[᭑᭗ 17B]
᭖
ᬦ᭄ᬤᬸᬲᬶᬦ᭄᭞ᬳᬤᬦᬢᭀᬬᬧᬗ᭄ᬮᭂᬩᬸᬃ᭞ᬲᬫᬮᬦᬾᬭᬶᬂᬰᬭᬷᬭ᭞ᬲᬫᬶᬳᬧᬶᬦᬾᬭᬶᬂᬦᬪᬶ᭞ᬧᬥᬳᬸᬢᬸᬲ᭄᭞ᬗᭂᬲᭂᬂᬲᬫᬶᬬᬾᬭᬶᬗᬯᬓ᭄᭟᭒᭓᭟ᬬᬦ᭄
ᬲᬵᬫ᭄ᬧᬸᬦ᭄ᬢᬃᬩᬰᬾᬱ᭞ᬧᬫᭂᬢ᭄ᬯᬓᭂᬦᬶᬓᬂᬯᬭᬶᬄ᭞ᬫ᭄ᬭᬢᬦᬾᬭᬶᬂᬰᬭᬷᬭ᭞ᬳᬶᬓᬳᬗ᭄ᬕᬾᬦ᭄ᬫᬫᬺᬲᬶᬳᬶᬦ᭄᭞ᬳᬶᬓᬸᬲᬸᬘᬶᬦᬶᬗᬲᬸᬘᬶ᭞ᬤᬳᬢᬶᬂᬢᬮᬶᬯ
ᬢᬭᬹᬫ᭄᭞ᬓᬾᬢᭀᬲᬚ᭄ᬜᬦ᭄ᬪᬝᬭ᭞ᬲᬂᬕᬦ᭄ᬟᬃᬯ᭄ᬯᬫᬫᬶᬲᬶᬗ᭄ᬕᬶᬄ᭞ᬦᭂᬫ᭄ᬩᬄᬫᬢᬸᬃ᭞ᬫᬫᬶᬢᬂᬮᬸᬕ᭄ᬭᬫᬲᬶᬭᬫ᭄᭟᭒᭔᭟ᬲᬓ᭄ᬱᬡᬲᬶᬭᬮᬸᬫᭂᬓᬲ᭄᭞ᬫ᭠
ᬫ᭄ᬕᭂᬂᬩᬵᬬᬸᬲ᭄ᬯᬲᬗᬸᬜ᭄ᬚᬶᬧ᭄᭞ᬢᬦ᭄ᬳᭂᬗ᭄ᬲᬧ᭄ᬗᬾᬲ᭄ᬢᬭᬶᬂᬫᬦᬄ᭞ᬫᭂᬢ᭄ᬯᬂᬕ᭄ᬦᬶᬭᬶᬫᬸᬲ᭄ᬢᬶ᭞ᬦ᭄ᬳᭂᬃᬢᬲᬶᬭᬵᬗ᭄ᬮᬶᬄ᭞ᬤᬸᬄᬧᬸᬓᬸᬮᬸᬦ᭄ᬳ᭄ᬬᬂᬲᬶᬦᬸᬳᬸ᭞ᬢᬶᬦᭀᬦ᭄ᬤᬾ
[᭑᭘ 18A]
ᬦᬶᬭᬤᬾᬯ᭞ᬪᬝᬭᬚᬶᬦᬦᬳᬸᬭᬶ᭞ᬯ᭄ᬭᬸᬄᬳᬦᬓᬸ᭞ᬫᬺᬢ᭄ᬬᬸᬦᬶᬂᬚᬸᬢᬶᬦᭀᬫᬢ᭄ᬭ᭟᭒᭕᭟ᬲᬧᬸᬦᬶᬓᬓᬶᬢᬫᬸᬯᬄ᭞ᬢᬶᬦᭀᬮᬶᬳᬓᭂᬦ᭄ᬢᬸᬫᬸᬮᬶ᭞ᬦᬸᬫᬸᬜ᭄ᬘᬃ
ᬢᭀᬬᬧᬦᭀᬦ᭄᭞ᬓᬸᬫᬸᬓᬸᬲᬗ᭄ᬕᬵᬢᬸᬃᬳᬗ᭄ᬮᬶᬄ᭞ᬳᬸᬦᬶᬗᬚᬷᬯᬧᬢᬶ᭞ᬲᬶᬦᬯᬸᬓᬦ᭄ᬢᬸᬘ᭄ᬙᬫ᭄ᬢᬸ᭞ᬭᭀᬧᬲᬦᬦ᭄ᬢᬭᬰᬸᬤ᭄ᬟ᭞ᬳᬢᬸᬭᬶᬧᬸᬦ᭄ᬲᬶᬗ᭄ᬕᬶᬄ᭞ᬲᬂᬲᬶᬦᬸᬳᬸᬦ᭄᭞
ᬓ᭄ᬦᬓᬬᬧ᭄ᬭᬫᬤᬾᬯ᭟᭒᭖᭟ᬲᬶᬗ᭄ᬕᬶᬄᬰᬺᬥᬳ᭄ᬬᬂᬲᬸᬦ᭄ᬫᬶᬦ᭄ᬢ᭞ᬲᬶᬦᬳᬸᬭᬦ᭄ᬲᬶᬭᬵᬕ᭄ᬮᬶᬲ᭄᭞ᬤᬾᬦ᭄ᬪᬝᬭᬕᭀᬢ᭄ᬢᬫ᭞ᬧᬸᬢ᭄ᬭᬗ᭄ᬓ᭄ᬯᬵᬚᬯᬮᬗᬢᬶ᭞ᬳᬶᬗᬶᬢ᭄ᬓᬶᬢᬦᬾ
ᬜ᭄ᬚᬢᬶ᭞ᬤᬾᬦᬶᬂᬲᬹᬓ᭄ᬱ᭄ᬫᬦᬾᬓᬦᬸᬮᬸᬲ᭄᭞ᬦᬶᬱ᭄ᬝᬦ᭄ᬬᬳᬭᬂᬳᬭᬂ᭞ᬗᬯᬲᬯᬶᬓᬦ᭄ᬓᬓᬶ᭞ᬳᬾᬯᭂᬄᬫᬬᬸᬓᬸᬭᬶᬂᬢᬃᬲ᭄ᬬᭀᬧᬤᬾᬰ᭟᭒᭗᭟ᬓᬶᬢᬳ᭄ᬬᬸᬦᬶᬂᬫᭀᬓ᭄ᬱ
Page:Bali-lontar-gaguritan-rama-rena-01-02-350ppi.pdf/18
Jump to navigation
Jump to search
This page has been proofread.
