[᭑᭔ 14B]
᭑᭔
ᬫᬧᬫᬶᬢ᭄ᬲᬵᬫ᭄ᬧᬸᬦ᭄ᬓᬶᬦᬲᬸᬂ᭞ᬧᬢ᭄ᬬᬓᬮᬯᬦ᭄ᬧ᭄ᬭᬩᬸᬥᬡ᭄ᬥ᭞ᬧᬥᬳᬮᬸᬯᬭᬦ᭄ᬲᬫᬶ᭟ᬯᬜ᭄ᬘᬶᬯᬸᬲ᭄ᬧᬸᬓᬸᬮ᭄ᬤ᭄ᬯᬩ᭄ᬮᬲ᭄᭞ᬲ᭄ᬤᭂᬂᬦᭂᬫ᭄ᬩᬂᬲᬮᭀᬫ᭄ᬧ᭄ᬭᬾᬢᬾᬗ᭄ᬯᬗ᭄ᬲᬶᬢᬶᬦ᭄᭞ᬭᬦ᭄ᬢᬾᬬᬦ᭄ᬫᬓᬤᬶᬦᬶ
ᬧᬸᬦ᭄᭞ᬲᬩᬭᬂᬦᬫ᭄ᬩᬸᬢ᭄ᬓᬵᬃᬬ᭄ᬬ᭞ᬲᬫ᭄ᬬᬦ᭄ᬧᬥᬩᬸᬤᬮ᭄ᬗᬸᬗ᭄ᬲᬶᬘᬸᬗ᭄ᬓᬸᬩ᭄ᬳᬶᬧᬸᬦ᭄᭞ᬫᬦ᭄ᬤᭀᬃᬗᬸᬫ᭄ᬧᬸᬮᬂᬲᬢ᭄ᬭᬧᬦ᭄᭞ᬗᬾᬮᭀᬓ᭄ᬭᬶᬂᬲᭂᬧᬾᬃᬉᬫᬜ᭄ᬚᬶᬂ᭟ᬓᬲᬭᬸᬂᬦᬾᬲᬵᬫ᭄ᬧᬸᬦ᭄ᬩᬸᬤᬮ᭄
᭞ᬯᬾᬦ᭄ᬢᭂᬦ᭄ᬓᬵᬢᬹᬭ᭞ᬢᬸᬢᬸᬭᬦ᭄ᬓ᭄ᬯᬾᬄᬭᬶᬦᬶᬜ᭄ᬘᬶ᭞ᬓᬶᬦᬸᬘᬧ᭄ᬗ᭄ᬭᬢ᭄ᬢᬲᬂᬯᬶᬓᬸ᭞ᬧᬸᬢᬸᬲ᭄ᬲᬸᬲᬦ᭄ᬤ᭄ᬬᬾᬂᬚ᭄ᬜᬦ᭞ᬦᬾᬓᬧᬶᬦ᭄ᬤ᭄ᬭᬶᬄ᭞ᬥᬃᬫ᭄ᬫᬧᬕᭂᬄᬥᬶᬩ᭄ᬬᬘᬓ᭄ᬱᬸ᭞ᬓᬪᬬᬾᬂᬢᬸᬳᬸᬭᬶᬂᬚᬕ
ᬢ᭄᭞ᬧᬸᬦᬶᬓᬬᭀᬕ᭄ᬬᬓᬳᬶᬭᬶᬂ᭟ᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬫᬸᬳᬢᬂ᭞ᬳᬧᬦ᭄ᬲᬸᬓᭂᬄᬕᬕᭀᬤᬦᬾᬗᬾᬯᭂᬳᬶᬦ᭄᭞ᬕ᭄ᬥᬾᬳᭀᬫ᭄ᬩᬓ᭄ᬕ᭄ᬥᬾᬳᬯᬸᬲ᭄᭞ᬬᬾᬦ᭄ᬤᬶᬕᬸᬫᬶᬦᬾ
[᭑᭕ 15A]
ᬓᬺᬢ᭄ᬢ᭞ᬢ᭄ᬯᬄᬳᬶᬗᬦᬦ᭄᭞ᬲᬗ᭄ᬓᬮᬦᬾᬧᬘᬂᬭᬯᬸᬄ᭞ᬳᬫ᭄ᬩᭂᬓ᭄ᬚᬕᬢᬾᬥᬭᬡ᭞ᬲᭀᬭᭀᬄᬕᬕᭀᬤᬦᬾᬫᬭᬶ᭟ᬓᬮᬦᬾᬦ᭄ᬤᬲᬃᬲᬕᬭ᭞ᬦ᭄ᬢᭀᬫᬜᬸᬲᬸᬧᬭᬶᬂᬕᬹ
ᬫᬶᬫᬶᬯᬄᬳᬗᬶᬦ᭄᭞ᬤᬤᬶᬕ᭄ᬭᬶᬂᬫᬭᬡᬕ᭄ᬭᬸᬩᬸᬕ᭄᭞ᬦᬸᬗᬦ᭄ᬢᬶᬇᬗ᭄ᬓᭂᬮᬶᬗ᭄ᬓᭂᬮᬦ᭄᭞ᬤᬶᬲᬸᬩᬦᬾ᭞ᬧᬳᬶᬗᬦᬦ᭄ᬜᬦ᭄ᬭᬵᬧ᭄ᬲᬸ᭞ᬮᬶᬫ᭄ᬩᬄᬗ᭄ᬩᭂᬓᬶᬦ᭄ᬪᬹᬯᬡ᭞ᬳᬫ᭄ᬩᭂᬓ᭄ᬚᬕᬢᬾᬜ᭄ᬚᬶᬯᬳᬶᬦ᭄᭟ᬓᬵ
ᬮᬭᬓ᭄ᬱᬲᬥᬵᬦᬯ᭞ᬲᬫᬶᬫᬶᬚᬶᬮ᭄ᬲᬓᬶᬂᬍᬗ᭄ᬓᬫᬜᬸᬲᬸᬧᬶᬦ᭄᭞ᬤᬰᬫᬸᬓᬳᬮᬮᬢᬸ᭞ᬳᬋᬧ᭄ᬫᬗ᭄ᬮᬸᬭᬸᬕ᭄ᬲ᭄ᬯᬃᬕ᭄ᬕ᭞ᬓᬭᬗ᭄ᬲᬸᬓᬦ᭄ᬪᬹᬝᬓ᭄ᬭᬡᬧᬢᬶᬢᬩ᭄ᬮᬸᬓ᭄᭞ᬤᬶᬢᬸᬜᬭᬸᬦ᭄ᬤᬸ
ᬧᬂᬜᬸᬯᬂ᭞ᬤᬾᬦ᭄ᬳᬾᬦ᭄ᬦᬃᬧ᭄ᬧᬢᬶ᭟ᬧᬢᬧᬦ᭄ᬋᬱᬶᬲᬵᬥᬓ᭞ᬢᬦ᭄ᬮᬫᬗᬮᬸᬮᬸᬳᬶᬪᬹᬝᬪᬹᬝᬶ᭞ᬭᬶᬂᬳᬗ᭄ᬕᬲᬂᬧᬭᬯᬶᬓᬸ᭞ᬕᬕᭀᬤᬦ᭄ᬗ᭄ᬭᬸᬲᬓ᭄ᬩ᭄ᬭᬢ᭞ᬧᬜᭀᬩᬦᬾᬲᬂᬳ᭄ᬬᬂᬯᬶᬥᬷᬳ
Page:Bali-lontar-gaguritan-resiwada-350ppi.pdf/15
Jump to navigation
Jump to search
This page has been proofread.
