[᭑᭑ 11B]
᭞᭑᭑᭞
ᬗᬸᬩᬢ᭄ᬳᬩᬶᬢ᭄᭞ᬗᬚᭂᬗᬶᬢ᭄᭞ᬬᬫᬓ᭄ᬧᬓ᭄ᬧᬶᬢ᭄ᬭ᭞ᬧᬘᬍᬗᬶᬓ᭄ᬕᬸᬢᬶᬮ᭄ᬘᬘᬶᬂ᭞ᬳᬤᬜᬶᬍᬫ᭄ᬫᬓᭂᬮᬶᬤ᭄᭞ᬩᬤᬸᬤᬕᬮᬓ᭄ᬫᬶᬗᬧᬸᬄ᭞ᬓᬸᬮᬶᬭᬦᬾᬫᬫᬘᭀᬓ᭄᭞ᬩᬮᬸᬯᬂᬜᭂ
ᬲᭂᬩ᭄ᬗᬺᬕᬚᬶ᭞ᬧᬢᬶᬓᭂᬧᬸᬕ᭄᭞ᬧᬶᬢ᭄ᬭᬦᬾᬗᭂᬮᬶᬤᬂᬳᬯᬓ᭄᭟ᬧᬮᬫᬢᬸᬤᬶᬓᬳ᭄ᬬᬗᬦ᭄᭞ᬲᬮᬄᬫᬭᭀᬚᬾᬂᬧᬤᬶ᭞ᬲᬦᬾᬫᬗᬸᬢᬶᬮ᭄ᬩᬩ᭄ᬮᬜ᭄ᬚᬦ᭄᭞ᬢᭂᬓᬦᬶᬂᬦᬾᬲᬸᬩᬩᭂ
ᬮᬶᬂ᭞ᬗᬩᬾᬢᬾᬫᬗᬶᬸᬮᬶᬸᬂᬗᬮᬗᬶ᭞ᬫᬕᬸᬮᬸᬗᬦ᭄ᬲᬮᬶᬂᬧᭂᬮᬸᬓ᭄᭞ᬳᬤᬢᭂᬓᬫᬜᬧ᭄ᬮᭀᬓ᭄᭞ᬓᬺᬯᬸᬦᬾᬍᬗᬃᬕᬸᬦ᭄ᬤᬶᬮ᭄᭞ᬓᬢᬢᬓᬸᬢ᭄᭞ᬫᬳᬤᬦ᭄ᬩ᭄ᬮᬕᬤᬩᬄ᭟ᬢᬶ
ᬬᬶᬂᬧᭂᬢᬸᬗᬾᬫᬚᬚ᭞ᬫᬶᬲᬶᬧᬶᬢ᭄ᬭᬧᬕᬸᬮᬦ᭄ᬢᬶᬂ᭞ᬳᬗᬶᬦᬾᬩᬋᬢ᭄ᬗᬬᬸᬦᬂ᭞ᬢᭂᬮᬄᬧᭂᬕᬢ᭄ᬧᬓ᭄ᬮᭂᬢᬶᬓ᭄᭞ᬳᬤᬜᬸᬗ᭄ᬲᬢ᭄ᬳᬤᬦᬸᬗ᭄ᬕᬶᬂ᭞ᬧᬤᬶᬕ᭄ᬤᬕ᭄ᬗᬸᬮᬸᬗᬶᬦ᭄ᬧᬗ᭄ᬓᬸᬂ᭞ᬫᬦᭂ
[᭑᭒ 12A]
ᬧᬾᬦᬶᬦ᭄ᬩᬢᬸᬭᬶᬤᬂ᭞ᬧᬶᬮᬄᬧᬭᬗᬦ᭄ᬫᬕᬶᬕᬶ᭞ᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬧᬮᬦᬾᬢᬦ᭄ᬧᬲᬦ᭄ᬢᬦ᭟ᬓᬤᬧᬶᬢ᭄ᬭᬓᬲᬓᬶᬢᬦ᭄᭞ᬫᬢᬸᬜ᭄ᬚᬸᬓ᭄ᬦᭂᬕᬓᬶᬦ᭄ᬮᬗ᭄ᬓᬶ᭞ᬫᬦᬶᬗ᭄ᬓᬶᬮ᭄ᬩᭀᬗ᭄ᬓᭀᬓ᭄ᬫ
ᬗᭀᬦᭀᬂ᭞ᬫᬳᭀᬕᬭᬦ᭄ᬳᬸᬗ᭄ᬕᬢ᭄ᬳᬗ᭄ᬕᬶᬢ᭄᭞ᬓᬶᬗ᭄ᬓᬭᬦᬾᬫᭂᬦᬾᬓᬶᬦ᭄᭞ᬦᬶᬕ᭄ᬢᬶᬕ᭄ᬩᬳᬦ᭄ᬮᬢᭂᬂᬓᬬᬸ᭞ᬫᬸᬮᬶᬲᬄᬫᬕᬲ᭄ᬕᬲᬦ᭄᭞ᬮᬶᬫᬦᬾᬓᬳᬋᬧ᭄ᬓᬯᬸᬭᬶ᭞ᬫᭂᬦᬾᬓ᭄ᬢᬸᬯᬸᬦ᭄᭞ᬗᭂᬫᬲᬶ
ᬦ᭄ᬲᬮᬄᬫᬶᬰᬸᬡ᭟ᬦᬾᬫᬳᬸᬮᬸᬃᬫᬳᬸᬬᭂᬗᬦ᭄᭞ᬮᬶᬗ᭄ᬕᬄᬮᬶᬕᬦᬾᬗᬺᬧᬶᬢᬶᬂ᭞ᬓᬚᬶᬚᬶᬢᬦ᭄ᬧᬢᬶᬕᬩᬕ᭄᭞ᬢᭂᬓᬓᬮᬧᬾᬜᬦ᭄ᬤᭂᬭᬶᬦ᭄᭞ᬓᬸᬮᬶᬢᬾᬧᬕᬸᬭᬫᬶᬂ᭞ᬲᬮᬄᬢᬫ᭄ᬧ
ᬕ᭄ᬓᭂᬦᬧᬲ᭄ᬢᬸ᭞ᬫᬢᬩᭂᬳᬶᬦ᭄ᬤᬦᬾᬘᭀᬭᬄ᭞ᬲᬂᬚᭀᬕᭀᬃᬫᬦᬶᬓ᭄ᬗᭂᬮᬸᬤᬶᬦ᭄᭞ᬗᬩᬢᬸᬳᬸᬓ᭄᭞ᬫᬦᭂᬓ᭄ᬢᭂᬓ᭄ᬫᬫᬸᬓᬂᬫᬸᬓᬂ᭟ᬳᬤᬧᬶᬢ᭄ᬭᬫᬩ᭄ᬮᬕ᭄ᬩᬕ᭄᭞ᬫᬩᭂᬮᭀᬓ᭄ᬫᬳᬦ᭄ᬢᬾ
Page:Bali-lontar-gaguritan-purwa-karma-300ppi.pdf/12
Jump to navigation
Jump to search
This page has been proofread.
