[ ᭖ 6B]
᭖᭞
ᬧᭀᬦ᭄ᬫᬢᬶ᭟ᬲᬭᬘᬳᬶᬗᭀᬤᬕ᭄ᬕᬸᬫᬶᬦᬾᬤᬶᬧ᭄ᬭᬬ᭞ᬦᬶᬭᬗᬯᭂᬕᬂᬧᬢᬶᬄ᭞ᬘᬳᬶᬤᬶᬢᬸᬫᬸᬫᬄ᭞ᬯ᭄ᬦᬂᬫᬜ᭄ᬚᬶᬂᬧ᭄ᬚᬳᬂ᭞ᬨᬮᬦ᭄ᬘᬳᬶᬦᬾᬲᬸᬪᬓ᭄ᬢᬶ
ᬗᬢᬸᬭᬂᬳᬬᬄ᭞ᬩᬦᬶᬦᬶᬦ᭄ᬤᬶᬳᬶᬦ᭄ᬕᬸᬫᬶ᭟ᬲᬧᬸᬦᬶᬓᬵᬋᬦ᭄ᬢᭂᬄᬯᬘᬡᬦ᭄ᬓᬭᬾᬦ᭄ᬤ᭄ᬭ᭞ᬭᬶᬂᬭᬤᬾᬦ᭄ᬩᬜ᭄ᬚᬃᬲᬭᬶ᭞ᬲᬂᬓᬶᬘ᭄ᬘᬾᬦ᭄ᬯᬘᬡ᭞ᬦᬢ᭄ᬬᬜᬓᬸᬧᬂᬢ
ᬗᬦ᭄᭞ᬲᬳᬲᬫ᭄ᬩᬄᬫᬢᬸᬃᬳᬶᬗ᭄ᬕᬶᬄ᭞ᬤᬸᬄᬦᬭᬦᬵᬱ᭞ᬤᬸᬫᬤᬓ᭄ᬲᬶᬤ᭄ᬥᬾᬂᬓᬧ᭄ᬢᬶ᭟ᬢᬶᬢ᭄ᬬᬂᬗᬶᬭᬶᬂᬧᬓᬵᬃᬱᬜ᭄ᬘᭀᬓᭀᬃᬳᬶᬤᬾᬯ᭞ᬦᬸᬦᬲ᭄ᬮᬸᬕ᭄ᬭᬫᬧᬫᬶᬢ᭄᭞
ᬫᬗ᭄ᬓᬶᬦ᭄ᬗᭂᬦ᭄ᬤᭀᬦ᭄ᬬᬸᬥᬃ᭞ᬫᬗ᭄ᬕᬸᬢ᭄ᬳᬶᬤᬲᬂᬦᬵᬣ᭞ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬭᬭᬶᬲ᭄᭞ᬫ᭄ᬤᬮ᭄ᬓᬚᬩ᭞ᬦᬭᬶᬲᬂᬧᬘᬂᬗᬶᬭᬶᬂ᭟ᬲᬫᬶᬳᬾᬕᬃᬗᬗ᭄ᬓᬲᬗ᭄ᬓᬲ᭄ᬲᬋᬂ
[ ᭗ 7A]
ᬫᬗ᭄ᬓᬢ᭄᭞ᬲᬳᬸᬃᬧᬓ᭄ᬱᬶᬲᬳᬶᬭᬶᬂ᭞ᬧᬕ᭄ᬬᬂᬧᬤᬶᬗ᭄ᬓᭂᬮᬓ᭄᭞ᬧᬕ᭄ᬭᭀᬕᭀᬄᬧᬓᬸᬭᬾᬢᬓ᭄᭞ᬗᬫ᭄ᬩᬶᬮ᭄ᬢᬸᬫ᭄ᬩᬓ᭄ᬦᬶᬓᬸᬮ᭄ᬗᭂᬥᬶᬮ᭄᭞ᬳᬸᬲᬸᬂᬫᬲᬸᬃᬬ᭄ᬬᬓ᭄᭞
ᬲᬓᬤᬶᬓ᭄ᬭᬸᬕᬦ᭄ᬧᬲᬶᬄ᭟ᬬᬦ᭄ᬲᬯᬗᬂᬢᬸᬮ᭄ᬬᬳᭀᬫ᭄ᬩᬓ᭄ᬫᬕᬸᬮᬸᬗᬦ᭄᭞ᬫᬗ᭄ᬓᬢ᭄ᬲᬂᬗᭂᬦ᭄ᬤᭀᬦ᭄ᬚᬸᬭᬶᬢ᭄᭞ᬧᬕᬺᬕᭂᬕ᭄ᬳᬂᬩᬮ᭞ᬦᬤᬶᬗᭂᬧᬾᬳᬂ
ᬚᬕᬢ᭄᭞ᬓᬤᬶᬦᬯᬵᬗᬺᬱᬶᬦᬵᬢᬶ᭞ᬕ᭄ᬭᬾᬕᬾᬳᬦ᭄ᬓᬸᬤ᭞ᬭᬱᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭟ᬓ᭄ᬮᬩᬶᬂᬥ᭄ᬯᬚᬘᬭᬗᬢᬕ᭄ᬲᬫᬬᬸᬥ᭞ᬢ᭄ᬗᭂᬂᬲᬜ᭄ᬚᬢᬢᬶᬢᬶᬩ᭄
᭞ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬦ᭄ᬓᬾᬫᬸᬢᬾᬂᬤᬬᬧᬢᬶ᭞ᬗᬶᬚᬶᬓᬂᬓᬸᬤ᭞ᬭᬶᬂᬳᬃᬱᬫᬫᬸᬦᬸᬓᬶᬦ᭄᭟ᬗᬸᬬᭂᬂᬧ᭄ᬤᬂᬲᬬᬕᬜᬶᬗ᭄ᬲᭂᬢ᭄ᬮᬜ᭄ᬘᬶᬗᬦ᭄᭞ᬯᬢ
Page:Bali-lontar-gaguritan-rarajonti-350ppi.pdf/7
Jump to navigation
Jump to search
This page has been proofread.
