[᭑᭓ 13B]
᭑᭓
ᬧ?ᬭᬭᬢᬸ᭞ᬲᬫᬶᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬩᬾᬜ᭄ᬚᬂᬲ᭄ᬫᭂᬗᬾᬫᬫᬃᬕ᭄ᬕᬶ᭞ᬳ᭄ᬦᭂᬗᬓ᭄ᬦ᭞ᬤᬶᬓ᭄ᬮᬸᬂᬓᬸᬂ᭠ᬓᬘᬭᬶᬢ᭟ᬤᬾᬯᬕᬸᬂᬳᬶᬤᬦ᭄ᬤᬯᬸᬳᬂ᭞ᬭᬶᬂᬳᬶᬤᬫᬜ᭄ᬘᬵᬕᬸᬂᬲᬫᬶ᭞ᬫᬗ᭄ᬤᬾᬫᬦᭂᬤᬸᬦᬂᬧᬜ᭄ᬚᬓ᭄᭞
ᬓᬩᬜ᭄ᬘᬶᬗᬄᬫᬦ᭄ᬩᭂᬗᬶᬦ᭄᭞ᬫᬗ᭄ᬤᬾᬲᬳᬲᬶᬓᭂᬧ᭄ᬳᬸᬕᬶ᭞ᬩᬾᬜ᭄ᬚᬂᬲ᭄ᬫᭂᬂᬫᬗ᭄ᬤᬾᬢ᭄ᬤᬸᬦ᭄᭞ᬢᬍᬃ᭠ᬫᬗ᭄ᬤᬧ᭄ᬭᬬᬢ᭄ᬦ᭞ᬳᬦ᭄ᬢᬸᬓ᭄ᬤᬶᬕ᭄ᬬᬜᬃᬓᬮᬶ᭞ᬧᬭᬳᬕᬸᬂ᭞ᬲᬫᬶᬲᬵᬫ᭄ᬧᬸᬦ᭄ᬫᬦ᭄ᬤᬯᬸᬳᬂ᭞ᬤᬶᬦᬵᬕᬭᬩᬸ
ᬯᬶᬦ᭄ᬓᭀᬘᬧᬂ᭞ᬘᭀᬓᭀᬃᬤ᭄ᬥᬪᬷᬫᬦᬾᬫᬗ᭄ᬓᬶᬦ᭄᭞ᬓᬩᬩᬢᬸᬄᬫᬧᬸᬢᬸᬲᬦ᭄᭞ᬓᬮᬶᬄᬦᬾᬲᬋᬂᬫᬩᬮᬶᬓ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬩᬕᬶ᭞ᬧᬗ᭄ᬭᬯᭀᬲᬾᬚᬕᬗᬯᬸᬕ᭄᭞ᬳᬶᬤᬘᭀ
ᬓᭀᬃᬤ᭄ᬥᬳᭀᬓ᭞ᬦ᭄ᬤᬯᬸᬳᬶᬦ᭄ᬓᬯᬸᬮᬲᬫᬶ᭞ᬫᬗ᭄ᬤᬾᬦ᭄ᬳᬶᬧᬸᬦ᭄᭞ᬧ᭄ᬭᬫᬗ᭄ᬓᬶᬦ᭄ᬗᬯᬗᬸᬦ᭄ᬕᬮᬗ᭄ᬕᬂ᭟᭠ᬧ᭄ᬭᬫᬗ᭄ᬓᬶᬦ᭄ᬳᬶᬧᬸᬦ᭄ᬫᬓᬵᬃᬬ᭄ᬬ᭞ᬕᬮᬗ᭄ᬕᬂᬲᬵᬫ᭄ᬧᬸᬜ᭄ᬘᬫᬯᬶᬲ᭄᭞ᬭᬭᬶᬲ᭄ᬜ᭄ᬯᬭᬬᬂᬮᬾᬮ᭞ᬗᬺᬤᭂᬕ᭄ᬗᭂ᭠
[᭑᭔14A]
ᬩ᭄ᬓᬶᬦ᭄ᬕᬸᬫᬶ᭞ᬕᬾᬕᬾᬃᬧᬜ᭄ᬚᬓᬾᬲᬫᬶ᭞ᬚᬮ᭄ᬫᬦᬾᬧᬥᬩᬶᬬᬸᬃ᭞ᬲᬕᬾᬢ᭄ᬭᬯᬸᬄᬓᬕ᭄ᬬᬜᬃ᭞᭠ᬓᬵᬢᬹᬭᬶᬂᬳᬶᬤᬾᬯᬫᬗ᭄ᬕᬶᬲ᭄᭞ᬳᬶᬤᬲ᭄ᬤᭂᬓ᭄᭞ᬫᬮᬶᬗ᭄ᬕᬶᬄᬭᬶᬂᬓᬓᬼᬘᬦ᭄᭟ᬳᬦ᭄ᬢᬸᬓ᭄ᬧᬭᬫᬜ᭄ᬘᬘᭀ᭠
ᬗᬄ᭞ᬫᬗ᭄ᬓᬶᬦ᭄ᬳᬶᬧᬸᬦᬾᬫᬩᬮᬶᬓ᭄᭞ᬩᬩᬢᬸᬄᬫᬶᬯᬄᬦᬵᬕᬭ᭞ᬲᬫᬶᬲᬵᬫ᭄ᬧᬸᬦ᭄ᬗᭂᬫ᭄ᬧᭂᬢ᭄ᬫᬃᬕ᭄ᬕᬶ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬩᬯᬸᬳᬶᬤᬫᬗ᭄ᬭᬸᬗᬸ᭞ᬧᬺᬫᬗ᭄ᬓᬶᬦ᭄ᬳᬶᬤᬩᬸᬤᬮ᭄᭞ᬗᭀᬚᭀ᭠
ᬕ᭄ᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬢ᭄ᬓᬲᭂᬦ᭄ᬤᬸ᭞ᬢᬦ᭄ᬳᬶᬦᬶᬂᬭᬶᬂᬧᬗ᭄ᬭᬱ᭟ᬧᬭᬧᬸᬢᬺᬳᬶᬭᬶᬓ᭞ᬢ᭄ᬩᭂᬂᬤᬶᬩᬜ᭄ᬘᬶᬗᬄᬦᬗ᭄ᬓᬶᬮ᭄᭞ᬧᬥᬢᬦ᭄ᬤ᭄ᬭᬸᬄᬭᬶᬂᬧᬗ᭄ᬭᬱ᭞ᬧᬮᬶᬂᬓ᭄ᬦᭂᬳᬾᬢᬦ᭄ᬲᬶᬧᬶ᭞ᬳᬶᬓ᭄ᬢᬸᬢ᭄ᬲᬸᬓᬯᬢᬶ᭞
ᬳᬶᬭᬶᬓᬲ᭄ᬩᭂᬗᬾᬓᬯᬸᬲ᭄᭞ᬧᬮᬶᬂᬓ᭄ᬦᭂᬳᬾᬳᭀᬜ᭞ᬳᭂᬗ᭄ᬕᬮᬦ᭄ᬫᬩᬸᬤ᭄ᬥᬶᬫᬢᬶ᭞ᬕᬸᬲ᭄ᬢᬶᬗᬸᬭᬄ᭞ᬓ᭄ᬢᬸᬢ᭄ᬫᬦᬗ᭄ᬓᬶᬮᬶᬦ᭄ᬳᬶᬭᬶᬓ᭟ᬳᬶᬤᬾᬯᬫᬗ᭄ᬕᬶᬲ᭄ᬗᬦ᭄ᬤᬶᬓ᭞ᬳᬶᬘᬾᬤᭀᬓ᭄ᬬᬓ᭄ᬫᭂᬳᬮᬶᬄ᭞ᬢᬸ᭠
