This page has been proofread.
[᭒ 2B]
᭒
ᬣᬾᬂᬳᬾᬫᬦ᭄᭞ᬳᬶᬂᬚ᭄ᬜᬾᬂᬳᬶᬗ᭄ᬲᬸᬦ᭄ᬳᬘᬭ᭄ᬯ᭞ᬳᬶᬂᬫᬃᬕ᭄ᬕᬧ᭄ᬭᬫ᭄ᬧᬢᬦ᭄ᬳᬕᬸᬂ᭞ᬯᬭᬳ᭄ᬦᬯᬤ᭄ᬯᬦᬶᬭ᭟ᬧ᭄ᬭᬲᬫᬳᬲᬯᬸᬃᬧᬓ᭄ᬱᬶ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬵᬪᬝᬵ
ᬭ᭞ᬬᬢᬲᬫ᭄ᬬᬩᬸᬩᬃᬓᬩᬾᬄ᭞ᬫᬦ᭄ᬢᬸᬓ᭄ᬳᬶᬂᬯᬶᬲ᭄ᬫᬲ᭄ᬯᬂᬲ᭄ᬯᬗᬦ᭄᭞ᬲᬂᬦᬵᬣᬫᬜ᭄ᬚᬶᬗᬶᬂᬧᬸᬭᬵ᭞ᬫᬦ᭄ᬢᬸᬓᬶᬂᬧᬫᬺᬫᬦᬶᬧᬸᬦ᭄᭞ᬯᬸᬲ᭄ᬭᬯᬸᬳᬶᬂᬓᬦ᭄ᬬᬧᬸᬭ
᭞ᬓᬯᬃᬡ᭄ᬦᬵᬲᬸᬭᬹᬧ᭄ᬳ᭄ᬬᬂᬭᬯᬶ᭞ᬧ᭄ᬭᬲᬫᬵᬯᬸᬲ᭄ᬳᬘᬯᬶᬲ᭞ᬧᬦ᭄ᬳᬾᬜ᭄ᬚᬂᬲᬸᬲᬸᬓᬦ᭄ᬋᬓᭀ᭞ᬳᬘᬘᬭᬸᬳᬶᬂᬦᬵᬕᬭ᭞ᬲᬯ᭄ᬗᬶᬯ᭄ᬗᬶᬘᬯᭀᬲ᭞ᬫᬓᬵ
ᬤᬤᬶᬩᬸᬓ᭄ᬢᬶᬦᬶᬧᬸᬦ᭄᭞ᬓᬂᬳᬦᬾᬂᬚ᭄ᬭᭀᬦᬶᬂᬦᬵᬕᬭ᭟ᬓᬯᬸᬯᬸᬲ᭄ᬢᬶᬦᬫ᭄ᬧᬄᬢᬾᬓᬶ᭞ᬓᬸᬘᬶᬢ᭄ᬲᬫ᭄ᬧᬶᬓ᭄ᬩᭀᬤᭀᬫ᭄ᬩᬵ᭞ᬢᬦ᭄ᬓᭀᬘᬧ
[᭓ 3A]
ᬮᬢ᭄ᬭᬶᬫᬗ᭄ᬓᭀ᭞ᬓᭀᬘᬧᬫᬗ᭄ᬓᬾᬭᬳᬶᬦᬵ᭞ᬧᬺᬲᬫ᭄ᬬᬯᬸᬲᬢᬡ᭄ᬬ᭞ᬫᬓᬫᬶᬯᬄᬢᬲᬂᬧ᭄ᬭᬪᬸ᭞ᬮᬯᬦ᭄ᬧᬺᬭᬢᬸᬲᬤᬬᬵ᭟ᬧᬺᬲᬫ᭄ᬬᬳᬸᬫᬋᬓ᭄ᬢᬾ
ᬓᬶ᭞ᬫᬭᬶᬂᬲᬶᬭᬵᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᭀᬦ᭄᭞ᬧᬢᬶᬄᬬᬦ᭄ᬯᬸᬲ᭄ᬧᭂᬧᭂᬓᬂᬩᬮᬵ᭞ᬮᬓᭀᬦᬦᬵᬯᬤ᭄ᬬᬩᬮᬵ᭞ᬳᬓᬃᬬ᭄ᬬᬧᬵ
ᬗ᭄ᬕᬸᬗᬦ᭄ᬢᬾᬓᬸ᭞ᬬᬢᬤᬚᬮ᭄ᬦᬧ᭄ᬬᬄᬗᬸᬘᬧ᭄᭟ᬳᬾᬢᬲᬶᬭᬩᬮᬲᬫᬶ᭞ᬫᬗ᭄ᬓᬾᬲᬶᬭᬵᬳᬓᬺᬥᬶᬬᬵ᭞ᬩᬸᬮᬢ᭄ᬭᬶᬤᬾᬦ᭄ᬕᭂᬲᬶᬸᬮᬶᬲ᭄ᬫᬗ᭄ᬓᭀ᭞ᬤᬤ᭄ᬯ
ᬤ᭄ᬬᬲᬶᬕ᭄ᬭᬳᬓᬃᬬ᭄ᬬ᭞ᬲᬓ᭄ᬥᬧ᭄ᬯᬸᬲ᭄ᬧᬸᬧᬸᬢᬶᬓᬵ᭞ᬓᬂᬩᬸᬮᬢ᭄ᬭᬶᬢᬧᬸᬦᬶᬓᬹ᭞ᬬᬢᬫᬸᬗ᭄ᬕᬄᬰ᭄ᬭᬶᬦᬭᬾᬦ᭄ᬤ᭄ᬭ᭟ᬲᬋᬂᬮᬯᬦ᭄ᬧᬸᬢ᭄ᬭᬦᬾᬓᬶ᭞ᬲᬂᬦᬣᬵ
