[ ᭗᭓ 73B]
᭗᭓᭞
ᬓᬸᬢ᭞ᬮ᭄ᬯᬲ᭄ᬓᬩᬮᬶᬳᬕ᭞ᬮᬓᬃᬗᬮᬶᬄᬩ᭄ᬮᬶᬦ᭄ᬘᭂᬦᬶᬂ᭞ᬬᬦ᭄ᬢ᭄ᬯᬭᬢ᭄ᬓᬵ᭞ᬩᬶᬦᬵᬩᬸᬮᬦᬸᬧᬫᬶ᭟ᬫᬭᬘ᭄ᬦᬶᬂᬧᬢᬸᬢ᭄ᬜᭂᬩᭂᬢᬂᬫᬗᭂᬦᬂ᭞ᬩᬧᬵᬢ᭄ᬯᬭᬚᬵ
ᬜᬤᬶᬦ᭄᭞ᬯᬘᬡᬦ᭄ᬦᬭᬾᬦ᭄ᬤ᭄ᬭᬲᬓᬭᬶᬂᬯᬯᬤᭀᬦᬦ᭄᭞ᬗᭂᬧᬾᬢ᭄ᬘᬶᬤ᭄ᬭᬲᬓᬾᬂᬲᬶᬮᬶᬩ᭄᭞ᬗᬤᭀᬓᬂᬧᭀᬗᬄ᭞ᬗᬸᬮᬢᬶᬤᬾᬯᬾᬓ᭄ᬘᭂᬦᬶᬂ᭟ᬢ᭄ᬯ
ᬭᬜᬦ᭄ᬤᬂᬫᬋᬱᬄᬕᬗ᭄ᬲᬭᬦ᭄ᬢᬶᬦ᭄ᬤᬓ᭄᭞ᬯᬶᬦᬱᬤᬾᬦᬶᬂᬭᬸᬦ᭄ᬢᬶᬓ᭄᭞ᬫᬧ᭄ᬯᬭᬍᬓ᭄ᬚᭂᬗᬄ᭞ᬩᬧᬩᬦᬶᬜᬸᬫ᭄ᬩᬭᬂ᭞ᬩ᭄ᬮᬶᬦ᭄ᬘᭂᬦᬶᬂᬲᬶᬦᬄᬫᬸᬮᬶᬄ᭞ᬢ᭄ᬯᬭᬚ
ᬲᬚᬵ᭞ᬲᬸᬩᬫᬢᬶᬤᬶᬧᬲᬶᬄ᭟ᬓᬾᬢᭀᬘ᭄ᬦᬶᬂᬫ᭄ᬮᬄᬚᬫᬮᬸᬳᬦ᭄ᬢᭀᬲᬂ᭞ᬲᬢ᭄ᬓᬦ᭄ᬩᭂᬮᬶᬦ᭄ᬘᭂᬦᬶᬂ᭞ᬗ᭄ᬳᬶᬂᬧᬶᬓ᭄ᬤᭂᬄᬩᬧ᭞ᬬᬦ᭄ᬩᭂᬮᬶᬦ᭄ᬘᭂᬦᬶᬂᬢ᭄ᬓ᭞ᬢ᭄ᬯᬭᬜᬦ᭄ᬤᬂ
[ ᭗᭔ 74A]
ᬦᬸᬓᬵᬘ᭄ᬦᬶᬂ᭞ᬘᭀᬢᭀᬦ᭄ᬜᬤ᭄ᬯᬂ᭞ᬲᬗ᭄ᬓᬮᬦᬾᬤᬶᬧᬸᬭᬶ᭟ᬳᬧᬂᬢ᭄ᬯᬭᬵᬩ᭄ᬮᬶᬦ᭄ᬘᭂᬦᬶᬂᬓᬚᭂᬗᬳᬦ᭄᭞ᬲ᭄ᬗᬶᬢ᭄ᬫᬋᬧ᭄ᬓᬧᬸᬭᬶ᭞ᬧᬬᬸᬫᬓᭀᬘᭀ
ᬢᬦ᭄᭞ᬕᬸᬫᬶᬦᬾᬫᬕ᭄ᬗᬦᬦ᭄᭞ᬫᬫᬸᬲᬸᬄᬢ᭄ᬓᬾᬦ᭄ᬰ᭄ᬭᬶᬳᬚᬶ᭞ᬩᬸᬓᬦᬾᬲᬸᬩ᭞ᬜᬦ᭄ᬤᬂᬘ᭄ᬦᬶᬂᬧᬶᬦᭂᬳᬶᬦ᭄᭟ᬓᬤᬸᬳ᭄ᬓᬶᬢᬦ᭄ᬩᭂᬮᬶᬦ᭄ᬘᭂᬦᬶᬂᬮᬭᬯᬶᬭᬂ
᭞ᬫᬾᬮᬦᬶᬦ᭄ᬤᬾᬯᬾᬓ᭄ᬘᭂᬦᬶᬂ᭞ᬓᬩᬢᭂᬓ᭄ᬍᬓ᭄ᬚᭂᬗᬄ᭞ᬚᬮᬭᬦ᭄ᬧᬬᬸᬫᬲ᭄ᬬᬢ᭄᭞ᬤᭀᬂᬚᬵᬩᬧᬢᬓᬸᬢ᭄ᬫᬢᬶ᭞ᬗᭂᬢᭀᬳᬶᬦ᭄ᬧ᭄ᬬᬦᬓ᭄᭞ᬦᬶ
ᬦ᭄ᬤᬶᬳᬶᬦ᭄ᬩᭂᬮᬶᬦ᭄ᬘᭂᬦᬶᬦᬶᬂ᭟ᬦᬗ᭄ᬳᬶᬂᬚᬦᬶᬓᬥᬸᬂᬲᬸᬩᬵᬫᬫ᭄ᬮᬄᬫ᭄ᬮᬄ᭞ᬳᬋᬧᬾᬓᬧᭀᬄᬚᭂᬗ᭄ᬕᬶ᭞ᬚᬮᬦᬲ᭄ᬢᬧᬬᬂ᭞ᬢ᭄ᬯᬭᬜᬦ᭄ᬤᬂᬜᭂᬗᬳᬂ᭞ᬧᬗᭀᬤ
Page:Bali-lontar-gaguritan-rarajonti-350ppi.pdf/74
Jump to navigation
Jump to search
This page has been proofread.
