᬭᬶᬢᬶ᭚᭜᭚ᬲᬶᬦᭀᬫ᭚
᭜᭚ᬤᬸᬄᬬᬬᬶᬲᬂᬧᬵᬮ᭄ᬕᬸᬡ᭞ᬘᬶᬗᬓ᭄ᬚᬭᬓᬦ᭄ᬳ᭄ᬬᬤᬶ᭞ᬫᬲᬶᬬᬢ᭄ᬲᬮᬶᬂᬧᬦ᭄ᬢᬶᬕᬂ᭞ᬜᬾᬦ᭄ᬩᬦᬶᬫᬫᬕᬸᬢᬶᬦ᭄᭞ᬲᬸᬚᬵᬢᬶᬬᬦ᭄ᬩ᭄ᬯᬢ᭄ᬰᬓ᭄ᬢᬶ᭞ᬢᬸᬳᬸᬢᭀᬗᬤᬫᬫᬕᬸᬢ᭄᭞ᬦᬗ᭄ᬳᬶᬂᬩ᭄ᬮᭀᬕᬾᬓᬮᬶᬦ᭄ᬢᬂ᭞ᬫᬲᬶᬄᬢᭀᬗᬤᬦᬦ᭄ᬤᬶᬗᬶᬦ᭄᭞ᬬᬦᬶᬂᬳᬤᬸ᭞ᬳᬩᬸᬮᬦ᭄ᬢᭀᬗᬤᬓ
