[ ᭔᭕ 45B]
᭔᭕
ᬧᭀᬄᬯᬦᬶᬮᬯᬦ᭄ᬫᬗ᭄ᬕᬶᬲ᭄᭞ᬮᬗ᭄ᬲᬢ᭄ᬲᬮᬓ᭄ᬜᬫ᭄ᬩᬸ᭞ᬩᬸᬮ᭄ᬯᬦ᭄ᬤᬸᬭᬾᬦ᭄ᬦᬗ᭄ᬓᬘᬭᭀᬭᬶᬂ᭞ᬲᬸᬫᬕᬦᬾᬮᬯᬦ᭄ᬲᭂᬦ᭄ᬢᬸᬮ᭄᭞ᬓᬮ᭄ᬬᬲᭂᬫ᭄ᬩᬮᬶᬫ᭄ᬩᬶᬂᬫᬦᬶᬲ᭄᭞ᬓᬧᬸᬦ᭄ᬤᬸᬗᬾᬲᬩᭀᬲᭀᬢᭀᬂ᭟᭐᭟᭒᭟᭠
ᬬᬾᬦ᭄ᬬᬾᬳᬶᬦ᭄ᬩᬦ᭄ᬢᬸᬯᬓ᭄ᬫᬦᬶᬲ᭄᭞ᬫᬲᬸᬦᬦ᭄ᬩᬦ᭄ᬢᭂᬩᬸ᭞ᬕᬸᬮᬳᭂᬦ᭄ᬢᬮ᭄ᬕᬸᬮᬧᬲᬶᬃ᭞ᬳᬯᭀᬭᬶᬦ᭄ᬩᬦ᭄ᬕᬸᬮᬩᬢᬸ᭞ᬫᬦᬶᬲ᭄ᬜᬢᬦ᭄ᬓᬤᬶᬓᬤᬶ᭞ᬳᬢᬸᬭᬂᬢᬶᬢ᭄ᬬᬂᬓᬧᭀᬦ᭄ᬤᭀᬓ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟᭠
᭟᭑᭟ᬤᬦᬾᬫᬢ᭄ᬯᬓᬧᬸᬧᬸᬗᬦ᭄᭞ᬫᬘᭂᬩᬸᬃᬭᬭᬶᬲ᭄ᬓᬲᬶᬲᬶ᭞ᬲᬓᬾᬂᬦᬢᬄᬤᬦᬾᬦᬶᬜ᭄ᬚᭀ᭞ᬫᬦ᭄ᬢᬸᬦ᭄ᬜᬦᬾᬓᬕᬾᬢ᭄ᬭᬯᬸᬄ᭞ᬗᬸᬦ᭄ᬤᬶᬢ᭄ᬓᬶᬱᬧᭂᬮᬸᬄᬲᬶᬢᬄ᭞ᬓᬢᬗ᭄ᬕᬧᬶᬦ᭄᭞ᬘᬳᬶᬫᬦ᭄ᬢᬸᬳᬧᬓᬩ
᭟᭐᭟᭒᭟ᬲᬳᬲᬸᬭᬵᬢ᭄ᬗᬕᬄᬓᬶᬱ᭞ᬗᬸᬧᬓ᭄ᬲᬭᬵᬢ᭄ᬫᬫᬮᬶᬳᬶᬦ᭄᭞ᬲᬫ᭄ᬩᬶᬮᬂᬫᬗ᭄ᬯᬶᬮᬂᬳᬾᬧᭀᬄ᭞ᬓᬶᬭᬂᬳᬾᬧᭀᬄᬤᬶᬢᬸᬫᬸᬗ᭄ᬕᬸᬄ᭞ᬫᬸᬜᬶᬦ᭄ᬲᬸᬭᬵᬢᬾᬮᬶᬫᭀᬮᬲ᭄᭞ᬫᬦᬓᬾᬦᬶ
[ ᭔᭖ 46A]
ᬦ᭄᭞ᬘᬳᬶᬫᬢᬸᬗᬹᬥᬓᬶᬭᬂ᭟᭐᭟᭓᭟ᬧᬓᬶᬭᬶᬫᬾᬜᬳᬶᬯᬬᬦ᭄᭞ᬗᬹᬥᬪᬶᬦᬓᬵᬤᬶᬢᬸᬮᬶᬲ᭄᭞ᬫᬦ᭄ᬢᬸᬦ᭄ᬜᬦᬾᬗᬓᬸᬋᬓᭀ᭞ᬢᬸᬦᬲ᭄ᬢᬶᬢ᭄ᬬᬂᬦᬾᬳᬩᬸᬗ᭄ᬓᬸᬮ᭄᭞ᬤᬦᬾᬫᬢ᭄ᬯᬭᬭᬶᬲ᭄ᬗᬸᬘᬧ᭄᭞ᬫᬸ᭠
ᬜᬶᬫᬦᬶᬲ᭄᭞ᬢᬸᬭᬶᬂᬤᬤᬶᬘᬳᬶᬩᭀᬩᬩ᭄᭟᭐᭟᭔᭟ᬤᬤᬶᬲᬸᬩᬘᬳᬶᬩᬸᬤᬮ᭄᭞ᬓᭀᬘᬧ᭄ᬗᬗ᭄ᬕᭀᬤᬬᬍᬗᬶᬢ᭄᭞ᬩᬧᬢᬸᬲᬶᬂᬤᭂᬫᭂᬦ᭄ᬓᬾᬢᭀ᭞ᬫᬦ᭄ᬢᬸᬦᬾᬳᬶᬗ᭄ᬕᬶᬄᬫᬗᬗ᭄ᬕᬸᬢ᭄᭞ᬩᬗᬸᬦ᭄ᬤᬦᬾᬭ
ᬭᬶᬲ᭄ᬩᬸᬤᬮ᭄᭞ᬢᬦ᭄ᬧᬧᬫᬶᬢ᭄᭞ᬢᬦ᭄ᬓᭀᬘᬧᬦ᭄ᬦᬭᬶᬂᬚᬮᬶᬦ᭄᭟᭐᭟᭕᭟ᬓᭂᬫᬓ᭄ᬓᭂᬫᬶᬓ᭄᭞ᬬ᭠ᬤᬶᬚᬮᬦ᭄᭞ᬫᬫᬶᬦᭂᬄᬳᬸᬦ᭄ᬤᬸᬓᬾᬧᭂᬮᬶᬄ᭞ᬩᬥᬄᬲᬗᭂᬢ᭄ᬲᬚᬗᭀᬦ᭄᭞ᬲᬸᬭᬢᬾᬗᭀᬭᬳᬂᬤᬶ
ᬢᬸ᭞ᬳᬦᬓ᭄ᬫᭂᬦ᭄ᬥᭂᬧ᭄ᬤᬤᬶᬦᬯᬂ᭞ᬗᬸᬶᬂᬫᬗᬮᬶᬫ᭄ᬮᬶᬫ᭄᭞ᬢᬸᬲᬶᬂᬩᬓᬢ᭄ᬩᬦ᭄ᬗᬶᬢᬸᬗᬂ᭟᭐᭟᭖᭟᭠ᬲᭀᬭᬾᬲᬵᬫ᭄ᬧᬸᬦ᭄ᬭᬯᬸᬄᬚᬸᬫᬄ᭞ᬓᭀᬫ᭄ᬧ᭄ᬬᬂᬕᬡᬮ᭄ᬦᬧᭂᬢ᭄ᬦᬲᬶ᭞ᬯᬬᬦ᭄ᬧᬸᬬᬸᬂᬜᬧᬳᬮᭀᬦ᭄᭞
Page:Bali-lontar-gaguritan-puyung-sugih-250ppi.pdf/46
Jump to navigation
Jump to search
This page has been proofread.
