[᭘ 8B]
᭞᭘᭞
ᬤᬾᬰ᭞ᬫᬓᬤᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬲᬢᬢᬫᬤᬦᬧᬸᬡ᭄ᬬ᭞ᬫᬓᬤᬶᬫᬢᬸᬮᬸᬂᬳᬸᬭᬶᬧ᭄᭞ᬳᭂᬜᬾᬦ᭄ᬩᬦᬶᬫᬗᬸᬫᬶᬓ᭄᭞ᬤᬶᬓᬧᬦ᭄ᬢᬦᬶᬬᬓᬸᬓᬸᬄ᭞ᬓᬲᬸᬓᬦᬾᬢᭂᬫ᭄ᬯᬂ᭞ᬓᬢᭂᬓ
ᬦᬶᬂᬘᬸᬘᬸᬓᬸᬫ᭄ᬧᬶ᭞ᬢᭂᬭᬸᬲ᭄ᬢᬸᬫᬸᬲ᭄᭞ᬲᬮᬯᬲᬾᬫᬗ᭄ᬕᬶᬄᬘᬸᬓ᭟ᬳᬤᬲᬸᬕᬶᬄᬓᬫᬸᬭᬗᬦ᭄᭞ᬤᭂᬫᭂᬦ᭄ᬫᬦᬫ᭄ᬩᬸᬦᬂᬧᬶᬧᬶᬲ᭄᭞ᬢᭀᬂᬩᬦᬶᬗᬗ᭄ᬕᭀᬯᬶᬦ᭄ᬳᬯᬓ᭄᭞ᬓᬫ᭄ᬩᭂᬦᬾᬯᬾ
ᬓ᭄ᬧᬕᬸᬭᬫᬶᬂ᭞ᬢᬸᬫᬦᬾᬧᬕᬸᬭᬶᬤᬶᬧ᭄᭞ᬤᬓᬶᬦᬾᬫᬩᬶᬓᬮ᭄ᬳᭂᬩᬸᬓ᭄᭞ᬢᭀᬂᬢᬳᬾᬦ᭄ᬳᬦ᭄ᬢᬸᬕ᭄ᬢᭀᬬ᭞ᬢ᭄ᬯᬭᬳᬚᬶᬦ᭄ᬢᭂᬓᬾᬦ᭄ᬯᬶᬥᬶ᭞ᬲᬃᬯ᭄ᬯᬧᬲᬸ᭞ᬦᬸᬫᬶᬢᬶᬲ᭄ᬤᬤᬶᬫᬵᬦᬸᬱ᭟
ᬕᬦ᭄ᬢᬶᬦ᭄ᬮᬘᬸᬭᬾᬫᬵᬯᬓ᭄᭞ᬤᬳᬢ᭄ᬧᬶᬲᬦ᭄ᬫᬜᭂᬗ᭄ᬓᭂᬦᬶᬦ᭄᭞ᬳᭂᬜᬾᬦ᭄ᬳᬦᬓᬾᬫᬫᬦᬂ᭞ᬤᬶᬳᬶᬤᬸᬧᬾᬩᬸᬓᬚᬦᬶ᭞ᬢᬦ᭄ᬮ᭄ᬬᬦ᭄ᬫᬯᭂᬢᬸᬲᭂᬤᬶᬄ᭞ᬫᬦᭂᬕᬓ᭄ᬫᬗᬸ
[᭙ 9A]
ᬧ᭄ᬓᬸᬧ᭄ᬳᭂᬦ᭄ᬢᬸᬤ᭄᭞ᬲᬶᬂᬧᬳᭂᬓᬶᬦ᭄ᬫᬗᬸᬮᬄ᭞ᬲᬶᬂᬢᭂᬓᬧᬤᬫᬾᬜ᭄ᬚᭂᬫᬶᬦ᭄᭞ᬩᬲ᭄ᬓᬤᬸᬭᬸᬲ᭄᭞ᬧᬶᬤᬶᬓᬾᬢᭂᬓᬾᬦ᭄ᬧᬶᬲᬕ᭟ᬳᬦᬓ᭄ᬲᭂᬦ᭄ᬓᬤᬤᬶᬚᬦ᭄ᬫ᭞ᬫᬗᬦ᭄ᬤᭂᬮᬂᬳᬯᬓ᭄ᬲᬸᬕᬶᬄ᭞ᬳᭂᬦ᭄ᬢᭀᬬᬫᬦᬤᬶᬤᭀ
ᬱ᭞ᬲᬗ᭄ᬓᬦ᭄ᬬᬧᬮᬧᬦᬶᬦ᭄᭞ᬢᬶᬗ᭄ᬓᬳᬾᬢᬦ᭄ᬧᬳᬶᬦ᭄ᬤᬶᬓ᭄᭞ᬳᭂᬦ᭄ᬢᭀᬤᬤᬶᬫᬸᬲᬸᬄᬮᬶᬬᬸ᭞ᬢᬦ᭄ᬫᬭᬶᬬᬫᬫᬶᬢᬂ᭞ᬫᬗᬯᬾᬦᬂᬓᬤᬶᬓᬤᬶ᭞ᬳᬦᬓ᭄ᬮᬶᬬᬸ᭞ᬫᬩᬸᬤ᭄ᬟᬶᬫᬦᬫ᭄ᬧᬄᬢᬶᬫ᭄ᬧᬮ᭄᭟ᬫᬶ
ᬗ᭄ᬓᬶᬦ᭄ᬦᬾᬤᬤᬶᬯᭀᬂᬰᬸᬤ᭄ᬭ᭞ᬢ᭄ᬯᬭᬗᬯᬗᬸᬦᬂᬓᬾᬃᬣᬶ᭞ᬧᬶᬢᬸᬯᬶᬲᬂᬘᬢᬸᬃᬚᬦ᭄ᬫ᭞ᬢᬦ᭄ᬳᬍᬫᭂᬄᬗᬯᬾᬓᭂᬃᬣᬶ᭞ᬰᬵᬲ᭄ᬢ᭄ᬭᬦᬾᬜᬦ᭄ᬤᬂᬇᬭᬶᬂ᭞ᬳᬗ᭄ᬕᭀᬦ᭄ᬢᬸᬗ᭄ᬓᭂᬤ᭄ᬫᬢᬶᬳᬶᬤᬸᬧ᭄᭞ᬫᬲᬶᬄᬫᬦᬸᬮᬓ᭄ᬰᬵ
ᬲ᭄ᬢ᭄ᬭ᭞ᬢᭀᬂᬤᬤᬶᬫᬵᬦᬸᬱᬫᬮᬶᬄ᭞ᬚᬦᬶᬳᬶᬢᬸᬂ᭞ᬳᬦᬾᬫᬤᬦ᭄ᬘᬢᬸᬃᬚᬦ᭄ᬫ᭟ᬲᬂᬧᬡ᭄ᬟᬶᬢᬗᬫᭀᬂᬰᬵᬲ᭄ᬢ᭄ᬭ᭞ᬯ᭄ᬭᬸᬄᬭᬶᬂᬳᬶᬦ᭄ᬤᬶᬓᬶᬂᬳᬚᬶ᭞ᬫᬓᬤᬶᬲᬂᬳ᭄ᬬᬂᬓᬫᭀᬓ᭄ᬱᬦ᭄᭞ᬫᬩ᭄ᬭᬢ
Page:Bali-lontar-gaguritan-purwa-karma-300ppi.pdf/9
Jump to navigation
Jump to search
This page has been proofread.
