[ ᭖ 6B]
᭖
ᬭᬶᬦ᭄᭞ᬦᬭᬶᬂᬳᬸᬦ᭄ᬥᬸᬓ᭄ᬘᭂᬦᬶᬂᬳᬤ᭞ᬫᬦᬦᬂᬩᬸᬓᬚᬦᬶ᭟᭐᭟᭑᭕᭟ᬓᬓᬸᬩᬸᬭᬂᬤᬦᬾᬤᬸᬓᬸᬄ᭞ᬦᬭᬶᬂᬢᭂᬕᬮ᭄ᬧ᭄ᬭᬡᬧᬢᬶ᭞ᬢᭂᬭᬂᬳᭀᬃᬣᬦᬾᬤᬶᬗᭂᬄᬧᬤ᭞ᬳᬤᬸᬂᬩᬧᬭᬭᬶᬲ᭄ᬜᬶᬗᬶᬤ᭄᭞ᬗᬲ᭄ᬢᬯᬭᬶᬂᬲᬂ
ᬳᬤᬶᬳ᭄ᬬᬂ᭞ᬧᬕᭂᬄᬧᭂᬲᬦ᭄ᬩᬶᬮᬂᬯᭂᬗᬶ᭟᭐᭟᭑᭖᭟ᬲᬸᬯᬾᬩᬧᬫ᭄ᬬᬰᬤᬶᬢᬸ᭞ᬫᬾᬄᬳᬰᬰᬶᬄᬧᬶᬢᬸᬂᬯᭂᬗᬶ᭞ᬫᬧᬶᬦᬸᬦᬲ᭄ᬭᬶᬂᬳᬤᬶᬳ᭄ᬬᬂᬲᬤ᭄ᬬᬧᬶᬲᬦ᭄ᬩᬧᬘᭂᬦᬶᬂ᭞ᬭᬯᬸᬄᬤᬦᬾᬜᬮᬦ᭄ᬢᬭ᭞ᬤᬸᬓᬸᬄᬳᬚᬃ᭠
ᬲᬵᬫ᭄ᬧᬹᬃᬡᬍᬯᬶᬄ᭟᭐᭟᭑᭗᭟ᬰᬺᬗ᭄ᬕᬭᬗᬦ᭄ᬥᬶᬓᬳᬮᬸᬲ᭄᭞ᬗᬹᬥᬧᬸᬬᬸᬂᬓᬲᬾᬧ᭄ᬫᬳᬶ᭞ᬳᬤᭀᬄᬲᬵᬫ᭄ᬧᬸᬦ᭄ᬩᬧᬮ᭄ᬯᬲ᭄᭞ᬤᬤᬶᬘᭂᬦᬶᬂᬚ᭄ᬭᬢ᭄ᬚᭂᬭᬶᬢ᭄᭞ᬳᬧᬚᬵᬢᬶᬓᬩ᭄ᬯᬢᬂ᭟ᬩᬶᬮᬂᬯᭂᬗᬶᬢᭂᬓᬫᬳᬶ᭟᭐᭟
᭟᭑᭘᭟ᬭᬭᬶᬲ᭄ᬜᬸᬫ᭄ᬩᬄᬩᬧᬤᬶᬢᬸ᭞ᬜᬮᬾᬫ᭄ᬧᭀᬄᬘᭂᬘᭂᬄᬫᬪᬓ᭄ᬢᬶ᭞ᬳᬕᬸᬂᬲᬶᬦᬵᬫ᭄ᬧᬸᬭᬢᬶᬢ᭄ᬬᬂ᭞ᬲᬶᬗ᭄ᬕᬶᬄᬭᬢᬸᬲᬂᬳᬤᬶᬍᬯᬶᬄᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬤᬾᬯ᭞ᬲᬦᬾᬢᬸᬦᬲ᭄ᬢᬦᬸᬦᬶᬗᬶᬦ᭄᭟᭐᭟᭑᭙᭟
[ ᭗ 7A]
ᬤ᭄ᬯᬦᬶᬂᬤᬸᬭᬸᬂᬢᬶᬢ᭄ᬬᬂᬳᬤᬸᬂ᭞ᬦᬧᬶᬢᬸᬦᬲ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬾᬫᭂᬂᬤᬦᬾᬲᬂᬓᬢᬸᬭᬦ᭄᭞ᬫᬾᬲᭂ᭠ᬫ᭄ᬫᬗᬦ᭄ᬥᬶᬓᬳᬳᬶᬲ᭄᭞ᬦᭀᬲᬓᭂᬦᬩᬧᬮᬫ᭞ᬗ᭄ᬭᬯᭀᬲ᭄ᬳᬚᬓ᭄ᬘᭂᬦᬶᬂᬤᬶᬦᬶ᭟᭐᭟᭒᭐᭟ᬘᬸᬢᭂᬢ᭄ᬚᬦᬶᬓᭂᬫᬫ
ᬦ᭄ᬢᬸᬓ᭄᭞ᬳᬥᬸᬂᬗᬂᬤᬶᬚᬸᬫᬄᬘᭂᬦᬶᬂ᭞ᬳᬚᬓ᭄ᬓᬸᬋᬡᬦᬾᬚᬸᬫᬄ᭞ᬳᬧᬲᬦᬾᬢᬸᬦᬲ᭄ᬚᬢᬶ᭞ᬳᬶᬲᭂ᭠ᬧᬾᬫᬮᬶᬍᬧᬸᬓᬂ᭞ᬫᬦᬸᬦᬲ᭄ᬤᬶᬢᬸᬓᬯᬶᬢᬶᬦ᭄᭟᭐᭟᭒᭑᭟ᬤᬤᬶᬦᬸᬦᬲ᭄ᬢ᭄ᬯᬄᬧᬶᬂᬢᭂᬮᬸ᭞ᬧᭂᬮᬶᬳᬾᬤᬤᬶᬚᬸᬫᬸᬦᬶᬦ᭄᭞
ᬢ᭄ᬯᬄᬢᬢᭂᬮᬸᬦᬾᬤᬤᬶᬢᬸᬦᬲ᭄᭞ᬯᬶᬮᬂᬘᭂᬦᬶᬂᬩᭂᬲᬶᬓ᭄ᬩᭂᬲᬶᬓ᭄᭞ᬧ᭄ᬭᬢᬫᬦᬸᬦᬲ᭄ᬓᬕᬸᬗᬦ᭄᭞ᬓᬧᬶᬂᬤ᭄ᬯᬓᬲᬸᬓᬦ᭄ᬕᬸᬫᬶ᭟᭐᭟᭒᭒᭟ᬓᬧᬶᬂᬢᬶᬕᬦᬸᬦᬲᬓᬯ᭄ᬭᬸᬄ᭞ᬫᬗ᭄ᬤᬳᬥᬸᬂᬲᬋᬂᬓᬮᬶᬄ᭞ᬧ᭄ᬭᬕᬢ᭄ᬲᬸᬩᬚᬦᬶᬩᬧ᭞ᬓᭂ
ᬫᬫᬸᬮᬶᬄᬧᬸᬬᬸᬂᬚᬦᬶ᭞ᬲᬂᬳᬤᬶᬢ᭄ᬬᬂᬳᬦ᭄ᬢᬃᬮᬶᬦ᭞ᬤᬶᬢᬸᬩᬧᬭᬭᬶᬲ᭄ᬫᬸᬮᬶᬄ᭟᭐᭟᭒᭓᭟ᬓᬭᬶᬲᭂᬫᭂᬂᬩᬧᬭᬯᬸᬄ᭞ᬳᭂᬦᬸᬧᬸᬍᬲ᭄ᬫᬾᬫᬾᬜ᭄ᬘᭂᬦᬶᬂ᭞ᬓᬫᭂᬢᬾᬦ᭄ᬩᬧᬗᬶᬫᬗᬂ᭞ᬫᬦᬸᬦ᭄ᬤᬸᬦᬶᬦ᭄ᬫᬾᬫᬾᬦ᭄ᬘᭂᬦᬶᬂ᭞
