[᭒2B]
᭒
ᬦᬾᬗᬹᬦᬶ᭟ᬲᬳᬶᬮᬘᬸᬃᬦᬗᬶᬲ᭄ᬗᬤᬸᬳᬸᬗᬂᬭᬕ᭞ᬳᬦ᭄ᬢᬸᬓᬾᬓᬤᬶᬫᬗ᭄ᬓᬶᬦ᭄᭞ᬲᬢ᭄ᬲᬢ᭄ᬧᬶᬢ᭄ᬭ᭠ᬲᬲᬃ᭞ᬭᬶᬂᬢᭂᬕᬮ᭄ᬧᬦᬗ᭄ᬲᬭᬦ᭄᭞ᬓᬲᬸᬮᬸᬳᬦ᭄ᬲᬹᬃᬬ᭄ᬬᬓᭀᬢᬶ᭞ᬲᬓᬤᬶᬜᬄᬜᬄ᭞ᬕᭂᬮᬶᬲᬂ᭠
ᬳᬸᬕᬶᬓᬃᬬ᭄ᬬᬦᬶᬦ᭄᭟ᬫᬗ᭄ᬤᬾᬓᬲ᭄ᬭᬄᬫᬭᬶᬂᬓᬯᬄᬫᬭᭀᬭᬯ᭞ᬳᬶᬤᬲᬂᬫᬸᬢᭂᬃᬩᬮᬶ᭞᭠ᬳᬶᬘ᭄ᬙᬧᬦᬸᬕ᭄ᬭᬳᬦ᭄᭞ᬲᬢ᭄ᬲᬢ᭄ᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬧᬶᬚᬶᬮᬶᬳᬚ᭄ᬜᬦᬲᬸᬘᬶ᭞ᬧᬸᬦᬶᬓᬧᬶᬲᬦ᭄᭞ᬲᬸᬲᬸᬂᬳᭂ
ᬢᭀᬳᬶᬦ᭄ᬳᬸᬭᬶᬧ᭄᭟ᬧᬵᬢᬹᬢ᭄ᬧᬓᬬᬸᬦᬦ᭄ᬫᬓᬵᬃᬬ᭄ᬬᬅᬫᬺᬢ᭄ᬣ᭞ᬗᭂᬢᬶᬲᬶᬦᬲᬶᬂᬲᬓᬶᬢ᭄᭞᭠ᬤᬸᬭᬸᬲᬂᬧᬸᬢᭂᬭᬂ᭞ᬲᬢ᭄ᬲᬢ᭄ᬕᬸᬦᬸᬂᬫᬡ᭄ᬥᬭ᭞ᬮᬶᬗ᭄ᬕᬶᬄᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬫᬗ᭄ᬓᬶᬦ᭄ᬩᬳᭀᬲᬂ᭞ᬫᬗ᭄ᬤᬾᬫᬺ᭠
ᬢ᭄ᬣᬦᬾᬫᬶᬚᬶᬮ᭄᭟ᬓᬳᬸᬮᬫᬓᬲᬵᬕᬭᬳᬓᬸᬧᬲᬭ᭞ᬘᭀᬓᭀᬃᬤᬭᬶᬂᬫᬗ᭄ᬯᬶ᭞ᬫᬶᬦᬸᬢᭂᬭᬂᬧᬸᬘᬓ᭄᭞ᬲᬂᬫᬸᬢᭂᬃᬩᬮᬶᬗ᭄ᬤᬦ᭄ᬤ᭄ᬭ᭞ᬫᬓᬩᬮᬶᬢᬫ᭄ᬧᬓ᭄ᬲᬶᬭᬶᬂ᭞ᬲᬋᬂᬧᬬᬗᬦ᭄᭞ᬲᬢ᭄ᬲᬢ᭄ᬦᬵᬕᬩ
[᭓3A]
ᬲᬸᬓᬶ᭟ᬘᭀᬓᭀᬃᬤᬯᬤ᭄ᬭᬲᬢ᭄ᬲᬢ᭄ᬯᬢᭂᬓ᭄ᬤᬾᬯᬢ᭞ᬧᬮ᭄ᬬᬢᬦ᭄ᬫᬗᬶᬭᬶᬂ᭞ᬫᬓᬭᬂᬤᬢ᭄ᬬ᭠ᬭᬵᬚ᭞ᬧᬸᬭᬸᬱᬢᬦ᭄ᬧᬧᬶᬮᬶᬳᬦ᭄᭞ᬩ᭄ᬮᬄᬢᬸᬄᬲᬂᬢᬶᬕᬂᬲᬶᬓᬶ᭞ᬲᬋᬂᬫᬗᬸᬫᬤ᭄᭞ᬧᬶᬜ᭄ᬘᭂᬭᬂᬓᬤᬶᬕᬗ᭄ᬲᬶᬂ᭟
ᬭᬭᬶᬲ᭄ᬩᬢᭂᬓ᭄ᬯᬗᬸᬦ᭄ᬲᬵᬕᬭᬲᬧᬶᬲᬦ᭄᭞ᬦ᭄ᬤᬶᬓᬧᬦ᭄ᬬᬢᬦ᭄ᬫᬶᬚᬶᬮ᭄᭞ᬅᬫᬺᬢ᭄ᬣᬧᬯᬶᬢ᭄ᬭ᭞ᬳᭂ᭠ᬗ᭄ᬓᬾᬦ᭄ᬲᬢ᭄ᬲᬢᬫᬺᬢ᭄ᬣ᭞ᬬᬸᬱᬦ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄ᬲᬧᬭᬭᬗ᭄ᬤ᭞ᬧᬸᬦᬶᬓᬥᬡ᭄ᬝᬯᬭᬶ᭟ᬍᬯᬶᬳᬶᬂᬭᬵᬚᬩ᭄ᬭ
ᬡᬲᬢ᭄ᬲᬢ᭄ᬓᬲ᭄ᬢᬸᬩ᭞ᬫᬮᬶᬄᬭᬯᬦ᭄ᬢᭂᬦ᭄ᬓᬮᬶᬗ᭄ᬓᬶᬂ᭞ᬕᭂᬦᬄᬲᬃᬯ᭄ᬯᬯᬶᬚ᭞ᬧᬸᬦᬶᬓᬫᬓᬘᬢ᭄ᬭ᭞ᬧ᭠ᬳᬾᬫ᭄ᬩᭀᬦᬦ᭄ᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬧᬗᬸᬧᬚᬶᬯ᭞ᬢᬦ᭄ᬓᬸᬭᬂᬢᬥᬄᬪᬹᬓ᭄ᬢᬶ᭟ᬳᬸᬭᬶᬧ᭄ᬲᭀᬭᭀᬄᬤᬰᬯᬶᬱ᭄ᬬ᭠
ᬓᬮᬓᬸᬢᬬ᭞ᬲᬯᬢᭂᬓ᭄ᬓᭀᬫ᭄ᬧ᭄ᬬᬂᬩᬚᬶ᭞ᬫᬓᬵᬤᬶᬳᬶᬲᬭ᭞ᬧᬸᬦᬶᬓᬧᬦᭂᬲ᭄ᬩᬭ᭞ᬓᬤᬶᬓᬰᬓ᭄ᬢᬶᬦᬶᬂᬤᬾᬱ᭄ᬝᬶ᭞ᬜᬦ᭄ᬤᬂᬢᭂᬮᬲᬂ᭞ᬳᬸᬭᬶᬧ᭄ᬳᬶᬧᬸᬦᬾᬲᬫᬶ᭟ᬳᬶᬗ᭄ᬕᬶᬄᬳᬸᬭᬶᬧᬶᬂᬲᬧᬭᬭᬵᬚᬧᬸ
Page:Bali-lontar-gaguritan-rereg-gianyar-300ppi.pdf/3
Jump to navigation
Jump to search
This page has been proofread.
