[᭔᭒42B]
᭔᭒
ᬩᭀᬓᭀᬃᬳ᭄ᬫᬲ᭄ᬲ᭄ᬮᬓ᭟ᬧᬶᬦᬄᬲ᭄ᬯᬾᬫᬗᬦ᭄ᬢᭀᬲᬂ᭞ᬲᬯᬢᬭᬳᬧᬦᬮᬶᬓ᭄᭞ᬢᬗ᭄ᬓᬶᬮᬦᬾᬧᬥᬩ᭄ᬗᭀᬂ᭞ᬲᬶᬬᭂᬧ᭄ᬢᭀᬗᬤᬫᬫᬸᬜᬶ᭞ᬓᬾᬯᬮᬲᬶᬮᬶᬄᬢᭀᬮᬶᬄ᭞ᬫᬲᬶᬄᬢᭀ
ᬦ᭄ᬤᬾᬦ᭄ᬳᬤᬭᬯᬸᬄ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬕ᭄ᬬᬜᬃᬩᬥᬸᬂᬮᬦ᭄ᬫᬗ᭄ᬯᬶ᭞ᬚᬕ᭠ᬭᬯᬸᬄ᭞ᬫ᭄ᬤᬮ᭄ᬲᬓᬶᬂᬓᭀᬍᬫᬦ᭄᭟ᬲᬵᬫ᭄ᬧᬸᬦ᭄ᬫᬘᬫ᭄ᬧᬸᬄᬲᬧᬶᬲᬦ᭄᭞ᬳᬢᬧ᭄ᬧᬫᬃᬕ᭄ᬕᬶᬦᬾ᭠
ᬲᬫᬶ᭞ᬭᬭᬶᬲ᭄ᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬦᬸᬦᬲ᭄ᬮᬸᬕ᭄ᬭᬳᬫᬦᬗ᭄ᬓᬶᬮ᭄᭞ᬲᬲᬵᬫ᭄ᬧᬸᬦ᭄ᬫᬸᬗ᭄ᬕᬳ᭠ᬦ᭄ᬲᬫᬶ᭞ᬳᬶᬩᭂᬓ᭄ᬦᬸᬗ᭄ᬓᭂᬤ᭄ᬓᬗᬶᬦ᭄ᬓᬯᬸᬄ᭞ᬦᬾᬩ᭄ᬢᬾᬦ᭄ᬓᬚᬓ᭄ᬮᭀᬤ᭄᭞ᬧᬕᬸᬮᬾᬤᬄᬲᬶᬂᬳᬶᬯᬲᬶᬦ᭄᭞᭠
ᬦᬾᬤᬶᬤᬸᬯᬸᬃ᭞ᬲᭀᬭᭀᬳᬶᬭᬶᬗᬂᬮᬮᬜ᭄ᬘᬂ᭟ᬧᬗᬗ᭄ᬕᬾᬦᬾᬲᬃᬯ᭄ᬯᬩᬸᬗᬄ᭞ᬩᬜ᭄ᬘᬶᬗᬄᬓᬤᬶᬧᬳ᭄ᬬᬸᬲᬶᬦ᭄᭞ᬬᬾᬦ᭄ᬲᬯᬗᬂᬯᬶᬱ᭄ᬡᬸᬪᬹᬯᬡ᭞ᬳᬶᬤᬲᬂᬳ᭄ᬬᬂᬅᬭᬶᬫᬹᬃᬢ᭄ᬢᬶ᭞ᬲᬵᬫ᭄ᬧᬸᬦ᭄ᬫᬶᬚᬶᬮ᭄ᬓ
[᭔᭓43A]
ᬢᬗ᭄ᬓᬶᬮ᭄᭞ᬯᬢᭂᬓ᭄ᬤᬾᬯᬢᬫᬧᬸᬧᬸᬮ᭄᭞ᬫᬓᬵᬃᬬ᭄ᬬᬚᬕᬤ᭄ᬥᬶᬢ᭞ᬳᬶᬤᬲᬂᬫᬫᬸᬢᭂᬃᬩᬵᬮᬶ᭞ᬲᬯᬸᬃᬓ᭄ᬜᬸᬂ᭞ᬗᬦ᭄ᬤᬶᬓᬳᬶᬘ᭄ᬮᬧᬜᬧ᭟ᬲᬫᬶᬫᬲᬯᬸᬭᬦ᭄ᬲᭂᬫ᭄ᬩᬄ᭞ᬳᬍᬧ᭄ᬧᬥᬢᬹᬃᬳᬭᬶᬲ᭄
᭞ᬗᬶᬭᬶᬂᬦᬸᬦᬲ᭄ᬧᬗᬦ᭄ᬤᬶᬓ᭞ᬳᬚ᭄ᬭᬶᬄᬧᬘᬂᬗᬭᬶᬳᬶᬦᬶᬦ᭄᭞ᬘᬾᬱ᭄ᬝᬓᬵᬭᬦᬾᬲᬫᬶ᭞ᬫᬶᬲᬥ᭄ᬬᬗ᭄ᬕᬯᬾᬭᬳᬬᬸ᭞ᬢᬶᬗ᭄ᬓᬳᬶᬂᬲᬸᬫᬯᬶᬢ᭞ᬗᬶᬭᬶᬂᬲᬓᬶᬂᬫᬚᬧᬳᬶᬢ᭄᭞ᬢ᭄ᬯᬭᬲᬸᬃᬤ᭄᭞ᬦᬢ
ᬓᬶᬦ᭄ᬲᬪᬵᬬᬵᬦ᭄ᬢᬓ᭟ᬧᬭᬫᬾᬦᬓ᭄ᬫᬗ᭄ᬓᬶᬦ᭄ᬫᭂᬤᬮ᭄᭞ᬧᬧᬢᬸᬢᬦ᭄ᬩᬚᬂᬘ᭄ᬦᬶᬓ᭄᭞ᬗᬵᬢᬹᬭᬂᬘᬦᬂᬫᬜᬧ᭞ᬢᬦᬸᬘᬧᬦ᭄ᬲᬵᬫ᭄ᬧᬸᬦ᭄ᬲᬶᬗᬶᬢ᭄᭞ᬭᬭᬶᬲ᭄ᬧᬥᬫᬧᬫᬶᬢ᭄᭞ᬲᬶᬦᬋᬗᬦ᭄ᬲᬵ
ᬫ᭄ᬧᬸᬦ᭄ᬢᭂᬥᬸᬦ᭄᭞ᬗᬮᬶᬗᬶᬦ᭄ᬧᬓᬸᬍᬫᬦ᭄᭞ᬲᬵᬫ᭄ᬧᬸᬦ᭄ᬫᬮᬸᬯᬭᬦ᭄ᬲᬫᬶ᭞ᬫᬧᬫᬸᬢᬸᬲ᭄᭞ᬦᬾᬩᬾᬜ᭄ᬚᬂᬫᬮᬶᬄᬲᬧᬶᬲᬦ᭄᭟ᬉᬘᬧᬭᬶᬂᬧᬓᬸᬍᬫᬦ᭄᭞ᬯᬢᭂᬓ᭄ᬩ᭄ᬭᬵᬳ᭄ᬫᬡᬲᬸᬮᬶᬗ᭄ᬕᬶᬄ᭞ᬫᬩ
Page:Bali-lontar-gaguritan-rusak-gianyar-03-350ppi.pdf/43
Jump to navigation
Jump to search
This page has been proofread.
