This page has been proofread.
[ ᭑ 1B]
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬕᬶᬦᬤ᭟ᬳᬢᬸᬃᬧᬗᬓ᭄ᬱᬫᬦ᭄ᬢᬶᬢ᭄ᬬᬂ᭞ᬭᬶᬂᬳᬶᬤᬤᬦᬾᬲᬂᬲᬸᬤ᭄ᬥᬶ᭞ᬫᬫᬯᭀᬲᬶᬦ᭄ᬧᬓᬃᬬ᭄ᬬᬦ᭄ᬢᬶᬢ᭄ᬬᬂ᭞ᬤᬸ
ᬫᬤᬓ᭄ᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄᭞ᬮᬾᬥᬂᬗᬃᬱᬾᬦ᭄ᬕᬕᬸᬭᬶᬢᬦ᭄ᬭᬭᬚᭀᬦ᭄ᬢᬶ᭞ᬓᬤᬶᬳᬢᬸᬃᬢᬶᬢ᭄ᬬᬂᬧ᭄ᬘᬓ᭄᭟ᬲᬫᬗ᭄ᬤᬾᬜᬶᬤ᭄ᬥᬬᬂᬲᬸᬩᬮ᭄᭞
ᬧᬗᬯᬶᬤᬾᬦ᭄ᬤᬵᬫᬵᬲ᭄ᬓᬸᬦᬶᬂ᭞ᬦᬾᬲᬫ᭄ᬧᬸᬦᬵᬢᬸᬭᬂᬢᬶᬢ᭄ᬬᬂ᭞ᬧᬸᬦᬶᬓᬶᬮᬦ᭄ᬢᬸᬭᬦᬶᬧᬸᬦ᭄᭞ᬦᬗ᭄ᬳᬶᬂᬢᬶᬢ᭄ᬬᬂᬫᬦ᭄ᬤᬯᭂᬕᬂ᭞ᬫᬢᬸᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢ
ᬫ᭄ᬩᭂᬢᬾᬓᬮᬶᬦ᭄ᬢᬂ᭟ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬓᬢᬢ᭄ᬯᬦ᭄ᬤᬢᬸᬅ᭄ᬧᭀᬄᬚᭂᬗ᭄ᬕᬶ᭞ᬲᬂᬧ᭄ᬭᬪᬸᬲᬸᬩᬮᬯᬶᬃᬬ᭄ᬬ᭞ᬚ᭄ᬜᭂᬓᬫᬗᬦᬗᬶᬦᬸᬫ᭄᭞ᬲᬩ᭄ᬭ
[ ᭒ 2A]
ᬦ᭄ᬫᬳᬾᬩᬸᬄᬳᬾᬩᬸᬳᬦ᭄᭞ᬫᬦᬫ᭄ᬢᬫᬶᬦ᭄᭞ᬓᬬᬸᬦ᭄ᬮᬾᬥᬂᬫᬭᬬᬸᬦᬦ᭄᭟ᬫᬲᬚᭂᬗᬦ᭄ᬗᬜᬂᬚᬢᬄ᭞ᬢᬦ᭄ᬫᬭᬶᬭᬳᬶᬦᬯ᭄ᬗᬶ᭞ᬓᬦ᭄ᬢᭀ
ᬲ᭄ᬜᬩ᭄ᬭᬦ᭄ᬓᬢᬍᬳᬦ᭄᭞ᬯᬲ᭄ᬢᬸᬗᬶᬗᬸᬢ᭄ᬗᬶᬫᬸᬃᬳᬶᬫᬸᬃ᭞ᬫᬭᬶᬫᬕᭂᬳᬂᬰᬰᬡ᭞ᬭᬢᬸᬍᬯᬶᬄ᭞ᬓᬩᬡ᭄ᬥᬵᬲᬧ᭄ᬢᬢᬶᬫᬶᬭ᭟ᬗᬸᬮᬸᬭᬶᬦᬵᬗ᭄ᬓᬭᬫᬸᬃ
ᬓ᭄ᬓ᭞ᬢ᭄ᬭᬶᬩᬾᬤᬓᬤᬸᬓ᭄ᬫᬫᬃᬕ᭄ᬕᬶ᭞ᬗᬯ᭄ᬦᬗᬂᬦᬾᬢᬦ᭄ᬯᭂᬦᬂ᭞ᬢᬦ᭄ᬗ᭄ᬭᬚᭂᬕᬂᬳᬶᬯᬂᬧᬢᬸᬢ᭄᭞ᬧᬗᭂᬦ᭄ᬤᬦᬶᬂᬤᬰᬾᬦ᭄ᬤ᭄ᬭᬶᬬ᭞ᬳᭀᬦᭂᬂᬳᬾᬧᬾᬶᬓ᭄᭞ᬚ᭄ᬦᭂᬓ᭄ᬗᬸ
ᬮᬸᬭᬶᬦ᭄ᬓᬲᬸᬓᬦ᭄᭟ᬲᬯᭂᬢᭂᬓ᭄ᬤᭂᬳᬵᬓᬲᬾᬗᬦ᭄᭞ᬫᬕᬶᬮᬶᬃᬲᬩᬶᬮᬂᬯ᭄ᬗᬶ᭞ᬢᬦ᭄ᬧᬾᬦ᭄ᬤᬄᬐᬰ᭄ᬯᬃᬬ᭄ᬬᬤᬮ᭞ᬦᬵᬣᬾᬂᬧᬢᬮᬶᬦᬕᬦ᭄ᬢᬸᬦ᭄᭞ᬢᬸᬗ᭄ᬓᬸ
