[᭑᭓13B]
᭑᭓
ᬜ᭄ᬘ᭞ᬚᭂᬚᭂᬫᬓᬦ᭄ᬤᬓᬦ᭄ᬤ᭞ᬓᭀᬘᬧ᭄ᬳᬶᬤᬓᭀᬫ᭄ᬧ᭄ᬬᬂᬩᬚᬶᬂ᭞ᬓᬾᬯᭂᬄᬗᬯᬲᬂ᭞ᬳᭂᬗ᭄ᬓᬾᬦ᭄ᬚᬦᬶᬯ᭄ᬓᬲᬶ᭠ᬦ᭄᭟ᬩᬕ᭄ᬩᬕ᭄ᬩᬶᬕ᭄ᬩᬶᬕ᭄ᬓᬤᬶᬓᬸᬤ᭄ᬥᬩ᭄ᬮᬾᬲᬾᬗᬦ᭄᭞ᬳᬲᬶᬂᬢᭂᬧᬸᬓ᭄ᬓᭂᬜᬸᬲᬶᬦ᭄᭞ᬗᬶᬘᬾᬦ᭄ᬫᬗᭂᬤᬾᬓᬂ᭞ᬲ᭄ᬩᭂᬂᬓ᭄ᬘᬸᬤ᭄ᬚᭂᬗᬄ᭞
ᬢᭀᬂᬳᬤᬳᬦᬓ᭄ᬗᭂᬦᭂᬫᬶᬦ᭄᭞ᬫᬮᬶᬄᬫᬢᬸᬮᬓ᭄᭞ᬮ᭄ᬯᬶᬃᬓᬲᬶᬦ᭄ᬯᬫ᭄ᬓᬲᭂᬦ᭄ᬯᬾᬂᬭᬯᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬓᬲ᭄ᬯᬾᬦ᭄ᬧᭀᬮᬶᬄᬯ᭄ᬓᬲᬦ᭄᭞ᬧᬳᬶᬗᬦᬦ᭄ᬯᬳᬸᬲᬶᬗᬶᬢ᭄᭞ᬩᬳᬸᬫᬭᬓᬦᬸᬕ᭄ᬭᬳᬦ᭄᭞ᬳᬸᬢᬸᬲᬦ᭄ᬭᬳᬸᬄ
ᬗᬢᬸᬭᬶᬦ᭄᭞ᬢᭂᬤᬸᬦ᭄ᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬦᬶᬜ᭄ᬘᬧ᭄ᬚ᭄ᬭᭀᬓᬸᬢᬓ᭄ᬮᬸᬂᬓᬸᬂ᭞ᬗᭀᬚᭀᬕ᭄ᬓᬧᬸᬭᬶᬓᬮᬾᬭᬦ᭄᭞᭠ᬭᬶᬂᬳᬶᬤᬤᬾᬯᬵᬕᬸᬂᬭᬳᬶ᭞ᬢ᭄ᬓᬫᭂᬓᬸᬮ᭄᭞ᬧ᭄ᬭᬲᬗ᭄ᬕᬦᬸᬦᬲ᭄ᬯᭂᬓᬲᬦ᭄᭟ᬢ᭄ᬮᬲ᭄ᬗᬢᬸᬭᬂᬭᬕ᭞ᬬᬤ᭄ᬬᬦ᭄ᬧᬶᬂᬲᬧ᭄ᬢᬦᬸᬫᬤᬶ᭞
ᬫᬗ᭄ᬤᬫᬮᬶᬄᬓᬸᬫᬳᬸᬮ᭞ᬲᬶᬕ᭄ᬲᬶᬕᬦ᭄ᬯᭂᬢᬸᬢᬗᬶᬲ᭄᭞ᬢᬦ᭄ᬫᬭᬶᬗᬲᬶᬳᬲᬶᬄ᭞ᬳᬢᬸᬭᬾᬭᬢᬸᬤᬾ᭠ᬯᬵᬕᬸᬂ᭞ᬬᬦ᭄ᬯᬦᬾᬄᬗᬫᬜ᭄ᬚᬓᬂ᭞ᬳᬸᬭᬶᬧ᭄ᬳᬶᬗᬸᬭᬳᬾᬳᬫ᭄ᬩᬶᬮ᭄᭞ᬫᬗ᭄ᬤᬾᬧᬸᬧᬸᬢ᭄᭞ᬧᬦᬳᬸᬭᬦᬾᬗᬳᬸᬮ᭟᭠
[᭑᭔14A]
ᬳᬸᬭᬶᬧᬾᬫᬦᬦ᭄ᬤᬂᬯᬶᬭᬂ᭞ᬓᬓᭂᬤᬾᬓᬶᬦ᭄ᬳᬦ᭄ᬢᬸᬓ᭄ᬕᬸᬫᬶ᭞ᬫᬮᬶᬄᬧᬶᬤᬦ᭄ᬯᬸᬲ᭄ᬓᬳᬸᬘᬧ᭄᭞ᬤᬸᬄᬓᬶᬢᬦᬾ᭠ᬓᬤᬶᬫᬗ᭄ᬓᬶᬦ᭄᭞ᬗᭂᬩᭂᬓᬶᬦ᭄ᬢᬦᬄᬮᬗᬶᬢ᭄᭞ᬓᬘᬢ᭄ᬭᬶᬤᬸᬫᬤᬶᬮᬘᬸᬃ᭞ᬬᬦ᭄ᬯᬭᬵᬦᬸᬕ᭄ᬭᬳ᭞ᬘᭀᬓᭀᬃᬳᬶᬤᬾ
ᬯᬦᬾᬫᬗ᭄ᬓᬶᬦ᭄᭞ᬩᬶᬮᬶᬄᬍᬩᬸᬃ᭞ᬦᬵᬕᬭᬦᬾᬭᬶᬂᬕ᭄ᬬᬜᬃ᭟ᬦᬄᬲᬸᬩᬳᬂᬳᬤᬶᬗᬸᬭᬄ᭞ᬤᬜᭂᬮ᭄ᬲᭂᬮᬂᬩᬸᬓᬚᬦᬶ᭞ᬩᬬᬧ᭠ᬦᬶᬢᬄᬪᬝᬵᬭ᭞ᬧᬗ᭄ᬤᬦᬶᬂᬲᬗ᭄ᬳ᭄ᬬᬂᬓᬵᬮᬶ᭞ᬳᬧᬦ᭄ᬲᬶᬧᬢ᭄ᬤᬸᬫᬤᬶ᭞ᬢ᭄ᬯᬭᬧᬗ᭄ᬕᬶᬮ᭄ᬳᬮ᭠
ᬳᬬᬸ᭞ᬢᬦ᭄ᬪᬶᬦᬓᬬᬸᬮᬢ᭞ᬢ᭄ᬯᬭᬧ᭄ᬮᬶᬄᬢᭂᬫ᭄ᬧᬸᬄᬳᬗᬶᬦ᭄᭞ᬲᬶᬂᬢᬸᬫᬸᬯᬸᬄ᭞ᬓᬢᬶᬩᬦᬦ᭄ᬲᬸᬓᬵᬤᬸᬄᬓᬵ᭟ᬫᬗ᭄ᬓᬶᬦ᭄ᬩᬸᬓᬳᬤᬶᬗᬸᬭᬄ᭞ᬤᬤᬶᬭᬢᬸᬩᬸᬓᬚᬦᬶ᭞ᬢᬦᬶᬓᬢ᭄ᬓᬦ᭄ᬤᬸᬄᬓᬶᬢ᭞ᬢᭀᬳᬶᬤᬲᬂᬥᬃᬫ᭄ᬫᬫᬹᬃ᭠
ᬢ᭄ᬢᬶ᭞ᬭᬢᬸᬳᬜᬓ᭄ᬭᬯᬃᬢ᭄ᬢᬶ᭞ᬫᬮᬶᬄᬫᬫᬗ᭄ᬕᬶᬄᬧᬓᬾᬯᬸᬄ᭞ᬗᬮᬲ᭄ᬩᬸᬮᬦ᭄ᬩᬸᬮᬦᬦ᭄᭞ᬲᬶᬂᬚᬮᬦ᭄ᬳᬶ᭠ᬤᬫᬗᭂᬫ᭄ᬧᬶ᭞ᬤᬫᬗᬶᬢᬸᬂ᭞ᬲᬶᬧᬢᬶᬂᬳᬸᬘᬧᬦ᭄ᬰᬵᬲ᭄ᬢ᭄ᬭ᭟ᬢᬧᭀᬧᬕᬯᬾᬦᬾᬓᬸᬦ᭞ᬲᬺᬱ᭄ᬝᬶᬲᬂᬳ᭄ᬬᬂᬧᬰᬸᬧᬢᬶ᭞
Page:Bali-lontar-gaguritan-rereg-gianyar-300ppi.pdf/14
Jump to navigation
Jump to search
This page has been proofread.
